Пак Чи Сон: Бу мен учун жуда оғир кечди
07.10.2021
Пак Чи Сон нега 2012 йилда жамоани тарк этганини очиқлади. Бу ҳақда клуб расмий сайтига берган интервьюсида шундай дейди:
«Ўша сўнгги мавсумда «МЮ»даги фаолиятимда илк марта жароҳатларсиз қаторасига бешта ўйинда заҳирада қолдирилган эдим. Шундан кейин англаб етдимки, мен учун якун яқинлашган.
Мен жароҳатларсиз максимум 3 та ўйинни ўтказиб юборишим мумкин эди. Аммо 5 та ўйин исталган футболчига кўплик қилади. Шундай экан, кетиш вақти келди деб билдим.
Аслида клуб мени кетишимни истамас эди. Бу ҳақида Фергюссон билан ҳам гаплашиб олдим. Шундай бўлсада, 5 марта жароҳатларсиз ўйнамаслик мен учун оғир эди. Ҳатто ўшанда жамоадаги футболчилар ҳам мана шу нарса сабаб кетаётганимни билишган.
Бу мен учун жуда оғир кечди. Негаки, мен фаолиятимда ҳеч қачон бир клубда 7 йил ўйнамаганман».
Кореялик футболчи 31 ёшида манкунянликлар сафидан кетади ва бир қанча Европа клублари сафида тўп суради.
Конте АПЛга қайтишга қарши эмас
07.10.2021
«Интер» ва «Челси»нинг собиқ устози Антонио Конте «Манчестер Юнайтед»даги ўзгаришларни диққат билан кузатиб борди. Бу ҳақда Италия ОАВ хабар бермоқда.
«Манчестер Юнайтед» мавсумни унчалик муваффақиятли бошлагани йўқ. «Юнайтед» бош мураббийи Оле-Гуннар Сульшерни истеъфога чиқариш ҳақидаги чақириқлар Британия матбуотида тобора кучайиб бормоқда.
Мавжуд маълумотларга кўра, «Манчестер Юнайтед» ўз мураббийини ишдан бўшатса, Конте Премер-лигага қайтишга қарши эмас.
07.10.2021
Роналду «Ювентус»дан «Манчестер Юнайтед»га ўтганидан сўнг, инглиз клубининг акциялари қиймати 650 миллион еврога ошди, деб хабар беради The Sun.
Шунингдек, 36 ёшли ҳужумчи Роналдунинг «Ювентус»дан Англиянинг «Манчестер Юнайтед» клубига ўтиши унга Forbes версияси бўйича энг кўп маош оладиган футболчилар рўйхатининг биринчи қаторига кўтарилиш имконини берди.
2021/2022 йилги мавсумда Роналду солиқлардан ташқари 106,6 млн евро ишлаб олиши кутилмоқда, шундан 59,7 млн евро маоши ва қолгани «Олд Траффорд»га қайтгани учун бонуслар ҳисобидан берилади.
Лионель Месси эса 93,8 млн евро билан Роналдудан сал ортда қолса, унинг клубдаги жамоадошлари Неймар (81 млн евро) ва Килиан Мбаппе (36,7 млн евро) кучли тўртликни
Крис: Роналду катта муаммолар яратади
06.10.2021
Крис Саттон Криштиану Роналдунинг қайтиши «МЮ» бош мураббийига катта муаммолар яратади, деб ҳисобламоқда.
«МЮ» чемпионлик учун нега кураша олмайди? Чунки «Манчестер Сити», «Челси» ва «Ливерпуль» кучлироқ ва яхшироқ таркибга эга. Тўғри, Сульшер ҳам яхши трансферларга қўл урди, аммо рақиб жамоалардаги мураббийлар ундан кучлироқ. Қолаверса, Роналду «Манчестер Юнайтед» ва Сульшер учун муаммога айланади.
Криштиану голлар уради, аммо «Манчестер Юнайтед» ўз уйида прессинг орқали агрессив ўйин кўрсатмоқчи бўлса, Роналду прессинг қилмайди, натижада бу масалада «МЮ» рақибдан устунлик қилолмайди.
Агар сен «Манчестер Сити», «Челси» ёки «Ливерпуль» футболчиси бўлсанг ва жамоа прессинг қилаётганда югурмасанг, аниқки сен таркибда ўйнамайсан. Сульшер эса бу борада Роналдуни захирага ўтқазиб қўя олмайди. Роналдунинг бундай ўйини ва фақат бошқалар югуриши жамоа ўйини ва ички муҳитига таъсир қилмай қўймайди. Шу сабабли Роналду «Юнайтед» учун муаммога айланади», – деган Саттон.
Аввалроқ, «МЮ» собиқ футболчиси Рио Фердинанд «Эвертон»га (1:1) қарши ўйинда Роналдуни асосий таркибда майдонга туширмагани учун Сульшерни танқид қилган бўлса, Криштианунинг ўйиндан кейин майдонни шошилинч тарк этганини яна бир собиқ футболчи Гари Невилл танқид қилганди.
Кавани: Эътибор қилмаслик керак
06.10.2021
Эдинсон Кавани клубни тарк этиши мумкинлиги ҳақидаги саволга жавоб қайтарди.
«Футболда гоҳида кўпроқ, гоҳида эса камроқ ўйин амалиётига эга бўласан. Клубни тарк этишим ҳақидаги турли миш-мишлар ёзилмоқда, аммо бунга эътибор қилмаслик керак.
Мен учун энг асосийси майдонга тушиш навбатим келишига тайёр бўлиш. Ҳар бир футболчи майдонда бўлишни истайди, аммо захирада қолиш ишга бўлган муносабатни ўзгартирмаслиги керак. Мавсум ҳали энди бошланди. Мен бу жамоанинг бир бўлаги эканлигим учун ҳам «МЮ»даман», - дейди уругвайлик форвард El Observadorга берган интервьюсида.
Маълумот учун, Кавани 2020 йилдан буён Манчестер клубида тўп суриб келмоқда. У АПЛ жорий мавсумида 3 ўйинда майдонга тушди.
Аввалроқ, 34 ёшли форвардга «Реал» ва «Барселона» клублари қизиқиш билдираётгани ҳақида хабар берилганди.
Погбага ўринбосар Франк Кесси
05.10.2021
«Манчестер Юнайтед» франциялик ярим ҳимоячи Поль Погбага ўринбосар излашда давом этмоқда.
Хабарларга кўра, вариантлардан бири — «Милан» футболчиси Франк Кесси. «Қизил иблислар» га 24 ёшли ивуарилик футболчининг ўйини ёқади. Шунингдек, клуб ярим ҳимоячининг 2022 йилнинг ёзида эркин агентга айланишидан фойдаланиб қолмоқчи ва миланликларга шу қишдаёқ таклиф билан чиқиши кутилмоқда.
Эслатиб ўтамиз, Кесси «Милан» таркибида 2019 йилдан бери фаолияти олиб бормоқда. Жорий мавсумда ярим ҳимоячи 7 учрашувда майдонга тушиб самарали ҳаракатларни амалга оширмаган.
ван де Бек ўрнига Марсело Брозович
05.10.2021
Донни ван де Бекнинг манчестерликлар сафидаги қониқарсиз ҳаракатларидан сўнг, «қизил иблислар» марказия яримҳимояни янги футболчи билан тўлдиришни мақсад қилмоқда.
Италиянинг «Calciomercato» сайтининг маълумот беришича, «МЮ» вакиллари «Интер» яримҳимоячиси Марсело Брозовични таркибга қўшиб олишни кўзламоқда. Поль Погбанинг клуб таркибидаги келгуси фаолияти ҳам сўроқ остидалигини инобатга олган ҳолда, «Юнайтед» раҳбарияти тажрибали футболчи билан марказни мустаҳкамлашга ҳаракат қиляпти.
Ўз навбатида, 28 ёшли хорватиялик футболчининг амалдаги А Серия чемпионлари билан шартномаси 2022 йил ёзида якунига етади.
04.10.2021
Рио Фердинанд «Эвертон»га қарши ўйинда (1:1) Роналдуни захирада қолдирган Сульшерни танқид қилди.
«Криштиану 5 ўйинда 5 та гол урди. У ажойиб спорт формасида. Энг яхши тўпурарни асосий таркибдан олиб, захирада шунчаки ушлаб турганликларини ҳеч кўрганмисиз?
Айтайлик, Ҳарри Кейн «Тоттенҳэм»да 5та гол уриб, захирада қолдирилганми? Ёки Агуэро? «Манчестер Юнайтед»нинг сешанба ёки чоршанба куни яна ўйини бўлса, мураббийнинг бу қарорини тушуниш мумкин эди.
Аммо ўйин йўқ эди ва Криштиану Португалия сафига Қатар ва Люксембург билан ўйинлар учун бораётганди. У бироз дам олиш учун ҳам бу ўйинларни ўтказиб юборса, ҳеч нарса бўлмайди. «Эвертон»га қарши учрашувда уни асосий таркибда кутгандим», - дейди Фердинанд.
Саутгейт: Роналду салбий таъсир кўрсатиши мумкин
04.10.2021
Англия терма жамоаси бош мураббийи Гарет Саутгейт Криштиану Роналдунинг «Манчестер Юнайтед»да бўлиши ёш футболчиларга қандай таъсир қилиши мумкинлиги ҳақидаги фикрлари билан ўртоқлашди.
«Кўп йиллар давомида Кантона «Олд Траффорд»га ўтганида ёшларга қандай таъсир қилгани ҳақида ўқиганман.
Шуни айтишим мумкинки, Роналду «Юнайтед»даги ёш футболчиларга албатта салбий таъсир кўрсатиши мумкин. Бироқ ижобий жиҳатлар ҳам йўқ эмас.
Ишончим комилки, Криштиану ижобий ўрнак бўлишга ҳаракат қилади. Ёшлар уни диққат билан кузатиб, нима учун бундай ўйинчи бўлгани ва қандай қилиб бу даражани шу қадар узоқ вақт ушлаб тура олишини тушуниш учун маслаҳатлар сўрайди», - дейди инглиз мураббийи.
Мерсон: «МЮ»да чемпионлик учун имконият йўқ!
02.10.2021
«Арсенал» клуби собиқ ҳужумчиси Пол Мерсон жорий мавсум бир неча катта трансферни амалга оширган «Манчестер Юнайтед» ҳақида фикр билдирди.
«Менимча, Томас Тухель, Юрген Клопп ёки Пеп Гвардиола «қизил иблислар» ни бошқарганида, улар Премьер-лигада чемпион бўлиши мумкин эди. Ҳаммаси оддий. Мен дастлабки турдаги ўйинни кўришим билан айтганман, «Манчестер Юнайтед»да чемпионлик учун ҳеч қандай имконият йўқ!» ,-дея Мерсон сўзларини келтирмоқда «Sky Sports».
Клопп «Ливерпуль», Гвардиола «Манчестер Сити» ва Тухель «Челси» бошқарувида фаолият олиб бормоқда. Бу жамоалар мос равишда АПЛ кучли учлигини банд этиб турибди. Сульшер жамоаси эса, 13 очко билан 4-ўринни эгаллаб турибди.
Эслатиб ўтамиз, манчестерликлар Роналду, Санчо, Варан каби юлдузлар билан ўз таркибини тўлдирганди. Клуб АПЛ сўнгги турида «Астон Вилла»га 0:1 ҳисобида мағлуб бўлди.