03.09.2021

«Манчестер Юнайтед» клуби ва Португалия миллий жамоаси ҳужумчи Криштиану Роналду Гиннесс рекордлари китобига киритилди. 

36 ёшли форвард ЖЧ-2022 саралашидан ўрин олган Ирландияга (2:1) қарши ўйинда дублга эришди ва 111та гол билан миллий жамоалар миқёсида энг кўп киритган ўйинчига айланди. У айнан ушбу рекорди орқали Гиннесс китобидан ўрин олди. 

Футболчи эсдалик сертификатини олди. 

«Гиннесс рекордлари китобига раҳмат. Сизни жаҳон рекордчиси деб тан олишлари доим ёқимли. 

Келинг, бундан ҳам яхши натижага эришишга ҳаракат қилайлик», — деб ёзади Роналду «инстаграм»даги саҳифасида.

Муҳокама

02.09.2021

L’Equipe нашри тарқатган хабарга қараганда, лионликлар 25 ёшли футболчини 2022 йилнинг ёзига қадар ижарага олишни хоҳлашган, аммо Антони Францияга қайтишни истамаган.

Марсьяль 2015 йилдан буён «Манчестер Юнайтед» шарафини ҳимоя қилиб келмоқда. У ўтган давр мобайнида жами 261 та ўйинда майдонга тушди ва 78 та гол ҳамда 50 та голли узатмага муаллифлик қилди.

Унинг МЮ билан имзолаган амалдаги шартномаси 2024 йилга қадар тузилган.

Муҳокама

02.09.2021

Рио Фердинанд кўплаб баҳсларга сабаб бўлаётган Криштиану Роналду ва Бруно Фернандешларнинг майдондаги вазифалари қандай тақсимланиши ҳақида ўз фикрлари билан бўлишди.

«Ўйлайманки, Бруно акасига пенальти тепиш имкониятини қўйиб беради ва у жарима зарбалари ва бурчак тўпларига масъул бўлади.

Фернандешнинг ўйинидан кўриниб турибдики, у жарима зарбаларини давом эттириши керак.

100 фоиз, энди «қизил иблислар» сафида пенальтини Роналду бажаради. Бруно Роналду билан жамоанинг чемпионлик учун имкониятлари юқори эканлигини тушуниши керак.

Яримҳимоячи, агар соврин ютишни хоҳласа, шахсий статистикасини ёмонлаштиришга рози бўлиши шарт», - дейди Рио Фердинанд ўз подкастида.

Муҳокама

01.09.2021

«Ўтган ҳафта мен ҳакамликдан шикоят қилгандим. Бу футбол. Ҳакамлар ўйинни тўхтатмасликни хоҳлашади. Фикримча, қўполлик бўлмаганди. Иккала ўйинчи ҳам тўп учун курашишди. Погба яхши ҳаракат қилди.

Ҳужум бурчагини инобатга олган ҳолда Гринвуд ўзига хос гол урди. Албатта, дарвозабон қутқариши мумкин эди. Аммо ҳаммаси жуда тез содир бўлди.

Умид қиламанки, Роналду 11 сентябрда «Ньюкасл» билан ўйинда майдонга тушади. Бу борада ишлаяпмиз. У аллақачон катта йигитга айланган. Мен билан ўйнаганида бола эди. 

Албатта, унинг қайтиши футболчиларни илҳомлантирди. Мухлисларни кўрдингиз — улар хурсанд бўлишди. Роналду — ўзига хос ўйинчи. 

Криштиану биз билан захирада ўтириш учун шартнома имзоламади. У жамоани яхшироқ қилади. У футболчи сифатида ўзгарди: ҳозир марказий ҳужумчи. Бизда 2 ёки 3 ҳужумчи билан ўйнайдиган баҳслар бўлади. Мен Роналду майдонда бўлишини ва гол уришини истайман.

У ҳозир анча тажрибали. Унга ёши катталиги ҳақида гапиришлари ёқади. Криштиануга ёши ҳақида гапиринг ва у нималарга қодирлигини кўрсатади», — дея Сульшернинг сўзларини келтиради ВВС.

Муҳокама

01.09.2021

Донни ван де Бекнинг агенти Гидо Алберс клуб нидерландиялик футболчини ёзги трансферлар ойнасида қўйиб юбормаганидан норози. 

Маълум бўлишича, ёз давомида манчестерликлар А Серия, Бундеслига ва Премьер-лиганинг бир қатор клубларидан таклифлар олган. 

Ван де Бек 2020 йилда «Аякс»дан 35 млн фунт-стерлинг эвазига «қизил иблислар» сафига қўшилганди. Ўтган мавсум у Премьер-лигада 19та ўйинда майдонга тушиб, биттадан гол ва ассист муаллифига айланди.

Муҳокама

29.08.2021

«Манчестер Юнайтед» трансферини расман эълон қилган Криштиану Роналду «қизил иблислар» сафида ўзига қадрдон бўлган 7-рақамни ололмаслиги мумкин, деб ёзмоқда журналист Дейл Жонсон. 

Маълумки, ҳозир ушбу рақам Эдинсон Каванига тегишли. Англия Премьер-лигаси қонунларига кўра, бир рақам билан мавсумни бошлаган футболчи уни ўзгартира олмайди. Португалиялик юлдуз ушбу рақамни олиши учун Кавани жамоани тарк этишига тўғри келиши мумкин. 

Шунингдек, «МЮ» АПЛга махсус илтимос билан чиқиб, футболчини 7-рақамда рўйхатдан ўтказиши мумкин. Бироқ лига тарихида бундай ўзгартиришга ҳали рухсат берилмаган. 

Эслатиб ўтамиз, Роналду 2003-2009 йиллар мобайнида «қизил иблислар» сафида айнан 7-рақамда ҳаракат қилган.

Муҳокама

28.08.2021

2021 йилнинг ёзи тарихга кириши аниқ. Аввалига — Лео Месси «Барселона» билан хайрлашиб, «ПСЖ»га ўтганига гувоҳ бўлдик. «Реал» «ПСЖ»дан Мбаппени олиш учун тинмай ҳаракат қилмоқда ва мақсадга яқин. Клуб раҳбарлари келиша олишса, бу трансфер камида 160 млн евродан қимматроққа амалга ошади. Энди — Криштиану Роналдунинг «Ювентус»дан ўзи 2003-2009 йилларда ҳам ўйнаган «Манчестер Юнайтед»га трансфери рўй берди.

Кун давомида тарқалган янгиликларни кузатиб адашиб кетган, ҳар 15 дақиқада твиттер лентасини янгилаб ўтиришдан чарчаганлар ёки шунчаки сўнгги кунларда тарқалган хабарларни кузатмаганлар учун қуйида воқеалар хронологияси келтириб ўтилади.

1) Роналду «Ювентус»дан кетиши мумкинлиги ҳақидаги миш-мишлар ўтган мавсум якунланиши биланоқ чиқа бошлаганди. Португалиялик футболчи мавсумнинг сўнгги турида «Болонья»га қарши ўйинда захирада қолдирилди, бу ўйин натижасига кўра «Кекса синьора» бир амаллаб Чемпионлар лигасига йўлланмани қўлга киритди. Аммо Криштиану билан боғлиқ вазиятни аллақачон сенсацияга айлантиришганди. Қолаверса, у жамоа билан ЕЧЛни қаторасига икки мавсумда 1/8 финалдаёқ тарк этди. Ниҳоят Макса Аллегри жамоа бош мураббийлигига тайинланди — уларнинг 2018/19 йилги мавсумдаги ҳамкорлиги икки томонда ҳам ёқимли таассуротлар қолдирмаганди. «Реал», «Манчестер Юнайтед», «ПСЖ» ва Роналдунинг илк жамоаси Лиссабон «Спортинг» клуби унинг кейинги манзили бўлиши мумкинлиги ҳақида хабарлар чиқди... «Сити»ни эса дастлаб ҳеч ким тилга олмаётганди.

2) Ёз хотиржам ўтди. Август ойи бошида Криштиану «Ювентус»нинг «Барселона»га қарши ўртоқлик учрашувида бошланғич таркибда майдонга тушди.

3) Аммо сўнгги икки ҳафтада воқеалар ривожи кескин ривожланиб кетди. 16 август куни кечқурун бир неча соат фарқи билан Криштианунинг келажаги борасида учта нашрдан уч хил ёндашув тарқалди. Римнинг Corriere dello Sport нашри форварднинг агенти Жорже Мендеш «Манчестер Сити»га мурожаат қилиб, уларга ўз мижозининг хизматларини таклиф этди, футболчининг нархи аслидан анча арзон бўлиши айтилди. Испанияда El Chiringuito нашри «Реал» бош мураббийи Карло Анчелотти Роналду билан яна ҳамкорлик қилишга қарши эмаслигини айтгани ҳақида хабар тарқалди, улар италиялик мутахассиснинг Мадридга аввалги келишида муваффақиятли ишлашганди. Marca нашри эса Кришнинг келажагини «ПСЖ» билан боғлади.

Кейинги кун Роналду Instagram саҳифасида пост жойлаб, унинг номини трансфер миш-мишлари ҳақидаги хабарларда ишлатишни бас қилишни сўради — у бу ўзига ва номи тилга олинаётган клубларга ҳурматсизлик ҳисобланишини эслатди.

4) 22 август куни кечқурун яна шов-шувли хабарлар оқими кузатилди. Таниқли инсайдер Фабрицио Романо твиттерда «Удинезе»га қарши мавсумнинг биринчи ўйинида ҳам Роналду захирада қолганини футболчи клубдан кетмоқчилиги билан изоҳлади. Шу билан бирга, журналист Туринга ушбу 36 ёшли португалиялик трансфери борасида бирорта сўров келмаганини қўшимча қилганди.

«Ювентус» вакиллари бу хабарларни дарҳол инкор этишга киришишди. «Биз Криштиану билан келишган ҳолда уни захирада қолдирдик. Барчаси жойида. Роналду қолади — бу 100 фоизга аниқ», деди клуб вице-президенти Павел Недвед DAZN нашрига.

Аллегри эса бошқачароқ изоҳ берди - у ўйиндан олдин футболчига ўз қарорини тушунтиргани ва иккинчи бўлимда майдонга тушишга тайёр туришни тайинлаганини айтди.

5) Яна бир неча кунлик жимлик кузатилди, 25 август куни кечқурун итальян журналисти Никола Шира твиттерда «Манчестер Сити» Кришга икки йиллик шартнома таклиф этаётганини хабар қилди. Худди шу вақтда Италия медиаси португалиялик агент Жорже Мендеш «Ювентус» билан музокаралар ўтказиш учун Туринга келганини хабар қилди. Бу вақтда Ҳарри Кейн «Тоттенҳэм»да қолишини эълон қилган, уни қўлга киритиш умидида бўлган «Сити» энди бошқа вариантларга юзланишга мажбур эди.

6) Кейинги куни учрашувлар бўлиб ўтди. Sky Sport нашри маълумотига кўра (уни кейинроқ бошқа инсайдерлар ҳам тасдиқлашди), «Ювентус» Роналдуни қўйиб юборишга рози бўлган, фақат бир кун ичида 28-30 миллион евро тўлайдиган харидор топилиши шарти билан. Клуб янги ҳужумчи олишга улгуриши керак эди. Позиция максимал аниқ эди — тўланг ва олиб кетинг. Лекин бу вақтда «Сити» шартномаси кейинги йил ёзида тугайдиган 36 ёшли футболчини текинга қўлга киритиш ёки бирор футболчисига алмаштириш ҳақида ўйлаётганди. Аммо бу борадаги музокаралар самарасиз якунланди.

7) Кўп ўтмай Италиядаги барча етакчи спорт журналистлари, трансферлар ва инсайдларга ихтисосланганлар — Жанлука Ди Марцио, Шира, Романо — деярли бир вақтда хабар беришди: Роналду «Ювентус»дан кетиш ҳақида қарор қилган ва бу ҳақда раҳбариятни ҳамда жамоадошларини огоҳлантирган. Унга асосий даъвогар «Сити» бўлиб қолганди, энди фақат Манчестердан расмий таклиф келишини кутишарди.

8) 27 август куни тонгида ҳам «Сити» ҳамон «Ювентус»га таклиф тайёрлаётгани, Мендеш эса бу вақтда Манчестер клуби билан футболчининг шахсий шартномасини муҳокама қилаётгани ҳақида хабарлар чиқиб турарди. Туринда Роналду йилига 31 миллион евро олган. Энди эса камроқ сумма ҳақида гап кетарди. Шира бу миқдорни бир мавсум учун 20 миллион евро атрофида кўрсатди, Романо ва The Guardian — 15 миллион ҳақида ёзди. Sky Italia ҳам шунга яқин рақам келтирди.

9) Криштианунинг ўзи тонгда «Ювентус» базасига келди, у ерда 40 дақиқача вақт ўтказди, жамоадошлари ва клуб ходимлари билан хайрлашди, машғулотда қатнашмасдан базани тарк этди. Португалиялик юлдуз аэропортга йўл олди, у ердан хусусий самолёт орқали Лиссабонга учди.

10) Кейинроқ Аллегри «Эмполи»га қарши ўйин олдидан ўтказилган матбуот анжуманида — Роналду кетаётганини тасдиқлади. «У кеча менга «Ювентус»дан кетишини ва клубда бошқа ўйнамаслигини айтди. У бугунги машғулотда қатнашмади. Мен ундан хафа эмасман, бу унинг танлови. Бу ҳаётнинг бир қисми», деди у.

11) Кун давомида воқеалар ривожида кутилмаган бурилиш ясалди. Кўплаб манбалар — Англияда ҳам, Италияда ҳам — Криштиану учун курашга «Манчестер Юнайтед» қўшилгани ҳақида хабарлар беришди. Мендеш пайшанба куни кечқуруноқ улар билан музокара бошлаб юборгани айтилди. «МЮ» бош мураббийи Оле Гуннар Сульшер АПЛ доирасида «Вулверҳэмптон»га қарши навбатдаги ўйин олдидан ўтказилган матбуот анжуманида бу футболчини жамоасида кўришни истаётганини яширмади: «Криштиануми? Биз у билан ҳамиша гаплашиб турамиз. Бруну Фернандеш яқиндагина Роналду билан гаплашган ва у биз нимани ўйлаётганимиздан хабардор. Агар у «Ювентус»дан кетаётган бўлса, у билади — биз шу ердамиз. У — «МЮ» афсонаси, барча замонларнинг буюк футболчиси».

12) Кейинроқ «Сити» Роналду бўйича музокараларни тўхтатгани маълум қилинди. «МС» «Ювентус»га расмий оффер жўнатмагани, шунингдек, Криштиану билан ўзаро шартнома бўйича ҳам келишув бўлмагани маълум бўлди. Контактлар бўлган, аммо музокаралар келишувгача бориб етмаган. Бу ҳақда Sky Sports куннинг биринчи ярмидаёқ ёзганди — музокаралар бўлиб ўтаётгани, аммо келишувгача ҳали узоқлиги айтилганди. Шундай ҳам бўлиб чиқди.

13) Кечга яқин «Манчестер Юнайтед» «Ювентус»га расмий сўров юборгани маълум бўлди. Романо ва The Guardian трансфер 25 миллион евро ва қўшимча бонуслар эвазига амалга ошиши ҳақида хабар тарқатди. La Gazzetta dello Sport вакили Карло Лаудиза трансфер суммаси 28 миллион евролигини айтди. The Athletic эса дастлаб 15 миллион евро, кейин эса 8 миллион евро тўланиши ҳақида маълумот берди.

14) Ниҳоят, Тошкент вақти билан соат 20:51да «МЮ» матбуот хизмати тасдиқлади — Роналду қайтади. Португалиялик футболчи билан 2023 йилга қадар амалда бўлувчи шартнома тузилади. ОАВ хабарига кўра, унинг йиллик маоши миқдори 25 мииллион фунт.

Муҳокама

25.07.2021

Давид Де Хеа янги мавсумда асосий таркиб учун курашмоқчи. 

Испаниялик посбон таътилни муддатидан аввал якунлади ва бош мураббий Оле-Гуннар Сульшерга ўзини кўрсатиш учун клубга барвақт қайтди. 30 ёшли футболчига август ойининг бошигача рухсат берилганди. 

«Давид формада бўлишни хоҳлайди. У яна 3 ҳафта дам олиши мумкин эди, лекин Оле ва Ҳендерсон олдида ўзини кўрсатиши кераклигини тушунди», — дейди клубга алоқадор манба. 

Де Хеа ўтган мавсумда АПЛда 26та ўйин ўтказиб, уларнинг 10тасида дарвозаси дахлсизлигини сақлаб қолганди.

Муҳокама

25.07.2021

«Манчестер Юнайтед» билан шартномани узайтирган бош мураббий Оле-Гуннар Сульшер ўз фикрлари билан ўртоқлашди. 

«Шубҳасиз, ғалаба қозониш учун шу ердамиз. Ўтган йилги натижалар бизни қониқтиради, деб айта олмайман, чунки «МЮ» ҳеч нарса ютмади. Аммо ўсиш бор ва, фикримча, таркиб янада яхшиланди. 

Ўйлайманки, кундалик ишимиз орқали аста-секин юқори даражага чиқмоқдамиз. Бизда буни исботлайдиган соврин йўқ, лекин мен кучлироқ бўлиб, янги чақириққа тайёрмиз деб ҳисоблайман», — дея Сульшернинг сўзларини келтиради клуб расмий сайти.

Муҳокама

24.07.2021

Халқаро трансфер гувоҳномасини олгандан сўнг, «Манчестер Юнайтед» Жейдон Санчо билан шартнома имзолаганини расман эълон қилди, унга кўра футболчи шартномани яна бир йилга узайтириш имконияти билан камида 2026 йил июнгача жамоада қолади.

21 ёшли Санчо Дортмунднинг «Боруссия»сида тўрт мавсум давомида 50 та гол ва 64 та голли пас берган ва УЭФА Эвро-2020 финалида ўйнаган Англия терма жамоаси таркибида бўлган.

«Мен ҳар доим бир кун келиб Англияга қайтишимни билган бўлсамда, менга асосий таркибда футбол ўйнаш имкониятини бергани учун Дортмунддан ҳар доим миннатдорман», — деди Жейдон шартномани имзолагандан сўнг.

— «Манчестер Юнайтед»га ўтиш имконияти — бу орзуим ва мен Премер-лигада ўйнашни кутиш учун шунчаки сабр қиламан. Бу ёш ва қизиқарли жамоа ва мен биламан, биз биргаликда мухлисларимизга муносиб ютуқларни келтира оламиз. Ўйинимда ютуқларга эришиш учун мураббий ва унинг мураббийлар штаби билан ишлашни орзиқиб кутаман».

Оле Гуннар ҳам бир нечта сўзларни айтди: «Жейдон мен клубга олиб келмоқчи бўлган футболчининг турини англатади — У келгуси йиллар давомида жамоамнинг ажралмас қисмига айланади ва биз уни клубимизда гуллаб-яшнашини кутяпмиз. Унинг голлари ва голли узатмалари маҳорати кўрсатиб турибди, шунингдек, у бизнинг жамоамизга улкан тезкорлик ва ижодкорликни тақдим этади.»

«Олд Траффорд» унга амалга оширилмаган истеъдодини юзага чиқариш ва энг юқори даражада ўйнаш учун зарур бўлган асосни беради. Жейдон ўз ёшидаги футболчи учун аллақачон кўп ишларни амалга оширган. Ёшлигида чет элга саёҳат қилиш ва ўйнаш учун жасорат кўрсатган. Барчамиз янги мавсумга тайёргарликни давом этар эканмиз, Жейдонни жамоада илиқ кутиб олишни орзиқиб кутамиз».

Муҳокама

Аввалги саҳифа   |   Кейинги саҳифа