Сульшер: Кўп нарса кутгандик
12.09.2021
Оле-Гуннар Сульшер АПЛ 4-туридан ўрин олган «Ньюкасл»га (4:1) қарши баҳсдан сўнг ўз фикрлари билан ўртоқлашди.
«Ғалаба қозонганингизда, қувончли бўлади. Мухлисларни хурсанд кўриш — бахт. Бугун кўп нарсалар кутгандик, ҳаммаси амалга ошди. Буни ҳар сафар қилишимиз керак. Бу — «Манчестер Юнайтед». Ҳеч нарса ўзгармади.
Роналду фантастик тўпурарга айланган. У ажойиб ўйин ўтказди, яхши югурди.
Криштиану, унинг мухлислари ва жамоа учун хурсандман. У — клуб тарихидаги ўзига хос футболчи. У голли вазиятларни ҳис қилади. У шафқатсиз. У жамоага ва клуб билан боғлиқ барчага мотивация беради.
Мавсум якунида қаерда бўлишимизни олдиндан айтиш жуда эрта. Барқарор бўлишимиз ва диққатимизни ишга қаратишимиз керак», — дея Сульшернинг сўзларини келтиради ВВС Sport.
Сульшер: Бу амалга ошадиган трансфер эмасди
11.09.2021
Оле-Гуннар Сульшер Криштиану Роналдунинг «Сити»га ўтиши мумкин бўлганлигига ишонмаслигини айтди.
«Криштиану Роналдунинг «Манчестер Сити»га ўтиши мумкин бўлгани мени қўрқитдими? Фикримча, унинг бу клубга ўтиши амалга ошадиган трансфер эмасди», - дея Сульшернинг сўзларини келтирмоқда Goal.
Аввалроқ, Роналду «Юве»ни тарк этгач унга асосий даъвогар «Манчестер Сити» бўлгани, аммо курашга «Юнайтед» қўшилгач Криштиану собиқ клубига қайтгани ҳақида хабар берилганди.
Роналдунинг дубли «МЮ»га йирик ғалаба келтирди
11.09.2021
Англия Премьер-лигаси 4-тури доирасида «Манчестер Юнайтед» ўз майдонида «Ньюкасл»ни қабул қилди.
«Олд Траффорд»даги ўйинда Криштиану Роналду «қизил иблислар» сафидаги иккинчи дебютини ўтказди ва 12 йилдан кейинги қайтишни ўзига хос байрамга айлантирди.
Учрашувни асосий таркибда бошлаган португалиялик 36 ёшли ҳужумчи 45+1-дақиқада ҳисобни очиб, жамоасини танаффусга ғолиб сифатида олиб чиқди – 1:0.
Иккинчи бўлим бошида Манкильо ҳисобни тенглаштирган бўлса-да, 62-дақиқада Роналду яна катта саҳнага чиқди. Шоунинг узатмасидан кейин ҳимоячиларни ортда қолдирган Криштиану қайтишини дубль билан нишонлади – 2:1.
80-дақиқада Бруну Фернандеш узоқ масофадан ажойиб голга муаллифлик қилган бўлса, 90+2-дақиқада Погба – Марсияль – Лингард комбинациясини Жесси ажойиб зарба билан якунлаб қўйди – 4:1.
«Реал» Погбани текинга қўлга киритмоқчи
11.09.2021
«Реал Мадрид» француз яримҳимоячиси Поль Погбани ўз сафига қўшиб олмоқчи.
Бу ҳақида Marca нашри хабар тарқатмоқда. Манбага кўра, трансфер 2022 йилнинг ёзида амалга ошиши мумкин. Погбанинг «Манчестер Юнайтед» билан шартномаси 2022 йилнинг 30 июнида тугайди, шундан сўнг футболчи эркин агентга айланади.
Мадридликлар эса айнан ўша вазиятни кутишмоқда. Маълумот ўрнида, «қизил иблислар» Полга узоқ муддатли шартнома таклиф қилишган, лекин француз футболчиси клубини ўзгартимоқчилиги ҳақида айтган.
Эслатиб ўтамиз, Погба «Манчестер Юнайтед»да 2011 йилдан 2012 йилгача ўйнаган, кейин «Ювентус»га ўтган. 2016 йилда француз «Олд Траффорд» га қайтди.
Жорий мавсумда Погба АПЛнинг 3 ўйинида 5 голли узатма муаллифи бўлди.
Роналду: Сульшерга босим ўтказаман
11.09.2021
Криштиану Роналду Англия Премьер-лигаси 4-тури доирасидаги «Ньюкасл»га қарши ўйинда асосий таркибда майдонга тушиш учун Сульшерга босим ўтказиши ҳақида ҳазиллашди.
«Ньюкасл»га қарши асосий таркибда ёки умуман ўйинга туширилишимни кутмаяпман. Албатта, шанба кунги баҳс олдидан бироз ҳаяжон бор, аммо тажрибали ўйинчи сифатида ўйинга тайёр ҳолатда бўламан. Асосий таркибда майдонга тушиш учун Сульшерга босим ўтказмоқчиман (кулади). Ўйинга тайёрман», - дея Криштиану Роналдунинг сўзларини келтирмоқда клуб расмий сайти.
Роналду ёзги трансфер ойнаси якунида «Ювентус»дан «Манчестер Юнайтед»га ўтганди. 36 ёшли португалиялик форвард 12 йиллик танаффусдан кейин шанба куни «Олд Траффорд»да яна «МЮ» футболчиси сифатида майдонга тушиши кутилмоқда.
Маълумот учун, «Манчестер Юнайтед» АПЛ 4-тури доирасида 12 сентябрь куни «Ньюкасл»ни қабул қилади. «Олд Траффорд»даги баҳс соат 19:00да старт олади.
Деклан Райс «МЮ»нинг асосий трансфер мақсади
09.09.2021
«Вест Ҳэм» яримҳимоячиси Деклан Райс «Манчестер Юнайтед»нинг 2022 йил ёзидаги асосий трансфер мақсадидир.
Manchester Evening News'нинг ёзишича, 22 ёшли инглизга шахсан манкунианликлар бош мураббийи Оле-Гуннар Сульшернинг ўзи қизиқмоқда. Футболчининг ўзи ҳам «қизил иблислар» сафига қўшилишни хоҳламоқда.
Райснинг «Вест Ҳэм» билан шартномаси 2024 йилгача мўлжалланган. Лондонликлар яримҳимоячини 80 млн фунтга баҳолашмоқда.
Деклан ўтган мавсумда АПЛда 34та ўйинда 2та гол урган.
Погба: Франция кучли жамоаси эмас
08.09.2021
Поль Погба миллий жамоасининг сўнгги ўйинлардаги муваффақиятсизлиги ҳақида фикрини билдирди.
«Франция миллий жамоаси билан ғалаба қозонганимдан кейин анча вақт ўтди. Ғалабали онларимизни мен каби, барча жамоадошларим ҳам соғинган.
Биз ортиқ жаҳоннинг энг яхши жамоаси эмасмиз. Буни тўғри қабул қиламиз. Энди ҳаммасини бошидан бошлашимиз ва ўзгаришимиз шарт. Вазиятни ўнглаш учун кўпроқ тер тўкиб, янада кўпроқ ишлашимиз лозим. Биздан талаб қилинадигани шу», - дейди франциялик 28 ёшли яримҳимоячи.
Маълумот учун, Франция сўнгги марта 15 июнь куни Евро-2020 доирасида Германия устидан ғалаба (1:0) қозонган эди. Шундан сўнг французлар Венгрия (1:1), Португалия (2:2), Босния (1:1), Украина (1:1) ва Швейцарияга (3:3, 4:5 пен.) қарши ўйинларда ғалаба қозона олишмади.
Лингард шартномани узайтиришни хоҳламади
08.09.2021
Яримҳимоячи Жесси Лингард «Манчестер Юнайтед» билан шартномани узайтиришни хоҳламади.
ESPN'нинг ёзишича, 28 ёшли футболчи янги битим имзолашдан аввал клуб унга доимий ўйин амалиётига эга бўлишни кафолатлашини хоҳламоқда. Акс ҳолда ҳавбек жамоани 2022 йил ёзида текинга тарк этади.
Лингард ўйин амалиётига эга бўлиш орқали 2022 йилги ЖЧга бормоқчи.
Эслатиб ўтамиз, яримҳимоячи ўтган мавсумнинг иккинчи қисмини «Вест Ҳэм»да ижарада ўтказиб, 16та ўйинда 9та гол урди ва икки бор АПЛда ойнинг энг яхши футболчиси деб топилди.
«Юнайтед» Роналду пулини 5 йил ичида бўлиб беради
07.09.2021
Криштиану Роналду учун тўланадиган трансфер пулини «Ювентус»га 5 йил ичида бўлиб беради, дея хабар бермоқда инсайдер Фабрицио Романо.
Манбанинг ёзишича, «Манчестер Юнайтед» португалиялик форвард учун «Ювентус»га тўланадиган 15 млн еврони 5 йил давомида – 3 миллион евродан 2026 йилга қадар бўлиб беради.
Аввалроқ, «МЮ» Роналдунинг натижаларидан келиб чиққан ҳолда бонус кўринишида Турин клубига яна 8 миллион евро тўлаши ҳақида хабар берилганди.
Эслатиб ўтамиз, «МЮ» 27 август куни Роналду билан келишувга эришганини эълон қилганди. Португалиялик 36 ёшли голеадор 11 сентябрь куни АПЛ 4-тури доирасидаги «Ньюкасл»га қарши баҳсда манчестерликлар сафидаги иккинчи дебютини ўтказиши кутилмоқда.
Погба: Унинг тажрибаси ва маҳорати асқотади
07.09.2021
Поль Погба клубнинг трансферлари ҳақида фикр билдирди.
«Вараннинг ўтиши — клуб учун яхши янгилик. У билан яхши муносабатдамиз, бир-биримизни анчадан бери биламиз. У биз билан «Манчестер Юнайтед»да эканлигидан хурсандман. Унинг тажрибаси ва маҳорати асқотади.
Роналдуга келсак, энг яхшилар билан ўйнаш ҳар доим ёқимли. Бундай буюк футболчи билан машғулот ўтказиш имконияти ёш ўйинчиларга ҳам фойда келтиради. У туфайли жамоа савияси ошади», — дея Погбанинг сўзларини келтиради Get French Football News.