Ҳабиб: У Италияда зериккан
05.09.2021
Енгил вазн тоифасида собиқ UFC чемпиони Ҳабиб Нурмагомедов Португалия терма жамоаси ҳужумчиси Криштиану Роналдунинг «Ювентус» дан «Манчестер Юнайтед» га ўтишининг сабабини айтди.
«Мен шахсий хабарларни ошкор қилмоқчи эмасман ... У Италияда зерикканини ва Англияга кетмоқчи эканлигини айтди.
Тўғри, мен Италия футболи мухлиси эмасман ва инглиз футболига қизиқишмни яширмайман ҳам. Сабаби, у ердаги ҳар қандай жамоа ажойиб ўйин намойиш этиши мумкин», — деди Ҳабиб.
Эслатиб ўтамиз, Нурмагамедов аввалроқ Роналдунинг «Юнайтед» га ўтиши ҳақида трансфердан бир ой олдин билганини айтганди.
Марсьяль ва ниҳоят гол урди
05.09.2021
Франция терма жамоаси ҳужумчиси Антони Марсьяль 2022 йилги жаҳон чемпионати саралаш доирасидаги Украинага қарши ўйинда (1:1) ҳисобни тенглаштирувчи голни киритди.
Бу 25 ёшли футболчининг 2 феврал куни «Манчестер Юнайтед» сафида Англия Премьер-лигаси доирасидаги «Саутгемптон»га қарши (9:0) ўйинда қайд этган дублидан кейин биринчи голи ҳисобланаади.
Шунингдек, Миллий терма жамоа таркибида Марсьяль 2016 йилнинг 1 сентябрида ўртоқлик учрашувидги Италия терма жамоаси дарвозасини ишғол қилганидан бери биринчи марта терма жамоа сафида гол урди.
Санчо «МЮ»га қайтди
05.09.2021
Жейдон Санчо жароҳат сабабли Англия миллий жамоаси базасини тарк этди.
21 ёшли футболчи ЖЧ-2022 саралашидан ўрин олган Венгрияга (4:0) қарши ўйин олдидан ўтказилган машғулотда жароҳат олган. Шу тариқа вингер Андорра ва Польша билан ўйинларда миллий жамоага ёрдам бера олмайди.
Санчо «Юнайтед»га қайтди. У энди 11 сентябрда бўлиб ўтадиган АПЛнинг 4-туридан ўрин олган «Ньюкасл» билан ўйингача тикланиш машқларини бажаради.
«МЮ» Киран Триппьердан воз кечмаган
04.09.2021
«Манчестер Юнайтед» «Атлетико» ҳимоячиси Киран Триппьерни сотиб олиш фикридан воз кечмаган.
Ўтган ёзда «қизил иблислар» 30 ёшли инглиз ҳимоячисининг трансфери учун 21 миллион фунт таклиф қилишди, аммо «матрасчилар» рад жавобини беришди. Мадрид клуби хўжайинлари ўз етакчиси учун камида 35 миллион фунт олиш ниятида, шунинг учун ҳам футболчининг трансфери муваффақиятсиз якунланди.
Mundo Deportivo нашри хабарига кўра, «МЮ» раҳбарияти Триппьер учун яна бир таклиф киритмоқчи, у декабр охири ёки январ бошида эълон қилинади.
Бироқ, Киранни сотиб олиш учун манкунианликлар биринчи бўлиб клубда Аарон Уан-Биссакага алтернатив сифатида жамоада қолган Диого Далотга харидор топишлари керак бўлади.
Вьери: «Ювентус» 25-30та гол йўқотди
04.09.2021
«Ювентус» ва «Интер»нинг собиқ ҳужумчиси Кристиан Вьери Криштиану Роналдунинг «Манчестер Юнайтед»га кетиши ҳақида гапирди.
«Роналду кетишидан олдин, мен «Ювентус» Италиянинг энг кучли жамоаси деб айтдим. Энди эса «Интер» фаворит. «Ювентус» 25-30та гол йўқотди. Роналду «Ювентус»да унчалик яхши ўйнамаганини айтган одамлар бахтли бўлишлари керак. Аммо ундан яхшироқ ҳужумчи йўқ.
Бу голларнинг барчасини энди кимдир уриши керак бўлади. Менимча, Мойзе Кин бунга қодир эмас, лекин унга ўзини кўрсатиш учун имкон бериш керак.
Икарди жамоада кам ўйнайди, лекин табиатан у ҳужумларни қандай якунлашни билади. У бемалол 20та гол уради. «Ювентус»га бу 20та гол урадиган футболчи керак бўлгани учун, эҳтимол, Икардини қўлга киритиш учун клуб кўпроқ ҳаракат қилиши керак эди», — деди Вьери La Gazzetta dello Sport нашрига берган интервьюсида.
Роналду 5 кунлик карантинда!?
04.09.2021
3 сентябрь куни Манчестерга учиб келган «МЮ» ҳужумчиси Криштиану Роналду энди 5 кунлик карантинда бўлиши керак.
Клуб Британия ҳукуматига португалиялик футболчидан карантинни олиб ташлаш тўғрисида илтимос билан чиқди, аммо рад жавобини олди, деб ёзади Manchester Evening News.
Роналду 5 кундан сўнг «Юнайтед» машғулотларига қўшилиши мумкин бўлади. Бу — Буюк Британиядан Португалияга бориб келган барча учун қоида.
Карантиннинг иккинчи ва бешинчи кунларида ҳужумчи коронавирус учун тест топширади. Шундан сўнг жамоага қўшилиши мумкин бўлади.
Шу тариқа Роналду «МЮ» машғулотларида 8 сентябрь, чоршанба кунидан қатнаша олади.
36 ёшли футболчи 11 сентябрь куни АПЛ 4-тури доирасидаги «Ньюкасл»га қарши баҳсда дебют қилиши кутилмоқда. Агар у миллий жамоани эрта тарк этмаганида, бу ўйиндан олдин карантиндан ўтишга улгурмаган бўларди.
Лингард «Вест Хэм»га қайтмайди
04.09.2021
Жесси Лингард «Вест Хэм»га қайтишдан бош тортди, деб хабар беради 90min нашри.
Манбага кўра, 28 ёшли инглиз футболчиси «болғачилар» сафигага қайтиши мумкинэди. Сабаби, Жесси у ерда 2020/21 йилги мавсумнинг иккинчи қисмини ўтказган, аммо «Манчестер Юнайтед»нинг асосий таркибидан жой олиш учун курашишга қарор қилган.
31 август куни «Вест Хэм» ЦСКА ярим ҳимоячиси Никола Власич билан шартнома имзолади. 23 ёшли хорватнинг Лондон клуби билан 5 йиллик шартномага имзо чекди.
2020/21 йилги мавсумда Лингард «Вест Хэм» таркибида 16 ўйинда майдонга тушиб, 9 гол урди ва 5 голга узатма берди.
Кавани «Эвертон» га ўтишдан бош тортди
04.09.2021
«Манчестер Юнайтед» ҳужумчиси Эдинсон Кавани «Эвертон» га ўтишдан бош тортди, деб хабар беради Todo Fichajes нашри.
Манбага кўра, уругвайлик футболчи Манчестерда қолишга қарор қилган. Қайд этилишича, «Эвертон» Каванини фикридан қайтишига умид қилмоқда.
Аввалроқ Испания ва Италиянинг топ-клубидан, хусусан «Барса» ва «Ювентус» дан Каванига қизиқиш борлиги ҳақида маълумот бор эди. Бироқ, бу харид трансферлар мавсуми якунланиши сабаб амалга ошмай қолди.
Роналду: Эдига катта раҳмат
03.09.2021
Ҳужумчи Криштиану Роналду «Манчестер Юнайтед»да 7-рақамни олди. Бу ҳақда клуб расмий сайти маълум қилди.
Ўтган мавсумда бу рақамда ҳужумчи Эдинсон Кавани ҳаракат қилганди. Энди уругвайлик форвард худди миллий жамоада бўлгани каби 21-рақам остида тўп тепади. Роналду «7»ни беришга рози бўлгани учун «Эл Матадор»га миннатдорчилик билдирди.
«МЮ»да яна шу рақамни олишга ишончим комил эмасди, шунинг учун Эдига катта раҳмат айтмоқчиман», — деб ёзади Роналду «твиттер»даги саҳифасида.
Хабар қилинишича, «МЮ» португалиялик футболчи 7-рақамни олиши учун АПЛга махсус илтимос билан чиққан. Чунки Премьер-лигада мавсум давомида рақамларни ўзгартириш тақиқланган.
Роналду фаолиятининг катта қисмини 7-рақамда ўтказган. У 2003 йилдан 2009 йилгача манкунианликлар сафида айнан шу рақамда ўйнаган. Сўнг «Реал»га ўтиб, бир мавсум давомида 9-рақамда тўп тепган. Клуб афсонаси Рауль жамоадан кетгач, мадридликлар сафида ҳам, кейинчалик «Ювентус»да ҳам севимли рақамига эга чиққан.
Португалия миллий жамоасида эса фаолиятининг бошида 17 ва 10-рақамларда ҳам ўйнаган.
Сульшер режасида ортиқча футболчининг ўзи йўқ
03.09.2021
Оле-Гуннар Сульшер клубнинг трансфер сиёсатида фаол иштирок этмоқда.
Норвегиялик мутахассис ўтган ёзда жамоанинг беш футболчисининг кетишига тўсқинлик қилди. Бу ҳақда Британия матбуоти хабар бермоқда.
Сульшер Диогу Далот, Донни ван де Бек ва ёш Антони Элангани сотишга рухсат бермади.
Норвегиялик мутахассис Криштиану Роналду келганидан кейин жамоани тарк этиши мумкин бўлган Эдинсон Кавани ва Антони Марсьялни ҳам бу йўлда сақлаб қолди.