Роналду: Ғалабани нишонлашга вақт йўқ
03.12.2021
Криштиану Роналду АПЛ 14-туридан ўрин олган «Арсенал»га (3:2) қарши баҳсдан сўнг ўз фикрлари билан ўртоқлашди.
«Кейинги ўйинга ҳозирданоқ тайёргарлик кўрамиз. Ғалабани нишонлашга вақт йўқ. Бугунги ғалаба нормал ҳолатга қайтиш учун ниҳоятда муҳим, аммо мақсадимизга эришиш учун ҳали кўп йўл бор.
Барча жамоадошларимни табриклайман. Бугун ажойиб руҳият кучини кўрсатдик. Мухлисларга алоҳида раҳмат. Сизсиз бардош бера олмасдик», — деб ёзади Роналду «инстаграм»даги саҳифасида.
36 ёшли португал ушбу ўйинда дублга эришиб, фаолиятидаги голларини 800тадан оширди.
Рангник «МЮ»ни бошқара олмаслиги мумкин
01.12.2021
Ральф Рангник виза олиш билан боғлиқ муаммоларга дуч келмоқда, деб хабар беради ESPN.
Манбага кўра, германиялик мутахассис декабрь ойи ўрталаридагина жамоа бошқарувига келиши мумкин.
Рангник 2019 йилдан бери мураббийлик қилмагани, Буюк Британияда ишлашга автоматик тарзда рухсат ололмагани боис бу масала юзасидан Англия футбол ассоциацияси томонидан тайинланган мустақил комиссияга мурожаат қилиши керак бўлади.
Мураббий 11 декабрь куни бўлиб ўтадиган «Норвич»га қарши ўйингача етиб келиши кутилмоқда.
Марсьяль «Барселона»га ўтиши мумкин
01.12.2021
Антони Марсьяль фаолиятини Испанияда давом эттириши мумкин.
Франциялик 25 ёшли ҳужумчини «Барселона» ўз сафига қўшиб олмоқчи, дея хабар бермоқда Mundo Deportivo.
Қайд этилишича, Каталония клуби «Манчестер Сити» ҳужумчиси Ферран Торресни ўз сафига қўшиб ололмаса, бор эътиборини айнан Марсьялга қаратади. Хави франциялик ҳужумчи у жорий этмоқчи бўлган ўйин услубига мос тушиши ҳақида клуб раҳбариятига маълум қилган.
Маълумот учун, Антони АПЛ жорий мавсумида 6 ўйинда битта голга муаллифлик қилган.
Аввалроқ, «Барса» қишки трансфер ойнасида «Юнайтед»нинг уругвайлик ҳужумчиси Эдинсон Каванини таклиф этмоқчи экани ҳақида хабар берилганди.
Ральф Рангник «МЮ» бош мураббийи
30.11.2021
«Манчестер Юнайтед» клуби жамоани мавсум якунигача бошқарадиган янги бош мураббийни расман эълон қилди.
Клуб расмий сайти хабарига кўра, Ральф Рангник жорий мавсум якунига қадар «МЮ» бош мураббийи вазифасини бажарувчи этиб тайинланди. ГермРальф Рангник «МЮ» бош мураббийианиялик мутахассис мавсум якунлангач, икки йил давомида клубда маслаҳатчи сифатида фаолият юритади.
Сульшер истеъфосидан кейин клубни икки ўйинда бошқарган Майкл Кэррик мураббийлар штабида қолиши кутилмоқда.
Аввалроқ, ушбу мураббий танлови ва уни тайинлаш қарорига келишда «МЮ» собиқ бош мураббийи Алекс Фергюсон иштирок этмагани айтилганди.
Маълумот учун, 63 ёшли Ральф Рангник 2015-2019 йилларда «Лейпциг» клубини бошқарганди. 2021 йилнинг ёзидан буён мутахассис Россиянинг «Локомотив» клуби спорт ишлари ва ривожлантириш бўлими раҳбари сифатида ишлаб келаётганди.
Рангникнинг илк трансфер мақсади ойдинлашди
30.11.2021
Ральф Рангникнинг илк трансфер мақсади ойдинлашди.
Manchester Evening News хабарига кўра, немис мураббийи собиқ жамоаси «Лейпциг»дан яримҳимоячи Амаду Ҳайдарани таклиф этишни истамоқда. «МЮ» вакиллари мураббийнинг сўровига кўра, 23 ёшли ушбу футболчини Бундеслига доирасида «Лейпциг»нинг «Унион Берлин» ва ЕЧЛ 6-тури доирасидаги «Манчестер Сити»га қарши ўйинларидаги ҳаракатини кузатишади.
Рангник «қизил иблислар» раҳбариятидан Ҳайдарага қишки трансфер ойнасидаёқ таклиф жўнатишни сўраган. Қайд этилишича, малилик ўйинчининг немис клуби билан шартномасидаги товон пули миқдори 40 миллион еврони ташкил этади.
Маълумот учун, Ҳайдара айнан Ральф Рангникнинг таклифига кўра, 2018 йилда «Ред Булл Зальцбург»дан «Лейпциг» сафига келиб қўшилган эди. Футболчининг ўзи аввалги интервьюларида «Манчестер Юнайтед»да тўп суришни орзу қилиши ҳақида айтган.
Амаду жорий мавсум лейпцигликлар сафида Бундеслигада 12 ўйинда 2та гол уришга эришган бўлса, ЕЧЛда 4та ўйинда майдонга тушган.
Кин: Роналду захирада ўтириш учун қайтмади
29.11.2021
Рой Кин Криштиану Роналдунинг «Челси»га қарши ўйинни захирадан бошлагани ҳақида фикр билдириб, мураббий Майкл Кэррикни танқид қилди.
«Роналду «МЮ»га захирада ўтириш учун қайтган эмас. У асосий таркиб футболчиси.
Менга Роналдунинг финиш ҳуштаги чалинганидан сўнг, Кэррикка қўл ташламагани ғалати туюлмади. Унинг хафа бўлиши ўринли, сабаби у захирада ўтириш учун келмаган. Бунинг нима кераги бор?
Роналду жаҳон даражасидаги футболчи. У «МЮ»га қайтганидан сўнг бир қанча яхши натижаларга эришди, гол ва ассистлар қайд этди. Кўп марта жамоага айнан у ғалаба олиб келди. Шу сабаб Кэррикнинг қарорини оқламайман. Сиз юлдуз футболчилар билан қандай ишлашни билишингиз керак, сабаби айнан улар сизнинг жамоангизни сақлаб қолади», – дея Киннинг сўзларини келтиради Sky Sports.
Маълумот учун, Роналду ўйиннинг 64-дақиқасида Санчонинг ўрнига майдонга тушди. Учрашув томонларнинг 1:1 ҳисобидаги дуранги билан якун топди.
Скоулз: Cизда имконият бўлмайди
26.11.2021
Пол Скоулз ҳужумчилар Криштиану Роналду ва Эдинсон Кавани фонида жамоанинг трансферлар бозоридаги ишига баҳо берди.
«Энг яхши икки ҳужумчимиз 36 ва 34 ёшда. Бу шармандалик. Қандай қилиб бу ҳолатга келганини ҳеч тушуна олмайман.
Ҳеч қачон «Юнайтед» чемпионатни ютади, деб ўйламаганман. 34 ва 36 ёшли форвардлар билан сизда имконият бўлмайди», – дея Скоулзнинг сўзларини келтиради Manchester Evening News.
Маълумот учун, «МЮ» АПЛда 17 очко билан 8-ўринда бормоқда. ЕЧЛда эса гуруҳдан 1-ўрин билан 1/8 финалга йўл олди.
«МЮ» Душан Влаҳовичга қизиқмоқда
26.11.2021
«Юнайтед» Душан Влаҳовичга қизиқмоқда, деб ёзади Daily Mail.
Инглиз клуби 21 ёшли форвард учун курашни кузатмоқда. Сербиялик футболчи «Тоттенҳем», «Ньюкасл», «Милан» ва «Ювентус» эътиборида бўлиб турибди.
Влаҳовичнинг флоренцияликлар билан шартномаси 2023 йилгача мўлжалланган ва у клубнинг келишувни узайтириш борасидаги таклифини рад этган.
Хабар қилинишича, «Фиорентина» ҳужумчи учун 70 млн евро олмоқчи.
Душан бу мавсумда клублар миқёсида 14та ўйинда майдонга тушиб, 12та гол ва 2та ассистни ўз ҳисобига ёздириб қўйди
Рангник «МЮ» билан келишувга эришди
26.11.2021
Ральф Рангник «Манчестер Юнайтед»нинг вақтинчалик бош мураббийига айланиши мумкин.
The Athletic нашри хабарига кўра, 63 ёшли германиялик мутахассис «Юнайтед»ни бошқаришга розилик билдирган ва томонлар келишувга эришган. Рангник «МЮ» билан 6 ойлик шартнома имзолаб, ёзда келишувини яна 2 йилга узайтириб, маслаҳатчи мураббий сифатида ишлаши айтилмоқда.
Қайд этилишича, «МЮ» Рангникнинг «Локомотив» билан амалдаги келишувни ўзаро бекор қилишини кутмоқда.
Англияда ишлаш визасини олиш қийинлиги сабабли Рангник якшанба куни «Челси»га қарши баҳсда «Манчестер Юнайтед»ни бошқара олмайди. Шу куни ҳам Майкл Кэррик жамоани бошлаб тушиши кутилмоқда.
Маълумот учун, 63 ёшли Ральф Рангник 2015-2019 йилларда «Лейпциг» клубини бошқарганди. 2021 йилнинг ёзидан буён мутахассис Россиянинг «Локомотив» клуби спорт ишлари ва ривожлантириш бўлими раҳбари сифатида ишлаб келмоқда.
Роналду: Курашни ҳеч қачон тўхтатмаймиз!
24.11.2021
Европа Чемпионлар Лигаси гуруҳ босқичи 5-турида «Вильярреал»га қарши ўйинда гол урган Криштиану Роналду ўйин ҳақидаги фикрлари билан ўртоқлашди.
«Испанияда ўйнаш ҳар доим ажойиб бўлган. Ғалаба қозониш ҳам жуда ёқимли ҳис. Ўзимни ҳар доим ўзгача ҳис қилган жойимда гол урганимдан хурсандман.
Йигитларни ажойиб ғалаба билан табриклаймиз. Ғолиб бўлганимиз эвазига қаерда бўлишимиз лозим бўлса, ўша жойга чиқиб олдик! Биз «Манчестер Юнайтед»миз ва клубимиз учун курашни ҳеч қачон тўхтатмаймиз! Олға, «иблислар!», – дейди Роналду ўзининг «Instagram» саҳифаси.
Эслатиб ўтамиз, Сульшер истеъфосидан кейинги ушбу баҳсда «қизил иблислар» Роналду ва Санчонинг голлари эвазига 2:0 ҳисобида ғалаба қозонди. Натижада, очколари сонини 10тага етказиб, муддатдан аввал 1-ўрин билан плей-оффга йўлланма олди.