Diario Sport нашрининг ёзишича, футболчининг агенти Мино Райола мижозининг потенциал трансферини «кўк-анорранглилар» президенти Жоан Лапорта билан муҳокама қилган. Бироқ бир қанча сабаблар туфайли келишув амалга ошмай қолган.

Биринчидан, Погбанинг йиллик маоши ва Райолага тўланадиган комиссия суммаси «Барселона» учун жуда қимматлик қилган. Айни дамда у «МЮ»да 15 миллион фунт маош олишига қарамай, каталонияликлардан камида 20 миллион маош олишни исташини айтган.

Иккинчидан, «блаугранас» бош мураббийи Хави Погбанинг келишига хайрихоҳ эмаслигини айтган. Унинг фикрича, жамоада яримҳимоя чизиғи қолганларига қараганда анча яхши кучайтирилган. Шу сабаб, эътиборни бошқа позицияларга қаратиш кераклигини таъкидлаган.

Маълумот учун, Погбанинг айни дамдаги потенциал нархи 60 миллион еврони ташкил этмоқда. У ёзда эркин агентга айланади.

«Marca» нашрининг хабар беришича, 34 ёшли уругвайлик футболчи каталонияликлар таклифини қабул қилишга қарор қилган. Унинг фикрича, Испанияда у кўпроқ ўйин амалиётига эга бўлади.

Шартнома катта эҳтимол билан мавсум сўнгига қадар мўлжалланади. Қайд этилишича, Каванига «Бока Хуниорс»дан таклифлар бўлган, бироқ уругвайлик футболчи «Барса» вариантини устунроқ кўрган.

Маълумот учун, Эдинсон Кавани бу мавсумда Премьер-лиганинг 5та ўйинида майдонга тушиб, 1та гол уришга муваффақ бўлган.

Кот д'Ивуарлик 24 ёшли футболчининг миланликлар билан амалдаги келишуви ёзда ниҳоясига етади. Football Italia хабарига кўра, Франк клуби билан янги шартнома масаласида келишувга эришмаган. Футболчининг агенти бир ойдан буён бир қатор клублар билан музокара ўтказиб, «Манчестер Юнайтед» билан келишувга эришишга яқин турибди.

Қайд этилишича, Кессьени «Тоттенҳэм» ва «ПСЖ» ҳам ўз сафида кўришни истаган, аммо эркин агентга айладиган ўйинчи учун инглиз клуби яхшироқ таклиф берган. У ёзда «Милан»ни тарк этади.

Маълумот учун, Франк А Серия жорий мавсумида 14 ўйинда 3та голга муаллифлик қилган.

«Антони январдаги трансфер ойнасида жамоасини ўзгартирмоқчи. У захирада қолиши эмас, ўйнаши лозим. Марсьяль «Манчестер Юнайтед»да қолишни истамаяпти. Тез орада бу масалани клуб билан муҳокама қиламиз», - дейди франциялик 26 ёшли ҳужумчининг вакили Sky Sports’га.

Марсьял жорий мавсум АПЛда «МЮ» сафида бор йўғи икки ўйинда асосий таркибда тушган бўлса, яна беш ўйинда захирадан ўйинга қўшилган. ЕЧЛда эса 2 ўйин ўтказди.

Франциялик форвард 2015 йилдан буён «Манчестер Юнайтед»да тўп суриб, ҳозирда 2024 йилга қадар келишувга эга. 

Аввалроқ, Марсьялга «Барселона» қизиқиш билдираётгани ҳақида хабар қилинган эди.

The Athletic'нинг ёзишича, якшанба кунги машғулот кўнгилдагидек ўтмади. Бир неча футболчи ва клуб ходимларида коронавирус аниқланди. Ковидга чалинган футболчилар уйларига жўнатиб юборилган. 

Маълумот учун, Норвичга сафар қилган футболчиларда тест натижалари манфий чиққан. Яъни асосий таркиб ўйинчиларида вирус аниқланмаган.

Қайд этилишича, АПЛ раҳбарияти ҳозирги вазиятдан хабардор. «МЮ»нинг 14 декабрь, сешанба куни бўлиб ўтиши режалаштирилган «Брентфорд»га қарши ўйини ўтказилиши номаълум.

Diario Sport хабарига кўра, «Барселона» клуби уругвайлик 34 ёшли форвардни ўз сафига қўшиб олишни истамоқда. Каталония клуби Каванини ёзда эркин агент сифатида таклиф этмоқчи эди, аммо Хави таркибда ҳужумчига эҳтиёж юқорилигини билдириб, клуб раҳбариятидан Эдинсонни январдаёқ сотиб олишни сўраган. Лапорта ушбу трансфер катта маблағ талаб қилмаса, ўтишни амалга ошириш ниятида.

Уругвайлик ҳужумчи ҳам «МЮ»да Криштиану Роналду асосий таркибда тўп суришини тушуниб, Ла Лигага кўчиб ўтишга қарши эмас.

Маълумот учун, Каванининг «Юнайтед» билан амалдаги келишуви 2022 йилга қадар имзоланган. Ҳужумчи 2020 йилда клубга эркин агент сифатида қўшилганди.

«АПЛнинг бирорта клуби билан келишувга эришганим йўқ. Барчаси ёлғон маълумот. Бор эътиборим Италия миллий жамоаси билан жаҳон чемпионатига чиқиш ва чемпионлик учун курашишга қаратилган», - дея Манчинининг сўзларини келтирган Gazzetta dello Sport.

Аввалроқ, Манчини ёзда «Манчестер Юнайтед» бош мураббийига айланиши борасида хабарлар тарқалганди. Ҳозирда жамоани бошқараётган Ральф Рангник клуб билан мавсум якунига қадар шартнома имзолаган.

63 ёшли немис мутахассиси ишчи визасини олиб, тез орада клубдаги лавозимига расман киришади. Рангник 2019 йилдан буён бош мураббий сифатида ишламаётгани сабаб Буюк Британияда ишлаш ҳуқуқини автоматик тарзда ололмаган. АФА комиссияси хулосасидан сўнг унга ишлаш ҳуқуқи берилди.

Қайд этилишича, Рангник «Арсенал»га қарши ўйинни трибунада кузатади. 5 декабрь куни эса «Кристал Пэлас» билан баҳсда «МЮ» бош мураббийи сифатида мураббийлар ўриндиғидан жой олади.

Маълумот учун, «МЮ» - «Арсенал» баҳси бугун, 2 декабрь куни соат 01:15да бошланади. Учрашувда Майкл Кэррик манчестерликларни бошқаради.

«Расмий ўйинларда клублар миқёсида 800дан ортиқ гол урган биринчи футболчи бўлганимдан хурсандман. Қандай ажойиб ва унутилмас йўлни босиб ўтдим...

Шу пайтга қадар ёнимда бўлган барча мухлисларимга раҳмат айтаман. Ажойиб сонлар: 801! Шунча гол урдим, буёғига ҳам тўхтамайман. Серия давом этади», – дея Роналду ўз «Twitter» саҳифасида пост қолдирган.

Маълумот учун, Роналду ушбу юбилей голларини «Арсенал»га қарши ўйинда киритди. Ўйин «қизил иблислар»нинг 3:2 ҳисобидаги ғалабаси билан якунланди.

«Манчестер Юнайтед»дек клуб сенга бундай лавозимни таклиф этганидан кейин буни рад эта олмайсан. Шу боис бу масалада ортиқча ўйлаб ўтирганим йўқ.

Албатта, бунгача «МЮ»нинг «Уотфорд» ва «Челси», қолаверса «Сити» ҳамда «Ливерпуль» билан ўйинларини ҳам томоша қилгандим. Ўшанда «МЮ»дан таклиф тушиши хаёлимга ҳам келмаган. АПЛда нималар рўй бераётгани ҳақида яхши маълумотга эга эдим. Чунки бу турнирни мунтазам кузатиб бораман. 

Шубҳасиз, «МЮ» футболчилари жуда иқтидорли ва юқори савиядаги ўйинчилар. Энг аввало жамоага барқарорликни сингдиришим керак бўлади. Ҳаттоки, кеча «Арсенал»га қарши баҳсда ҳам ғалаба қозониш учун 3та гол киритишимизга тўғри келди. Ҳар ўйинда ўртача 2та гол ўтказиб юбораяпмиз – бу жуда кўп. Дарвоза дахлсизлигини сақлаш ҳам муҳим жиҳат.

«Арсенал»га қарши баҳс мухлислар учун томошабоп ўйиндир, аммо мураббий бундай ўйинлар ҳар куни бўлишини истамайди. Мен учун ўйинни назорат қилишимиз ва тасодифий омилларни камайтириш жуда муҳим», - дейди германиялик мутахассис.

Маълумот учун, «МЮ» АПЛ 14-туридан кейин 21 очко билан 7-ўринда бормоқда. Рангник бошқарувида жамоа 5 декабрь куни ўз майдонида «Кристал Пэлас»га қарши майдонга тушади.

«Кейинги ўйинга ҳозирданоқ тайёргарлик кўрамиз. Ғалабани нишонлашга вақт йўқ. Бугунги ғалаба нормал ҳолатга қайтиш учун ниҳоятда муҳим, аммо мақсадимизга эришиш учун ҳали кўп йўл бор. 

Барча жамоадошларимни табриклайман. Бугун ажойиб руҳият кучини кўрсатдик. Мухлисларга алоҳида раҳмат. Сизсиз бардош бера олмасдик», — деб ёзади Роналду «инстаграм»даги саҳифасида. 

36 ёшли португал ушбу ўйинда дублга эришиб, фаолиятидаги голларини 800тадан оширди.

Манбага кўра, германиялик мутахассис декабрь ойи ўрталаридагина жамоа бошқарувига келиши мумкин.

Рангник 2019 йилдан бери мураббийлик қилмагани, Буюк Британияда ишлашга автоматик тарзда рухсат ололмагани боис бу масала юзасидан Англия футбол ассоциацияси томонидан тайинланган мустақил комиссияга мурожаат қилиши керак бўлади.    

Мураббий 11 декабрь куни бўлиб ўтадиган «Норвич»га қарши ўйингача етиб келиши кутилмоқда.

Франциялик 25 ёшли ҳужумчини «Барселона» ўз сафига қўшиб олмоқчи, дея хабар бермоқда Mundo Deportivo. 

Қайд этилишича, Каталония клуби «Манчестер Сити» ҳужумчиси Ферран Торресни ўз сафига қўшиб ололмаса, бор эътиборини айнан Марсьялга қаратади. Хави франциялик ҳужумчи у жорий этмоқчи бўлган ўйин услубига мос тушиши ҳақида клуб раҳбариятига маълум қилган.

Маълумот учун, Антони АПЛ жорий мавсумида 6 ўйинда битта голга муаллифлик қилган.

Аввалроқ, «Барса» қишки трансфер ойнасида «Юнайтед»нинг уругвайлик ҳужумчиси Эдинсон Каванини таклиф этмоқчи экани ҳақида хабар берилганди.

Клуб расмий сайти хабарига кўра, Ральф Рангник жорий мавсум якунига қадар «МЮ» бош мураббийи вазифасини бажарувчи этиб тайинланди. ГермРальф Рангник «МЮ» бош мураббийианиялик мутахассис мавсум якунлангач, икки йил давомида клубда маслаҳатчи сифатида фаолият юритади. 

Сульшер истеъфосидан кейин клубни икки ўйинда бошқарган Майкл Кэррик мураббийлар штабида қолиши кутилмоқда.

Аввалроқ, ушбу мураббий танлови ва уни тайинлаш қарорига келишда «МЮ» собиқ бош мураббийи Алекс Фергюсон иштирок этмагани айтилганди.

Маълумот учун, 63 ёшли Ральф Рангник 2015-2019 йилларда «Лейпциг» клубини бошқарганди. 2021 йилнинг ёзидан буён мутахассис Россиянинг «Локомотив» клуби спорт ишлари ва ривожлантириш бўлими раҳбари сифатида ишлаб келаётганди.

Manchester Evening News хабарига кўра, немис мураббийи собиқ жамоаси «Лейпциг»дан яримҳимоячи Амаду Ҳайдарани таклиф этишни истамоқда. «МЮ» вакиллари мураббийнинг сўровига кўра, 23 ёшли ушбу футболчини Бундеслига доирасида «Лейпциг»нинг «Унион Берлин» ва ЕЧЛ 6-тури доирасидаги «Манчестер Сити»га қарши ўйинларидаги ҳаракатини кузатишади.

Рангник «қизил иблислар» раҳбариятидан Ҳайдарага қишки трансфер ойнасидаёқ таклиф жўнатишни сўраган. Қайд этилишича, малилик ўйинчининг немис клуби билан шартномасидаги товон пули миқдори 40 миллион еврони ташкил этади. 

Маълумот учун, Ҳайдара айнан Ральф Рангникнинг таклифига кўра, 2018 йилда «Ред Булл Зальцбург»дан «Лейпциг» сафига келиб қўшилган эди. Футболчининг ўзи аввалги интервьюларида «Манчестер Юнайтед»да тўп суришни орзу қилиши ҳақида айтган. 

Амаду жорий мавсум лейпцигликлар сафида Бундеслигада 12 ўйинда 2та гол уришга эришган бўлса, ЕЧЛда 4та ўйинда майдонга тушган.

«Роналду «МЮ»га захирада ўтириш учун қайтган эмас. У асосий таркиб футболчиси.

Менга Роналдунинг финиш ҳуштаги чалинганидан сўнг, Кэррикка қўл ташламагани ғалати туюлмади. Унинг хафа бўлиши ўринли, сабаби у захирада ўтириш учун келмаган. Бунинг нима кераги бор?

Роналду жаҳон даражасидаги футболчи. У «МЮ»га қайтганидан сўнг бир қанча яхши натижаларга эришди, гол ва ассистлар қайд этди. Кўп марта жамоага айнан у ғалаба олиб келди. Шу сабаб Кэррикнинг қарорини оқламайман. Сиз юлдуз футболчилар билан қандай ишлашни билишингиз керак, сабаби айнан улар сизнинг жамоангизни сақлаб қолади», – дея Киннинг сўзларини келтиради Sky Sports.

Маълумот учун, Роналду ўйиннинг 64-дақиқасида Санчонинг ўрнига майдонга тушди. Учрашув томонларнинг 1:1 ҳисобидаги дуранги билан якун топди.

«Энг яхши икки ҳужумчимиз 36 ва 34 ёшда. Бу шармандалик. Қандай қилиб бу ҳолатга келганини ҳеч тушуна олмайман.

Ҳеч қачон «Юнайтед» чемпионатни ютади, деб ўйламаганман. 34 ва 36 ёшли форвардлар билан сизда имконият бўлмайди», – дея Скоулзнинг сўзларини келтиради Manchester Evening News.

Маълумот учун, «МЮ» АПЛда 17 очко билан 8-ўринда бормоқда. ЕЧЛда эса гуруҳдан 1-ўрин билан 1/8 финалга йўл олди.