Van Gal: Yoshlarda imkoniyat yetarli

«Manchester Yunayted» ustozi Lui van Gal jamoa tarkibidagi yangiliklar haqida gapirib o‘tdi.
«Uchta markaziy himoyachilarimiz jarohatlari sabab safdan chiqishdi. Ular qachon safga qaytishlarini bilmayman».
«Evans bilan bog‘liq holat ancha og‘ir. Uning suyagi ancha qattiq jarohatlangan, faqat kutishga to‘g‘ri keladi. Smolling kecha mashg‘ulotlarni oyog‘idagi og‘riq sabab tark etdi. Jamoada jarohatlanganlar soni 9 ta. Blekkett bo‘lsa disvalifikatsiyasini o‘tamoqda».
«Futbolchilar sog‘lig‘i bilan tavakkalchilikka qo‘l urmoqchi emasman. Men yoshlar jamoasidan futbolchilar olishimga to‘g‘ri keladi. Yoshlar doim safimizga qo‘shilishga tayyorlar. Ular o‘yinlarga chanqoqlar. «Yunayted»da yoshlarni tarbiyalash katta saviyada amalga oshiriladi, bu bo‘lsa bizga mazkur yigitlar xizmatidan foydalanish imkoniyatini beradi. Yoshlar ligasi va premer-liga o‘rtasidagi farq katta, biroq yaqinlashayotgan o‘yinda o‘zini yaxshi ko‘rsatish uchun ularda imkoniyat yetarli», – deydi mutaxassis.