Бруну: Скоулз кўпроқ таъсир кўрсатган
17.11.2020
Бруну Фернандеш жамоанинг собиқ хавбеки Пол Скоулз ҳақида гапирди.
«Эҳтимол, ўйин услуби бўйича Скоулзга яқинман. У жарима майдончаси атрофида ўйнашни, пас беришни ва жуда кўп голлар уришни яхши кўрарди. Менимча, Пол дунёнинг энг яхши яримҳимоячиларидан эди.
Англия ҳақида гап кетганда кўпчилик Стивен Жеррард ва Фрэнк Лэмпардни эслайди. Аммо Скоулз натижаларга бошқалардан кўпроқ таъсир кўрсатган. Ва сўзларимни муҳокама қилишларидан олдин айтмоқчиманки, мен Англиядаги барча яримҳимоячиларни кўрмаганман. Аммо олдинги авлодда бу уч футболчини энг яхшилари деб ҳисоблайман. Ва шахсан мен учун Скоулз – улар ичида энг зўри», – дея Фернандешнинг сўзларини келтиради Sky Sports.
Рэшфорд барчага ўрнак бўлмоқда
17.11.2020
Маркус Рэшфорд болалар учун махсус китоб клуби ташкил қилгани ҳақида эълон қилди.
Ушбу лойиҳа орқали футболчи болаларни китоб ўқишига барвақтроқ жалб қилишни ва кам таъминланган оила фарзандларининг таълимига ўз ҳиссасини қўшишни мақсад қилган.
«17 ёшимдагина китоб ўқишни бошладим ва бу дунёқарашимни бутунлай ўзгартириб юборди. Мен доимо китоб ўқишни хоҳлаганман, бироқ болаликда топган даромадимиз овқат столимизга етарди.
Бугунги кунда Британиянинг ўзида ҳаётида китоб ушлаб кўрмаган 380 минг болалар бор, уларнинг бунга имконияти йўқ, аммо энди барчаси ўзгариши керак», — дейди МЮ ҳужумчиси.
Таъкидланишича, 2022 йилда Рэшфорд муаллифлигида болалар учун иккита китоб нашр қилиниши режалаштирилмоқда.
Фернандеш: АПЛда ғолиб чиқиш вақти келди
16.11.2020
Бруну Фернандеш клубнинг Премьер-лигада ғолиб чиқиш вақти келгани ҳақида гапириб, жамоа мураббийлар штабидаги собиқ яримҳимоячи Майкл Кэррикдан кўп нарса ўрганаётгани ҳақида айтди.
«Манчестерга совринларни қўлга киритиш учун келганман. Бу жамоа узоқ тарихга эга дунёнинг энг катта клубларидан бири. «Манчестер Юнайтед»дек клуб АПЛда узоқ муддатдан буён ғолиб бўла олмаяпти. Биз буни ўзгартиришимиз керак.
Бу ерда Майкл Кэррикдан кўп нарсани ўрганаяпман. У кўпчилик учун ўрнак бўла оладиган ўйинчи эди. Уни тинглаш, маслаҳатини олиш ёқади. Кэррик Манчестерда жуда кўп совринлар ютган, ўз ўрнига эга бўлган. Бундай мураббийдан кўпроқ нарса ўрганиш мумкин. Тўғри, Кэррик сингари амплуадаги ўйинчилар ёшларнинг орзусидаги футболчи бўлмас, аммо ҳар бир клубда унингдек ўйинчи бўлса жамоа ўзига бўлган ишончни кучлироқ ҳис қилади», - дея Фернандешнинг сўзларини келтирмоқда Sky Sports.
Эдинсон Кавани кетадими!?
15.11.2020
Ёзги трансферлар ойнасининг сўнгги кунида «Манчестер Юнайтед» сафига қўшилган Эдинсон Кавани январдаёқ шартномани бекор қилишга қарор қилгани ҳақида хабарлар тарқатилмоқда.
Маълумотларга қараганда, уругвайлик тўпурар бош мураббий Сульшернинг унга тақдим этаётган ўйин вақти камлигидан норози бўлмоқда ва қишки трансферлар мавсуми очилиши билан кўпроқ ўйнатадиган бошқа жамоага ўтиб кетмоқчи бўляпти. Кавани манчестерликлар таркибида бешта учрашувда жами 93 дақиқа ўйнади ва битта гол урди.
Бундан ташқари, Каванига яқин бўлган манбалар тажрибали футболчи Манчестерда ўзини ноқулай ҳис қилаётганини айтмоқда.
Кавани ёзда маош масаласида келиша олмаган «Бенфика» ва «Атлетико» билан қайта музокарага киришиши кутилмоқда. Бунинг учун уругвайлик ҳужумчи маош масаласидаги талабларини пасайтиришига тўғри келади.
Роналду «Юнайтед»га қайтмайди
15.11.2020
«Ювентус» ҳужумчиси Криштиану Роналду яқин вақт ичида «Манчестер Юнайтед»га қайтмайди.
Manchester Evening News хабарига кўра, МЮ 35 ёшли футболчини олиб келишни режалаштирмаяпти. Манбанинг таъкидлашича, томонлар ҳеч қандай музокара ўтказмаган.
Олдинроқ, Манчестер клуби ҳужумчининг қайтишига қизиқиш билдираётгани ҳақида хабар берилган эди. Кейинги маълумотларда Роналду "Ювентус"да шартноманинг охиригача қолмоқчи ва унинг оиласига Италияда истиқомат қилиш қулайроқлиги айтилмоқда.
Португалиялик футболчи 2003-2009 йилларда инглиз клуби сафида фаолият олиб борган. Бу давр мобайнида 3 марта Англия чемпиони, 2 марта Англия лига кубоги соҳиби ва 1 мартадан Англия кубоги ҳамда суперкубогини қўлга киритган.
Погба «МЮ»ни тарк этиши мумкин
13.11.2020
Поль Погба «Манчестер Юнайтед»ни тарк этиши мумкин.
TalkSport'нинг ёзишича, манкунианликлар бош мураббийи Оле-Гуннар Сульшер бир вақтнинг ўзида Погба ва Бруну Фернандешни майдонга тушириб бўлмайди, деб ҳисобламоқда.
Шу муносабат билан «МЮ» 2022 йил июнида шартномаси муддати якунланадиган 27 ёшли французни келаси йил ёзда сотишни режалаштирмоқда.
Погбани «Реал» сотиб олиши кутилмоқда, аммо коронавирус пандемиясининг молиявий имкониятларга таъсири ва яримҳимоячининг ёмон ўйини трансфер қийматига таъсир қилиши мумкин.
Маълумот учун, Погба бу мавсумда АПЛда 7та ўйин ўтказди.
Дешам: Погбанинг норози бўлишга асос бор
13.11.2020
Франция миллий жамоаси бош мураббийи Дидье Дешам яримҳимоячи Поль Погбанинг «Манчестер Юнайтед»даги ўйини ҳақида ўз фикрларини билдирди.
«Полни яхши биламан ва у миллий жамоа талаблари билан таниш. Унда клубдаги вазиятдан норози бўлишга асос бор – ўйин вақти ва позицияси туфайли. Ҳозин унинг фаолиятидаги энг яхши давр эмас. У жароҳатлардан ва коронавирусдан тикланишни давом эттирмоқда. Булар унинг формасига қаттиқ зарба бўлди.
У ўйин ритмини топиб олиши керак. У октябрь ойида миллий жамоада анча яхши ўйин кўрсатди ва барқарор эди. Лекин унинг клубида бўлаётган воқеалардан мамнунмиз, деб айта олмайман. Албатта, ўйинчи клубда кўп ўйнамаса, миллий жамоада кучлироқ ҳаракат қилади.
Умид қиламанки, миллий жамоа ўйинларида унинг кайфияти кўтарилади. У бор кучини сарфлайди», – дея Дешамнинг сўзларини келтиради France Football.
Ван дер Варт: У кутиши керакми?
13.11.2020
Рафаэль ван дер Варт ҳамюрти Донни ван де Бекнинг «Манчестер Юнайтед»даги ҳолати ҳақида гапирди.
«У кутиши керакми? У доим захира ўриндиғида ўтиришини хоҳлайсизми?
Доннининг ўрнига майдонга тушаётган футболчилар гол ура олишмайди, лекин Сульшер уни асосий таркибга қўйишни истамаяпти.
Мен бундан норози бўлардим. Унинг миллий жамоада қандай ўйнаётганини томоша қилинг. Бундай муносабатни хоҳламайман», – дея ван де Вартнинг сўзларини келтиради NOC.
Маълумот учун, ван де Бек бу мавсумда АПЛда 5та ўйинда майдонга тушиб, 1та гол урди. У бирор марта асосий таркибда ўйнамади.
«МЮ» Линделёфни миллий жамоасига қўйиб юбормайди
10.11.2020
«Манчестер Юнайтед» раҳбарияти ҳимоячиси Виктор Линделёфни Данияга қарши ўртоқлик ўйинига тайёргалик кўраётган Швеция миллий жамоасига қўйиб юбормайди, деб хабар беради Goal.
Бунга сабаб – Буюк Британия ҳукумати томонидан Данияга киришга чеклов қўйилгани. Чунки Данияда коронавируснинг мутацияси аниқланди ва коронавирус билан касалланишлар сони сезиларли даражада ошди. Бундай чеклов Англия ва Шотландияда ўйнайдиган бошқа швециялик ва даниялик футболчиларга ҳам тегишли бўлиши мумкин.
Маълумот ўрнида, Дания – Швеция баҳси 11 ноябрь куни бўлиб ўтади.
Саа: Яна тўрт нафар Бруну Фернандеш керак
10.11.2020
Луи Саа клуб Чемпионлар лигаси ва АПЛ ғолиблиги учун кураша олиши учун яна тўрт нафар Бруну Фернандеш кераклиги ҳақида гапирди.
«Муваффақиятсизликлар пайтида ҳамманинг эътибори Оле-Гуннар Сульшерга қаратилади, аммо жамоа таркибини ҳам таҳлил қилиш лозим. Айтайлик, ўйин савияси ёмон бўлмаса-да, Фредга ўхшаган футболчиларни сотиб олиб, юксак натижа кутиш ноўрин.
«МЮ» совринлар учун кураша олиши учун Бруну Фернандешдан яна тўрт нафари керак. Унинг ўзи билан юқори ўринлар учун курашиш қийин. «Манчестер Юнайтед»да Чемпионлар лигаси ва АПЛ чемпионлиги учун курашишни истайдиган ўйинчилар тўп суриши лозим», - дейди Саа Goal’ сайтига.
Маълумот учун, Фернандеш АПЛ 8-туридаги «Эвертон»га қарши ўйинда (3:1) 2та гол ва битта голли узатмага муаллифлик қилди.