Сульшер: Бу футбол
20.09.2021
«Манчестер Юнайтед» бош мураббийи Оле-Гуннар Сульшер АПЛ 5-туридан ўрин олган «Вест Ҳэм»га (2:1) қарши баҳсдан сўнг ўз фикрлари билан ўртоқлашди.
«Бу футбол. Унда кўтарилиш ва пасайишлар мавжуд. Шундай муҳитда ишлаш керак.
Бундай ўйинлар юрак учун ёмон, аммо шунинг учун футбол ўйнаймиз. Кўзларимизни пастга қаратдик ва Де Хеа сейв қилди. Қўл билан ўйин учун пенальти белгиланиши тўғри. Аммо Давид ажойиб ўйнади.
Менимча, бизга 2та яққол пенальти берилмади, ҳатто баҳсга ўрин йўқ. Нима учун Роналдунинг шикоятларига эътибор берилмади. Умид қиламанки, бу «Роналдуга ҳеч қачон пенальти берилмайди» қабилидаги ҳолат эмас.
Лингард? У сешанба кунги хатоси («Янг Бойз», 1:2) учун узр сўради. Ҳамма бунга ҳожат йўқлигини айтди. Бугун у майдонга чиқди ва қойилмақом голи билан ажойиб жавоб берди.
Ўйлашимча, биринчи бўлимда жуда ажойиб футбол ўйнадик, аммо яхшироқ ҳимояланишимиз керак», — дея Сульшернинг сўзларини келтиради Eurosport.
Эслатиб ўтамиз, ўйинни Мартин Аткинсон бошқарди.
Кавани «МЮ»ни тарк этиш ҳақида ўйлаётгани йўқ
19.09.2021
Уругвайлик форвард Эдинсон Кавани «Манчестер Юнайтед»ни тарк этиш ҳақида ўйлаётгани йўқ.
ESPN хабарига кўра, Кавани тез орада сафга қайтиб, асосий таркибдаги ўрни учун Криштиану Роналду билан рақобатга киришмоқчи. 34 ёшли форвард қишки трансфер ойнасида ҳам «МЮ»ни тарк этишни истамаяпти.
Маълумот учун, Кавани аввалги клубларида Килиан Мбаппе, Неймар, Златан Ибраҳимович билан рақобат қилган бўлса, Уругвай миллий жамоасида Луис Суарес билан бирга тўп суриб келмоқда.
Эслатиб ўтамиз, Роналду «МЮ»га келгач Кавани португалиялик форвардга унинг 7-рақамли либосини қайтариб берганди. Эдинсоннинг амалдаги келишуви 2022 йилга қадар тузилган.
Мойес: Жесси билан ҳамкорлик менга ёқди
19.09.2021
Мойеснинг айтишича, ёзги трансферлар ойнаси вақтида у Оле-Гуннар Сульшер билан гаплашган ва норвегиялик мутахассис Жессини таркибда олиб қолишни истаётганини маълум қилган.
«Манчестер Юнайтед»га қарши ўйин олдидан «болғачилар» устози ўтган мавсумда Лингард жамоа учун катта фойда олиб келганини айтди.
«У жамоа таркибида қанча кам ўйнаган бўлса-да, илиқ фикрлар айта оламан. У бизнинг жамоа ривожида ўз ҳиссасини қўшди. Жесси билан ҳамкорлик қилиш менга ёқди. У таркибимизда ажойиб ўйин кўрсатди», — деди Мойес.
Лингард ўтган мавсумнинг иккинчи қисмида «Вест Хэм» таркибида 16 ўйинда 9 гол урди.
Райола: Поль Туринни яхши кўради
19.09.2021
Поль Погба агенти Мино Райола франциялик футболчининг келажаги ҳақида гапирди. Райола Погбанинг «Манчестер Юнайтед»да қолишини истисно қилмади, унинг инглиз клуби билан шартномаси 2022 йилнинг ёзида тугайди.
«Поль Погбанинг шартномаси июнь ойида тугайди. Биз «Манчестер Юнайтед» билан вазиятни муҳокама қиламиз.
Ювентус? Поль ҳали ҳам Туринни яхши кўради. У «Ювентус» га қайтиши мумкин. Аммо ҳамма нарса вазиятга ва «Ювентус»нинг режаларига боғлиқ», - дейди Райола Ray Sportга.
Погба 2012 йилдан 2016 йилгача «Ювентус»да ўйнаган. Кейин у Манчестерга кўчиб ўтган. Инглиз клуби ярим ҳимоячи учун 105 миллион евро тўлаган эди.
Оле: У оптимал формага кириб улгурмади
19.09.2021
Оле-Гуннар Сульшер «қизил иблислар» ярим ҳимоячиси Жейдон Санчони қўллаб-қувватлади.
«Ишончим комилки, Жейдон кучлироқ бўлади. Биз уни кейинги 10-15 йил давомида энг яхши ҳужумкор футболчи сифатида кўрганимиз учун имзоладик ва ҳозир ҳам шундай деб ўйлайман. Санчо ёш йигит, у атиги 21 ёшда. У ҳали тўлиқ оптимал формага кириб улгурмади», — дейди Сульшер.
Санчо 2021 йилнинг ёзида Дортмунднинг «Боруссия» клубидан 85 миллион еврога «Манчестер Юнайтед» га кўчиб ўтди. Инглиз футболчиси «қизил иблислар» нинг бешта ўйинида қатнашди ва ҳозирча самарали ҳаракатлари билан ажралиб турмади.
Кавани «Юнайтед»ни тарк этмоқчи
18.09.2021
Эдинсон Кавани «қизил иблислар» раҳбарияти Криштиану Роналду билан шартнома имзолагач, ҳозирги жамоасини тарк этиш ниятида.
Todofichajes нашрининг хабар беришича, уругвайлик ҳужумчи португалияликнинг ўринбосари бўлишни хоҳламайди ва бошқа клубга ўтишни режалаштирмоқда. Кавани Манчестер клубида кўпроқ ўйин амалиётига эга бўлишни истамоқда. Агар, яқин кунларгача ҳеч нарса ўзгармаса, унда Кавани келаси йиРоналду сабаб «Манчестер Юнайтед»ни тарк этмоқчилнинг январида манкунианликлар сафини тарк этмоқчи.
Эслатиб ўтамиз, 34 ёшли форвард 2020 йилда «Манчестер Юнайтед» футболчисига айланди ва унинг инглиз жамоаси билан амалдаги шартномаси 2022 йилгача тузилган. Ҳозирги мавсум доирасида Кавани Англия Премьер-лигасида фақат битта ўйин ўтказди.
Криштиану Роналду «МЮ» сафига қайтгандан сўнг, икки марта майдонга тушиб, 3 та гол уришга эришди. «Ньюкасл»га қарши ўйинда португал футболчиси дублга эришган бўлса, Чемпионлар лигаси гуруҳ босқичининг биринчи турида «Янг Бойз» дарвозасига битта гол урган.
«МЮ» 92,2 миллион фунт зарар кўрган
18.09.2021
«Манчестер Юнайтед» клуби 2020/21 йилги мавсум якунларига кўра қанча зарар кўргани маълум қилинди.
The Guardian нашри хабарида айтилишича, клубнинг даромади ўтган икки мавсумда 627,1 миллион фунтдан 509 миллион фунтгача камайган бўлса, сўнгги мавсумда 497,1 миллион фунтга тушган.
Қайд этилишича, клуб 30 июнь кунигача бўлган молиявий бир йиллик даврида 92,2 миллион фунт зарар кўрган. Бу коронавирус пандемияси билан боғлиқ.
«Клубнинг қарзлари миқдори 471,1 млн фунтдан 419,5 млн фунтга камайган. Шунингдек, «МЮ»нинг маошлар фонди 13,6 фоизга ошиб, 322,6 млн фунтни ташкил этмоқда», - дейилади нашр хабарида.
Аввалроқ, «МЮ» Криштиану Роналунинг 7-рақамли либоси сотувидан тушган даромад орқали португалиялик футболчи учун 5 йил давомида «Ювентус»га тўланиши керак бўлган 15 миллион евро трансфер пулини аллақачон қоплагани ҳақида хабар қилинганди.
Бербатов: Кавани эҳтимол бахтсиз
18.09.2021
Димитар Бербатов Криштиану Роналднинг қайтгани манкунианликларда муҳит ёмонлашишига олиб келиши мумкинлигини айтди.
«Роналду келгач, 2 ўйинда 3та гол урди. У «Юнайтед» ўйинига дарҳол таъсир қила бошлаганидан ҳайрон бўлмайман. У мавсум давомида фақат яхшиланади. Унинг тўпурарлик қобилияти ва жамоага олиб келадиган аураси билан баҳслаша олмайсиз. Криштиану ўтган шанба куни мухлислар билан жуда яхши учрашди ва улар кўз ўнгида дублга эришди.
Оле жамоанинг бошқа ўйинчиларини қай тариқа хурсанд қилишини кўриш қизиқарли бўлади. У Эдинсон Кавани ва Антони Марсьялдан қандай фойдаланишни ҳал қилиши керак. Бундай вақтда кўплаб иқтидорли футболчилар бўлган жамоа билан ишлаш қийинлашади, чунки ўйинчиларда оғир ҳиссиётлар бўлади.
Кавани, эҳтимол, бахтсиз. У «МЮ»да биринчи мавсумини ажойиб тарзда ўтказди ва энди унчалик муҳим ўйинчи эмас, ҳатто 7-рақамни йўқотди. Умид қиламанки, Оле Кавани билан тўғри муносабатда бўлади ва унга режалари ҳақида гапириб беради.
Бундай вазиятда футболчи мураббийнинг вазифаси ҳар доим кучли таркибни танлаш эканлигини тушуниши лозим. Аммо улар ўйнашни хоҳлашади ва танланмаганда, хафа бўлишади», – дея Бербатовнинг сўзларини келтиради Manchester Evening News.
Варан: «Юнайтед» янги чақириқ
18.09.2021
Рафаэль Варан ёзги трансферлар ойнасида «Реал»дан «Манчестер Юнайтед»га ўтгани ҳақида гапирди.
«Бу – менинг менталитетим. Яхшиланишни хоҳлайман. Мен учун янги чақириқ. Янги турнир, ўзга менталитет, бошқа атмосфера. Буларнинг барчаси янги, аммо мен ҳар куни завқланаман.
«Манчестер Юнайтед»ни юқори поғонага қайтариш – катта чақириқ. Мухлислар ғалабани хоҳлашларини ҳис қиламан ва бу мен учун катта мотивация бўлади», – дея Вараннинг сўзларини келтиради Sky Sports.
Оле: Лингард «қизил иблис» бўлиб қолади
17.09.2021
Оле-Гуннар Сульшер «қизил иблислар» яримҳимоячиси Жесси Лингардни жамоада сақлаб қолиш истагини билдирди.
«Биз уни келажакда ҳам «Манчестер Юнайтед» ўйинчиси сифатида кўрамиз. У «Вест Хэм»да ижарадан сўнг бизга яна қайтди.
Жесси ўзининг фазилатларини намойиш этди ва Англия терма жамоасига қайтди. Биз ҳам унинг энг яхши ўйинини кўришни жуда хоҳлаймиз.
Унинг шартномаси тугашига бир йил қолди. Айни пайтда клуб Жесси ва отаси билан музокаралар олиб бормоқда. Биз уни қўллаб-қувватлаймиз. Умид қиламизки, Лингард доимо «қизил иблис» бўлиб қолади», - деди Сульшер.
Эслатиб ўтамиз, Лингарднинг «Манчестер Юнайтед» билан шартномаси 2022 йилнинг 30 июнигача амал қилади.