Райола Погбани «Реал Мадрид» ва «ПСЖ»га таклиф қилди
02.10.2021
Elcaso.elnacional.cat нашрининг хабар беришича, Пол Погба амалдаги клуби билан шартномасини узайтирмоқчи эмас. Манбага кўра, футболчи ўзини испан чемпионатида синаб кўрмоқчи.
Франциялик футболчининг трансфер агенти Мино Райола «Барселона» билан яхши муносабатда, лекин ҳозирда каталонияликлар молиявий қийинчиликда, шунинг учун улар Погбани сотиб ололмайдилар.
Шунинг учун, Райола ўз мижожозининг хизматини «Реал Мадрид» ва «ПСЖ»га таклиф қилди. Эслатиб ўтамиз, Погбанинг амалдаги шартномаси 2022 йилнинг ёзида тугайди, шунинг учун янги клуб яримҳимоячини текинга қўлга киритиши мумкин.
«Юнайтед» Дарвин Нуньезга қизиқмоқда
02.10.2021
Яқинда «Барселона» Чемпионлар Лигаси гуруҳ босқичининг 2-турида «Бенфика»га йирик ҳисобда мағлуб бўлди (0:3). «Манчестер Юнайтед» вакиллари ўша учрашув қаҳрамонларидан бири, каталонияликлар дарвозасига дубл қайд этган «бургутлар»нинг ёш ҳужумчиси Дарвин Нуньезга қизиқиш билдирмоқда.
Sky Sports нашри хабар беришича, «қизил иблислар» раҳбарияти уругвайлик футболчини жамоанинг бўлажак асосий таркиб ўйинчиси сифатида кўрмоқда.
Тўғри, олдинги нарх потенциал харидорни бироз чўчитиши мумкин. Манбага кўра, «Бенфика» бош мураббийи Хорхе Жезус «Бенфика» президентига футболчи учун Жоау Феликсдан кам бўлмаган суммани талаб қилишни маслаҳат берган.
Ўтган мавсум доирасида Нуньез 29 та ўйин ўтказди ва 24 та гол муаллифига айланди.
Сульшер ван де Бекни қолишини талаб қилди
02.10.2021
Оле-Гуннар Сульшер жамоа яримҳимоячиси Донни ван де Бек билан боғлиқ вазиятга изоҳ берди.
Голландиялик футболчи ўринбосар ролидан мамнун. Чемпионлар лигасининг 2-туридан ўрин олган «Вилярреал»га қарши ўйинида (2:1) ван де Бек майдонга тушмаганидан норозилигини яшира олмади.
«Жамоамизда турли миллатдаги футболчилар кўп. Агар биз биргаликда муваффақият қозонишни истасак, бизга ижобий энергия керак. Биз жамоанинг норозилигига йўл қўёлмаймиз. Донни ҳеч қачон жамоага салбий таъсир кўрсатмаган», - деди Сулшер матбуот анжуманида.
Аввалроқ ван де Бекни «Эвертон» ижарага олмоқчи бўлгани, аммо «Манчестер Юнайтед» футболчини қўйиб юбормагани ҳақида хабар берилганди. Сульшер ван де Бекни жамоада қолишини талаб қилди.
«Реал»га Кавани керак
01.10.2021
Эдинсон Кавани фаолиятини Испанияда давом эттириши мумкин.
El Nacional хабарига кўра, уругвайлик форвардни «Реал» клуби ўз сафида кўрмоқчи. Мадридликлар раҳбарияти қишки трансфер ойнасида Эдинсон Кавани билан музокарага киришади.
Қайд этилишича, «МЮ» қишда Марсьял ёки Каванидан бири билан хайрлашишга қарши эмас. Футболчининг ўзи ҳам Роналду «МЮ»га келгани сабабли захирада қолишни эмас, ўйин амалиётига эга бўлиш учун Испанияга кўчиб ўтишни истамоқда.
Аввалроқ, уругвайлик 34 ёшли ҳужумчини «Барселона» қишки трансфер ойнасида ўз сафига қўшиб олмоқчи экани ҳақида хабар берилганди.
Маълумот учун, Эдинсон 2020 йилда Манчестер клубига ўтган эди. Каванининг амалдаги шартномаси 2022 йилнинг ёзида якунига етади.
Лингард Англия миллий жамоаси рўйхатида
30.09.2021
Англия миллий жамоасининг октябрь ойида ўтказиладиган ЖЧ-2022 саралаш босқич ўйинларида майдонга тушиши мумкин бўлган футболчилар рўйхати эълон қилинди.
Дарвозабон: Сэм Жонстон («Вест Бромвич»), Жордан Пикфорд («Эвертон»), Аарон Рамсдейл («Арсенал»).
Ҳимоячилар: Конор Коуди («Вулверҳэмптон»), Рис Жеймс («Челси»), Тайрон Мингз («Астон Вилла»), Люк Шоу («Манчестер Юнайтед»), Жон Стоунз, Кайл Уолкер (иккиси ҳам — «Манчестер Сити»), Фикайо Томори («Милан»), Киран Триппьер («Атлетико» Мадрид).
Яримҳимоячилар: Фил Фоден («Манчестер Сити»), Жордан Ҳендерсон («Ливерпуль»), Жесси Лингард («Манчестер Юнайтед»), Мэйсон Маунт («Челси»), Калвин Филлипс («Лидс»), Деклан Райс («Вест Ҳэм»).
Ҳужумчилар: Жек Грилиш, Раҳим Стерлинг (иккиси ҳам — «Манчестер Сити»), Ҳарри Кейн («Тоттенҳэм»), Букайо Сака («Арсенал»), Жейдон Санчо («Манчестер Юнайтед»), Олли Уоткинс («Астон Вилла»).
Маълумот учун, Гарет Саутгейт шогирдлари 9 октябрь куни Андоррага қарши сафарда, 12 октябрда эса Венгрияни ўз майдонларида қабул қилишади.
Роналдо: Бу клубни жуда соғинганман
30.09.2021
ЕЧЛ 2-туридан ўрин олган «Вильярреал»га (2:1) қарши баҳсда 90+5-дақиқада ғалаба голини урган Криштиану Роналду манкунианлик мухлисларга мурожаат қилди.
«Гуруҳдан чиқиш? Энди иложи бор, ҳаммаси очиқ ва биз кейинги босқичга чиқишга ишонамиз. Шунинг учун бу ерга қайтдим. Бу клубни жуда соғинганман.
«МЮ»да тарих қолдиргандим ва буни яна такрорламоқчиман. Барча мухлисларга миннатдорчилик билдиришим керак. Нафақат мен, балки бутун жамоани олға бошлашгани учун», — дея Роналдунинг сўзларини келтиради Metro.
«МЮ» гуруҳда 3 очко билан 3-ўринни эгаллаб турибди. Жамоа кейинги турда пешқадам «Аталанта» (4) билан баҳс юритади.
Оле: Имконият доим сақланиб туради
30.09.2021
Оле-Гуннар Сульшер ЕЧЛ 2-туридан ўрин олган «Вильярреал»га (2:1) қарши ўйиндан сўнг ўз фикрлари билан ўртоқлашди.
«Олд Траффорд»да шундай бўлади. Бундай ҳолат бир неча бор содир бўлган. Таваккал қилдик ва омадимиз келди.
Бу жамоа билан ўйнаш, уларни мағлуб этиш қийин. Уйда фақат ғалабага эришмоқчи эдик. Агар олдинга бормаганимизда, улар хурсанд ҳолда ҳимояда ўтиришарди.
Сизда Роналду бўлса, имконият доим сақланиб туради. У дарвоза олдида жуда яхши жой топади ва ҳар бир футболчининг ўйинига таъсир қилади.
Футболчилар учун бундай ўйинда ғалаба қозониш жуда муҳим, айниқса, «Янг Бойз»га худди шундай ютқазганимиз учун. Бу турнирда барча ўйинлар қийин кечади. Кечагидек камдан кам учрайдиган натижалар («Реал»–«Шериф» 1:2) ҳам бўлиб туради. Жамоалар ўртасида катта фарқ йўқ», – дея Сульшернинг сўзларини келтиради BT Sport.
Роналду ЕЧЛ рекордчиси
30.09.2021
«Манчестер Юнайтед» Чемпионлар Лигаси 2-турида «Вильярреал»ни қабул қилмоқда.
Ушбу баҳсда манкунианликлар сафида ҳужумчи Криштиану Роналду асосий таркибда майдонга тушди ва ЕЧЛда энг кўп ўйин ўтказган футболчига айланиб олди — 178.
36 ёшли португал бу кўрсаткич борасида «Реал»нинг собиқ дарвозабони Икер Касильяснинг 177) рекордини янгилади.
Роналду Чемпионлар Лигасида «Реал»да 101та, «МЮ»да 54та, «Ювентус»да 23та ўйинда ҳаракат қилган ва 135та гол урган.
Биссака икки ўйинга дисквалификация қилинди
30.09.2021
Аарон Ван-Биссака УЕФА томонидан иккита ўйинга дисквалификация қилинди, дея хабар бермоқда ташкилот расмий сайти.
23 ёшли англиялик ҳимоячи Чемпионлар лигаси 2-тури доирасидаги «Янг Бойз»га қарши ўйинда (1:2) қизил карточка олиб, майдонни эрта тарк этганди.
Шу тариқа, Ван-Биссака бугун, 29 сентябрь кунги «Вильярреал» ва 20 октябрь куни ўтадиган «Аталанта»га қарши учрашувларда «МЮ»га ёрдам бера олмайди.
Эдинсон Кавани «Барселона»да!?
29.09.2021
Эдинсон Кавани фаолиятини «Барселона»да давом эттириши мумкин, дея хабар бермоқда As.
Манбанинг ёзишича, 34 ёшли ҳужумчи январь ойида Манчестерни тарк этишга қарши эмас. Кавани ўйин амалиётига эга бўлиш учун ўз кучини Испанияда синаб кўрмоқчи. Роналду асосий таркибда ўйнаётгани сабабли Эдинсон клубда захирада қолиб кетишидан ташвишланмоқда.
Каталония клуби эса қишки ҳужум чизиғини кучайтиришни мақсад қилган. Клуб Каванини «Барса»га таклиф этиш имкониятларини ўрганмоқда.
Маълумот учун, Кавани 2020 йилнинг кузида «қизил иблислар» сафига ўтганди. У жароҳат сабабли мавсум стартини ўтказиб юборган эди.