4 соат олдин

Оле-Гуннар Сульшер «қизил иблислар» яримҳимоячиси Жесси Лингардни жамоада сақлаб қолиш истагини билдирди.

«Биз уни келажакда ҳам «Манчестер Юнайтед» ўйинчиси сифатида кўрамиз. У «Вест Хэм»да ижарадан сўнг бизга яна қайтди.

Жесси ўзининг фазилатларини намойиш этди ва Англия терма жамоасига қайтди. Биз ҳам унинг энг яхши ўйинини кўришни жуда хоҳлаймиз.

Унинг шартномаси тугашига бир йил қолди. Айни пайтда клуб Жесси ва отаси билан музокаралар олиб бормоқда. Биз уни қўллаб-қувватлаймиз. Умид қиламизки, Лингард доимо «қизил иблис» бўлиб қолади», - деди Сульшер.

Эслатиб ўтамиз, Лингарднинг «Манчестер Юнайтед» билан шартномаси 2022 йилнинг 30 июнигача амал қилади.

Муҳокама

7 соат олдин

Golden Boy совринига даъвогарлар эълон қилинди. Бу сафар номзодлар сони 100 нафардан 40 нафаргача қисқартирилган.

Ҳозирга келиб Мэйсон Гринвуд («Манчестер Юнайтед»), Жуд Беллингем («Боруссия» Дортмунд), Мирон Боадю («Монако»), Эдуардо Камавинга («Реал»), Шарль де Кетеларе («Брюгге»), Эрик Гарсия («Барселона»), Райан Гравенберх («Аякс»), Илайш Мориба, Йошко Гвардиол (иккиси ҳам – «РБ Лейпциг»), Габриэл Мартинелли («Арсенал»), Жамал Мусиала («Бавария»), Михаил Мудрик («Шахтёр»), Нуну Мендеш («ПСЖ»), Педри («Барселона»), Жованни Рейна («Боруссия» Дортмунд), Букайо Сака («Арсенал») сингари ўйинчилар даъвогарлар рўйхатидан жой олган.

Эслатиб ўтамиз, Golden Boy соврини ҳар йили Tuttosport нашри томонидан Европанинг 21 ёшгача бўлган энг яхши ўйинчисига топширилади. Ғолиб ноябрь ойида эълон қилинади. Ўтган мавсум соврин Эрлинг Ҳоландга насиб қилган.

Муҳокама

7 соат олдин

«Байер» яримҳимоячиси Флориан Виртц фаолиятини Англия Премьер-лигасида давом эттириши мумкин.

Яримҳимоячи май ойида 18 ёшга тўлди, бироқ у аллақачон Лондоннинг «Челси» клубига кўчиб ўтган Кай Ҳавертцнинг идеал ўринбосарига айланган. «Доричилар» таркибида 50 ўйинда майдонга тушган Виртц 11та гол уришга муваффақ бўлди ва шунча голли узатмани амалга оширди.

ТМW нашри хабарига кўра, Флориан учун курашга «Арсенал» ва «Манчестер Юнайтед» қўшилган.

Иккала инглиз клублари ҳам ёш немис футболчисига биринчилардан бўлиб таклиф жўнатган «Бавария» ва «Боруссия Дортмунд» билан Виртц учун курашишга тайёр.

Муҳокама

8 соат олдин

«Тоттенҳэм»нинг жанубий кореялик ҳужумчиси Сон Ҳён Мин болалигидан қайси жамоага ишқибозлик қилганини айтиб ўтди.

«Манчестер Юнайтед»га ишқибозлик қилардим. Чунки ўша пайтда бу клуб сафида Пак Чжи Сун тўп сурарди. У Кореяда миллий қаҳрамон. Мен учун ҳам Пак қаҳрамоним ва дўстим.

У Жанубий Кореядаги футболчиларга умид ва имконият берган. Пак Премьер-лигада тўп сурган илк кореялик ўйинчи сифатида ажойиб ўйинлар кўрсатди ва бизга йўл очди.

Шу боис ҳам илгари «Манчестер Юнайтед»га мухлислик қилардим, ҳозир эса бундай қила олмайман», - дейди Сон Ҳён Мин Pro Direct Soccer’даги интервьюсида.

Маълумот учун, 29 ёшли Сон АПЛ жорий мавсумида 3 ўйинда 2та голга муаллифлик қилган.

Муҳокама

Бугун 12:37

«Барселона» ҳамон «Манчестер Юнайтед» ярим ҳимоячиси Поль Погбани сотиб олишга ҳаракат қилмоқда.

Келаси йилнинг ёзида «қизил иблислар» франциялик яримҳимоячи эркин агентга айланади, бу эса кўплаб йирик клублар, жумладан «Барселона» томонидан қизиқиш уйғотади.

Fichajes нашрининг сўзларига кўра, «кўк-анорранглилар» раҳбарияти франциялик яримҳимоячининг трансфери учун «ПСЖ», «Барселона» ва «Реал» билан курашишга тайёр ва футболчига 2022 йилнинг январида дастлабки шартномани таклиф қилишни режалаштирмоқда.

Эслатиб ўтамиз, АПЛнинг бошланғич тўртта турида Погба 7та голли узатмани амалга оширди.

Муҳокама

Кеча 21:09

«Манчестер Юнайтед» собиқ ҳимоячиси Гари Невилл АПЛ клубларининг ўйинларини баҳолади.

«Мен ҳеч қачон Премьер-лигада ҳозирги топ-4дан яхшироқ бўлган тўртта жамоани кўрмаганман. Эҳтимол, Англияда дунёнинг энг яхши тўртта жамоаси бор.

«Ливерпуль» нинг бошланғич таркиби, агар футболчилар яхши формада бўлса, шубҳасиз, АПЛнинг энг яхши таркиби.

«Манчестер Сити» ажойиб, «Челси» ниҳоятда кучли, «Манчестер Юнайтед» Роналду, Варана ва Санчонинг келиши билан юқорида айтилган клубларга яқинлашди.

Биз ҳеч қачон тўрт жамоали чемпионлик пойгасини кўрмаганмиз. Бу мавсумда шундай бўлиши мумкин», - дея Гари Невиллнинг сўзларини келтиради The Independent нашри.

Муҳокама

Кеча 21:04

Глейзерлар оиласи, яқин орада «қизил иблислар» бош мураббий Оле-Гуннар Сульшерни истеъфога чиқариши мумкин.

Daily Mirror нашри хабарига кўра, «Юнайтед» эгалари жиддий молиявий сармояларга қарамай, ҳали ҳеч қандай совринни қўлга кирита олмаган норвегиялик мутахассиснинг ишидан тўлиқ қониқиш ҳосил қилишмаган.

Манба айтилишича, агар вазият яқин орада яхшиланмаса, клуб янги мураббий тайинлашга мажбур бўлади. Сульшернинг ўрнига учта номзод кўрсатилган.

Норвегияликнинг биринчи ўринбосари Антонио Конте бўлиши мумкин, у ҳозир «Интер»дан кетганидан кейин ишсиз. Италиялик мураббий Манчестерда ишлашга розилиги ва Глейзерларнинг таклифларини тинглашга тайёрлигини маълум қилган.

Рўйхатдадаги иккинчи номзод «Реал» собиқ устози Зинедин Зидан. Француз мутахассиси ушбу рўйхатдаги энг фаворити ҳисобланади, чунки у нафақат Ла Лиганни қўлга киритди, балки Чемпионлар лигасида ҳам тўрт марта ғалаба қозонди.

Глейзерлар учун охирги вариант - ҳозирда «Лестер» билан ишлаётган Брендан Рожерс. «МЮ» раҳбарияти ўтган мавсумда Премьер-лигада 5-ўринни эгаллаган ва «тулкилар»ни Англия кубоги ва Суперкубоги ғолиблигига олиб келган Рожерс вариантига ҳам тўхталишган.

Муҳокама

Кеча 20:57

Криштиану Роналду ва унинг оиласи яшаш жойини ўзгартирди.

Mirror нашри хабарига кўра, Роналду Манчестерга келгач рафиқаси Жоржино ва 4 нафар фарзанди билан бирга яшаш учун 7 миллион еврога баҳоланган уйга кўчиб ўтган. Бироқ футболчи ва унинг оиласи яшайдиган уйга яқин жойдаги қўй-қўзиларнинг маъраши уларга тинчлик бермаган. 

Қолаверса, португалиялик футболчига уйдаги хавфсизлик тизими ҳам ёқмаган. Шу сабабли Роналду оиласи аъзолари билан бирга Чеширдаги нисбатан арзонроқ уйга кўчиб ўтишга қарор қилган. Янги уйда бассейн, 4та автомобил учун гараж ва мини-кинотеатр хонаси мавжуд.

Муҳокама

Кеча 13:51

Бруно Фернандеш «Манчестер Юнайтед» билан янги узоқ муддатли шартнома шартлари борасида келишиб олди.

The Sun нашри хабарига кўра, йил охиригача португалиялик плеймейкер «қизил иблислар» билан 2027 йилнинг ёзигача амал қиладиган ва ҳафталик маоши ҳафтасига 250 минг фунт стерлингга кўтариладиган янги шартнома имзолайди.

Қайд этилишича, шартнома шартларига кўра, футболчининг ҳозирги маоши бирданига икки баробарга ошади.

Эслатиб ўтамиз, Бруно 2020 йилнинг январидан буён Премьер-лигада 55та ўйинда майдонга тушиб, 30та гол урди ва 19та голли узатмани амалга оширди.

Муҳокама

Кеча 13:03

«Интер» ва «Челси» клубларининг собиқ бош мураббийи Антонио Конте «Манчестер Юнайтед»ни бошқаришга тайёр.

Чемпионлар Лигаси гуруҳ босқичининг биринчи турида «Янг Бойз»дан учралган мағлубиятдан сўнг (1:2), Оле-Гуннар Сульшернинг «қизил иблислар»даги курсиси бироз қимирлаб қолди ва букмейкернинг тахминига кўра, агар натижалар яхши томонга ўзгармаса, норвегиялик «МЮ»дан кетишига тўғри келади.

Журналист Жанлука Ди Марциога маълум бўлганидек, Конте Премьер-лигага қайтишга ҳамда ўз таркиби ва молиявий ҳолатлари орқали барча муҳим турнирларда ғалаба учун кураша оладиган «Юнайтед»ни бошқаришга қарши эмас.

Эслатиб ўтамиз, илгари Конте «Тоттенхэм» ва «Арсенал» бошқарувига келиши ҳақидаги тахминлар тарқалган эди. Аммо, италиялик мураббий бундан ҳам яхшироқ вазифани кутмоқда

Муҳокама

Аввалги саҳифа   |   Кейинги саҳифа