Оле: Бизда яна 5та ўйин бор
15.09.2021
Оле-Гуннар Сульшер ЕЧЛ 1-туридан ўрин олган «Янг Бойз» (1:2) билан баҳсдан сўнг ўз фикрларини билдирди.
«Мураккаб ўйинда очко олишга муносиб эдик. Биринчи бўлиб гол урганингизда, ғалаба учун етарли имкониятга эгамиз, деб ўйлайсиз. Аммо четлатиш ҳар доим таъсир қилади.
Ван-Биссакага кўрсатилган қизил карточка борасида ҳакам билан баҳслашиш қийин, аммо Аароннинг ҳаракатида ёмон ният йўқ эди.
Лингарднинг хатоси? Бу футбол. Унда тушиш ва кўтарилишлар бўлди. Сизга қарши бўлган вазиятларга дуч келасиз. Бардошли бўламиз.
Гуруҳдан чиқиш учун 12 очко тўплашимиз керак. Уйдаги учала ўйинда ва сафарда бир бор ғалаба қозонсак, плей-оффга чиқамиз. Бугун имкониятни бой бердик. Аммо ўтган йили дастлабки икки ўйинда ютиб ҳам, якунда гуруҳда қoлиб кетгандик. 10-12 очко тўплаш учун бизда яна 5та ўйин бор», – дея Сульшернинг сўзларини келтиради клуб расмий сайти.
Роналду Икернинг рекордини такрорлади
15.09.2021
Криштиану Роналду ЕЧЛ 1-туридан ўрин олган «Янг Бойз»га (1:2) қарши баҳсда майдонга тушди ва гол урди.
Португалиялик 36 ёшли футболчи турнирдаги 177-ўйинини ўтказиб, бу кўрсаткич борасида «Реал»нинг собиқ дарвозабони Икер Касильяснинг рекордини такрорлади.
Ҳужумчи «МЮ»да 53та, «Реал»да 101та, «Ювентус»да 23та баҳсда ҳаракат қилган ва жами 135та тўп киритган.
Агар Роналду 30 сентябрь куни 2-турдан ўрин олган «Вилярреал» билан ўйинда ҳам майдонга тушса, мутлақ рекордчига айланади.
14.09.2021
«Манчестер Юнайтед» Чемпионлар лигаси доирасидаги 1-тур баҳслари учун қайдномасини маълум қилди.
Криштиану Роналду УЕФА Чемпионлар Лигаси гуруҳ босқичининг «Янг Бойз»га қарши биринчи ўйинида майдонга тушади. Эдинсон Кавани жароҳати туфайли ўйинни ўтказиб юборади.
Дарвозабонлар: Давид де Хеа, Том Хитон, Дин Хендерсон.
Ҳимоячилар: Эрик Байи, Диого Далот, Виктор Линделоф, Гарри Магуайр, Люк Шоу, Алекс Теллес, Рафаэль Варан, Аарон Ван-Биссака.
Яримҳимоячилар: Амад Диалло, Бруну Фернандеш, Фред, Джесси Лингард, Хуан Мата, Неманья Матич, Скотт Мактоминай, Поль Погба, Донни ван де Бек.
Ҳужумчилар: Антони Марсьяль, Маркус Рашфорд, Криштиану Роналду, Джейдон Санчо, Мэйсон Гринвуд, Энтони Эланга.
Невилл: Роналду энг яхшиси
14.09.2021
Гари Невилл манкунианликлар форварди Криштиану Роналду ва «ПСЖ» ҳужумчиси Лионель Мессини таққослади.
«Ҳеч шубҳа йўқки, Месси — жуда кўп гол урган ажойиб ўйинчи. Бироқ Роналду ундан 3та катта устунликка эга: бош билан 4-5 баробар кўпроқ тўп киритган, нафақат ўнг, балки чап оёғида ҳам кўп голлар урган ва пенальтиларни Леодан кўра аниқроқ амалга оширади.
Бунга миллий жамоадаги голлар ва Чемпионлар Лигасидаги ғалабаларни қўшинг. Буларнинг барчаси Роналдуни мукаммал ўйинчи деб ўйлашга ундайди.
Криштиану — барча даврларнинг энг яхши ўйинчиси. У — ўйинни турли йўллар билан юта оладиган футболчи», — дея Невиллнинг сўзларини келтиради Sky Sports.
Оле: Погба ўйинларни ажойиб ўтказмоқда
14.09.2021
Оле-Гуннар Сульшер жамоа яримҳимоячиси Поль Погбанинг голли узатмаларига эътибор бермаётганини айтди.
«Поль жамоага жуда яхши ҳолатда қайтди. У ёзда жуда яхши ишлади. Ҳозирга келиб у жисмонан ажойиб спорт формада.
Поль ҳар доим ажойиб узатмаларни амалга ошириб келган, аммо бу мавсум унинг энг яхши узатмалари голга айланмади.
Умуман олганда, мен голли узатмаларга эътибор қаратмайман. Бу кўпроқ ижтимоий тармоқларда муҳокама қилинади.
Погба ўйинларни ажойиб тарзда ўтказмоқда, бу аниқ. У майдонда катта ҳажмдаги ишни бажаради», - дея Сульшернинг сўзларини келтирмоқда Goal.
Маълумот учун, Поль Погба АПЛ ўтган 4 турида 7та ассистни амалга оширган. Бу борада у турнирда яққол етакчилик қилмоқда.
«МЮ» Фернандеш шартномасини узайтирмоқчи
13.09.2021
«Манчестер Юнайтед» раҳбарияти ярим ҳимоячи Бруну Фернандеш билан янги шартнома борасида музокараларни давом эттирмоқда.
Томонларнинг музокараларни ижобий рухда кечмоқда. Бу ҳақда журналист Фабрицио Романо хабар бермоқда. Португалияликнинг ўзи ҳам жамоада қолишни истамоқда. Шартнома йил якунига қадар узайтирилиши кутилмоқда.
Фернандешнинг амалдаги шартномаси 2025 йилга қадар давом этади.
Оле: Роналду ҳам захирада қолиши мумкин
13.09.2021
Оле-Гуннар Сульшер Криштиану Роналдуга ҳам асосий таркибдаги ўрин кафолатланмаганини айтди.
«Криштиану жисмоний ҳолати ҳақида қанчалик қайғуришини инобатга олсак, унинг тикланиши учун кўп вақт талаб этилмайди. Яна бир жиҳати мен учун таркибдаги имконқадар барча ўйинчиларнинг ўйин амалиётига эга бўлиши муҳим.
Сешанба куни Чемпионлар лигасида «Янг Бойз»га қарши қандай таркиб бўлишини ҳозирдан айтиш қийин. Бу ўйинда Роналду ҳам захирада қолиши мумкинлигини инкор этмайман. Мен 36 ёшли ўйинчига ҳам, 19 ёшлига ҳам имконият беришим керак», - дейди Сульшер ЕЧЛ 1-тури олдидан.
Маълумот учун, «МЮ» Чемпионлар лигаси 1-турида «Янг Бойз» меҳмони бўлади. Учрашув 14 сентябрь, сешанба куни соат 21:45да бошланади.
Погба шартномасини узайтирмоқчи
13.09.2021
Поль Погба манкунианликлар билан шартномасини узайтирмоқчи. Бу ҳақда Америка матбуоти хабар бермоқда. Криштиану Роналду футболчининг қарорида асосий омилга айланиши мумкин.
Роналдунинг «Юнайтед»га қайтиши Погбанинг фикрини ўзгартирган деб айтилади манбада. Унинг фикрича, португалияликлар билан жамоа ҳақиқатан ҳам титулларга даъвогарлик қилиши мумкин.
Аввалроқ, Погба кейинги ёзда «Реал»га ўтиши билан боғлиқ хабарлар тарқалган эди.
Юрген Клопп: Хурсанд эмасман
13.09.2021
«Ливерпуль» бош мураббийи Юрген Клопп Криштиану Роналдунинг «Манчестер Юнайтед»га ўтиши ҳақида фикрини билдирди.
«Унинг «Юнайтед»га ўтганидан хурсандманми? Йўқ, бу мени хурсанд қилмайди. Ҳа, афсуски у яхши футболчи.
Роналдунинг «Юве»ни тарк этганидан ҳайрон қолгандим, аммо «МЮ»га қайтишини кутмагандим. Криштианунинг «Сити»га ўтиши ҳақида хабарлар пайдо бўлгач, бу «МЮ» учун қизиқ бўлиши ҳақида ўйлагандим. Кўп ўтмай, «Юнайтед» уни илиб кетди. Улар нимани исташса, ўша ишни амалга ошира олишади», - дея Клоппнинг сўзларини келтирмоқда Sky Sports.
Роналду: Бир гол уришимни кутгандим, аммо
12.09.2021
Криштиану Роналду АПЛ 4-туридан ўрин олган «Ньюкасл» (4:1) билан ўйиндан сўнг ўз фикрлари билан ўртоқлашди.
«Олд Траффорд» мен учун доим сеҳрли жой бўлган. Бу ерда хоҳлаган барча нарсангизга эришиш мумкин.
«МЮ»га қайтганимдан ва яна Премьер-лигада ўйнаганимдан фахрланаман. Биринчи навбатда, жамоага ёрдам берганимдан хурсандман.
Бир гол уришни кутгандим, аммо иккита эмас. Энг асосийси — ғалаба қозониш. Ғолиблик менталитетини яратишимиз керак. Клуб мен билан фахрланиши учун бор кучимни бераман.
Ҳиссиётлар ақл бовар қилмас даражада. Асосий таркибда майдонга чиққанимда, асабийлашдим. Мухлислар бутун ўйин давомида исмимни куйлашларини кутмаган эдим.
Ҳамма биладики, Англияда футбол бошқа чемпионатларга ўхшамайди. 18 ёшимда бу ерга келгандим. Улар менга жуда яхши муносабатда бўлишганди, шунинг учун қайтдим.
Ҳар ким ўз ишини қилиши керак. Бизда фантастик ёш жамоа ва ажойиб мураббий бор, лекин ўзимизга бўлган ишончни мустаҳкамлашимиз керак.
Агар Премьер-лига ва Чемпионлар Лигасида ғолиб бўлишни истасак, жамоа етук бўлиши керак. Муҳими, тўғри йўлдамиз ва мен жамоага ёрдам бўлиш учун шу ердаман», — дея Роналдунинг сўзларини келтиради ВВС.