Fellayni xaydovchilik guvohnomasidan ayrildi

Maruan Fellayni xaydovchilik guvohnomasidan ayrildi deya xabar bermoqda Manchester Evening News nashri.

Futbolchi 6 daqiqa ichida ikki bor yo‘l qoidasini buzgan. Dastlab tezlik 65 km/s chegaralangan yo‘ldan 130 km/s tezlikda o‘tgan bo‘lsa, oradan olti daqiqa o‘tib tezlik 50 km/s chegaralangan yo‘ldan 95 km/s tezlikda avtomobilini boshqargan.

 «Yunayted» yarim himoyachisi yuqoridagi qilmishi sababli 9 oyga xaydovchilik guvohnomasidan mahrum etilishi va 1188 funt miqdordagi jarima to‘lashi belgilangan. Shuningdek sud xarajatlari hisoblangan 440 funt mablag‘ni ham to‘lashi shart. Bu futbolchining dastlabki yo‘l qoidasini buzishi emas shu kunga qadar futbolchi bir necha marotaba shunday qoida buzushlarni amalga oshirgan.