Магуайр: «МЮ» ҳақида кўпроқ гапиришади
08.11.2020
Ҳарри Магуайр клуб манзили томон йўлланаётган танқидлар ҳақида фикр билдирди.
«Бу жамоага келганимга 1,5 йил бўлди ва бу оралиқда мен битта нарсани яхши англадим: «Манчестер Юнайтед» ҳақида дунёни исталган клубидан кўпроқ гапиришади. Ҳеч бир клубнинг натижаларига «Юнайтед»дагидек реакция кучли бўлмайди. Бунинг сабаби «МЮ» - жаҳоннинг энг йирик клуби эканлиги билан боғлиқ бўлса керак.
Кўпчилик яхши натижаларга эришишимизни истамайди. Нега? Эҳтимол, бу клубнинг узоқ йиллик муваффақиятлари билан боғлиқ бўлса керак.
Биз танқидларга муносиб жавоб бериш ва кучли босим машғулот жараёнимизга ҳам жиддий таъсир қила бошламаслиги учун майдонда саволларга ўрин қолдирмаслигимиз керак. Жиддий танқид ва гап-сўзлар гоҳида айрим футболчиларга машғулотларда ҳам таъсир қилади», - дейди Магуайр SkySports’га.
Маълумот учун, «МЮ» АПЛ 8-туридан кейин 10 очко билан 13-ўринда бормоқда.
Оле: АПЛ бизни менсимайди
08.11.2020
Оле-Гуннар Сульшер Англия чемпионатининг 8-туридан ўрин олган «Эвертон»га (3:1) қарши баҳсдан кейин Премьер-лига раҳбариятини танқид қилди.
«АПЛ раҳбарияти жамоамизни менсимайди. Чоршанба куни кечқурун Чемпионлар Лигаси доирасида Туркияда ўйин ўтказган клубга шанбада «Эвертон» билан бахсни белгилаш мумкинми? Бу кулгили.
Масалан, «Ливерпуль» ва «Манчестер Сити». Бу икки жамоа сешанба куни ўйнаган ва энди якшанбада бир-бирларига қарши майдонга тушишади. Бундай тақвим учун ким жавобгар?
Тушунишимиз керакки, пандемиядан сўнг футболчилар нафақат жисмоний томондан, балки руҳий томондан ҳам чарчаган. Олдинги баҳсдан 3 кун ўтмай, бундай муҳим ўйинни қўйиш адолатданми? Шу туфайли бугун Люк Шоуни йўқотдик.
Футболчилар қойилмақом ўйнашди. Кавани тобора яхшиланмоқда», – дея норвегиялик мутахассиснинг сўзларини келтиради Sky Sports.
Оле Фергюсоннинг рекордини такрорлади
08.11.2020
«Манчестер Юнайтед» АПЛнинг 8-турида сафарда «Эвертон»ни (3:1) мағлуб этди.
Sky Sports Statto'нинг ёзишича, манкунианликлар Оле-Гуннар Сульшер қўл остида Англия чемпионатида қаторасига 7та сафар ўйинида ғалаба қозонишди ва Алекс Фергюсон даврида қайд этилган натижани такрорлашди.
«МЮ» 1993 йил апрелдан августигача Фергюсон бошқарувида ҳам меҳмонда кетма-кет 7та ғалабага эришганди.
Почеттино «Барселона» таклифини рад этган
07.11.2020
Маурисио Почеттино «Манчестер Юнайтед»да ишлашни истагани учун «Барселона» таклифини рад этган, деб хабар беради Daily Star.
Манбага кўра, каталонияликлар аргентиналик 48 ёшли мутахассисга икки марта бош мураббийликни таклиф қилишган, аммо рад жавобини олишган.
Аввалроқ Почеттино манкунианликларнинг истеъфога чиқарилиши кутилаётган бош мураббийи Оле-Гуннар Сульшер ўрнига асосий номзод эканлиги хабар қилинганди. Таъкидланишича, Маурисио «МЮ»ни бошқаришни анчадан бери орзу қилади.
Маълумот учун, Почеттино 2014 йилдан 2019 йилгача «Тоттенҳэм»да ишлаган. Шунингдек, у «Саутҳэмптон» ва «Эспаньол» клубларини ҳам бошқарган.
Оле: Футбол аввалгидек эмас
07.11.2020
Оле-Гуннар Сульшер жамоанинг қониқарсиз натижалари ҳақида фикр билдирди.
«Агар ўз ғояларим ва қадриятларимга ишонамасам, унда ким ишонади? Бир ёки икки мағлубият уларни қоғоз уй каби йўқ қилмайди.
Футболчи майдонга «МЮ» либосини кийиб тушса, ундан ғалаба учун ғайрат ва курашишни кутасиз. Лекин биз ғалати даврда яшаяпмиз ва бу футболчиларга босим ўтказмоқда.
Футбол аввалгидек эмас. Мухлислар трибунага киритилмаганда иштиёқ йўқолди. Ҳеч бир футболчи бундай ҳолатга дуч келмаган.
Улар бундан кейин нима бўлишини билмай, бир неча ой ўйнашди. Баъзан уларнинг жисмоний ва руҳий саломатлиги ҳақида ғамхўрлик қилишингиз керак. Улар яна ўз ўйинларини кўрсатишади», – дея Сульшернинг сўзларини келтиради ВВС.
Маълумот учун, «МЮ» АПЛнинг 8-турида «Эвертон» билан баҳс юритади. Ўйин бугун, 7 ноябрь куни бўлиб ўтади.
Алан: «МЮ» Роджерсга эътибор қаратиши лозим
06.11.2020
Алан Брэзил «МЮ» Сульшерни истеъфога чиқарган тақдирда «Лестер» бош мураббийи Брендан Роджерсга эътибор қаратиши лозимлиги ҳақида гапирди.
«Менга қолса, Брендан Рожерсни «Манчестер Юнайтед»га таклиф қилган бўлардим. У энг муносиб номзод. У «Лестер»даги фаолияти давомида ажойиб ишлади. «Лестер»нинг сўнгги йиллардаги натижасига қаранг. Рожерс – топ даражадаги мураббий», - дея Брэзилнинг сўзларини келтирмоқда talkSPORT.
Маълумот учун, Рожерс қўл остидаги «Лестер» АПЛда 2-ўринда бораётган бўлса, Сульшер қўл остидаги «Манчестер Юнайтед» эса 15-ўринни банд этиб турибди.
Аввалроқ, «МЮ» раҳбарияти Сульшер ўрнига Маурисио Почеттино номзодини кўриб чиқаётгани ҳақида хабар берилганди.
«МЮ» Почеттинога мурожат қилди
06.11.2020
«МЮ» Почеттино вакилларига мурожат қилган, бироқ раҳбарият Сульшер билан хайрлашмоқчи эмас.
Manchester Evening News нашрининг маълум қилишича, «Манчестер Юнайтед» клуби Сульшер жамоасининг қониқарсиз натижалари оқибатида аргентиналик мутахассиснинг вакилларига мурожат қилган.
Манбанинг таъкидлашича, Почеттинода 2019 йилнинг декабрь ойидан бошлаб «Манчестер Юнайтед» мураббийи бўлиш нияти бор, ўшандан буён унинг фикри ўзгармаган.
Клуб раҳбарияти Сульшерни ЕЧЛ «Истанбул»дан қабул қилиб олинган мағлубиятгача қўллаб қувватлаётган эди, энди эса катта эҳтимолга кўра жамоа ўйини «Эвертон»га қарши сафар ўйинида бахо берилади. Бунда манкунианликлар норвегиялик мураббий билан мавсум бошидан хайрлашмоқчи эмас.
Хамес «Юнайтед»га ўтиши мумкин эди
06.11.2020
«Эвертон» яримҳимоячиси Хамес Родригес 2019 йилда «Манчестер Юнайтед»га ўтиши мумкин эди.
Goal.com’нинг ёзишича, Мадрид клуби франциялик яримҳимоячи Поль Погба учун колумбиялик футболчиси ва қўшимча тўлов қилишини билдирган, аммо «МЮ» бу таклифга рози бўлмаган. Қайд этилишича, Манчестер клуби Хамес вариантини рад этиб, Погба учун 150 миллион евро сўраган.
Охир-оқибат «Манчестер Юнайтед» қишки трансфер ойнасида Бруну Фернандеш билан келишувга эришган бўлса, Хамес ёзги трансфер ойнасида «Реал»дан «Эвертон» сафига ўтган.
Оле миш-мишларга изоҳ бермади
06.11.2020
Оле-Гуннар Сульшер истеъфога чиқиши мумкинлиги ҳақидаги миш-мишларга изоҳ бермади.
Эслатиб ўтамиз, клубнинг асосий танқидчиларидан бири бўлган, собиқ сардор Рой Кин «Истанбул»дан (1:2) учралган мағлубиятдан сўнг футболчилар Сульшерни истеъфога чиқаришга ҳаракат қилишаётганини айтганди.
«Киннинг сўзларига изоҳ беришдан бош тортаман. Фикрлар ҳар доим мавжуд. Истеъфо ҳақида гапиришга ҳали эрта.
Кучли бўлишим керак. Клуб мени танлади ва мен ўз ишимни қилишда давом этаман. Мураббийлар штаби билан натижаларга эришиш учун ҳаракат қиламиз.
Сўнгги икки ўйиндаги мағлубият ҳақиқий зарба бўлди. Вазиятдан чиқиб кетишнинг ягона йўли шанба кунги «Эвертон» билан муваффақиятли ўйиндир», – дея Сульшернинг сўзларини келтиради ESPN.
Маълумот учун, «МЮ» сўнгги уч ўйининг иккитасида мағлубиятга учради.
Паратичи: Погба ҳақида гапиришга эрта
05.11.2020
Фабио Паратичи Турин клубининг «Манчестер Юнайтед» футболчиси Поль Погбага қизиқиши борасидаги саволга жавоб қайтарди.
«Поль Погба бизнинг мақсадларимиздан ўрин олганми? Бу ҳақда гапиришга эрта. Чунки у «Манчестер Юнайтед» футболчиси. Биз Погбани қадрлаймиз, у фантастик футболчи. Аммо келажакдаги мақсадларимиз борасида гапиришга ҳали эрта», — дейди Паратичи Goal билан суҳбатда.
Эслатиб ўтамиз, Поль Погба 2012 йилдан 2016 йилга қадар Турин клуби сафида тўп суриб, 2016 йилда 105 миллион евро эвазига «МЮ»га қайтганди.