«МЮ» Никола Миленковични олишни орзу қилмоқда
04.11.2020
«Манчестер Юнайтед» анчадан буён сербиялик марказий ҳимоячи Никола Миленковични олишни орзу қилмоқда. Манчестерликла ёзда 23 ёшли футболчининг ўзи билан шахсий шартнома шартларини келишиб олган эди. Бироқ «Фиорентина» бу трансферни тўсиб қўйди.
Энди Сульшер жамоаси қишки бозор очилиши билан Миленковични трансферини амалга оширишни истамоқда. Футболчининг ўзи кучлироқ жамоага ўтишни истаётгани "Фитрентина«ни трансфер таклифларини қабул қилишга мажбурлаяпти.
Николанинг трансфер суммаси 50-60 миллион еврога баҳоланмоқда. Агар «Фиорентина» ҳимоячини тез орада сотиб юбормаса, Миленковичнинг шартномаси 2022 йилда якунланиши муносабати билан нархи арзонлаб кетади.
Хуан Мата юртига қайтиб кетади
04.11.2020
Хуан Мата мавсум якунланиши билан юртига қайтиб кетади.
Испаниялик ярим ҳимоячини «Вильярреал» бош мураббийи Унаи Эмери ўз жамоасига чорламоқда. Мата бу мутахассис қўл остида "Валенсия"да тўп сурган.
Аввалроқ, манчестерликлар жорий мавсум охирида шартномаси якунланадиган плеймейкер билан ҳамкорликни тўхтатишни маъқул кўрган эди.
32 ёшли Мата Манчестерга 2013 йили келган. Шундан буён испаниялик чарм тўп устаси премьер-лигада 180 та ўйинда майдонга тушиб, рақиблар дарвозасига 33 та гол урди.
Франк Лебёф: «МЮ» савияси кескин тушиб кетган
04.11.2020
Франк Лебёф «Манчестер Юнайтед» нинг жорий мавсумдаги ўйинлари ҳақида фикр билдирди.
52 ёшли собиқ футболчининг сўзларига қараганда, Оле-Гуннар Сульшер қўл остидаги жамоанинг ички чемпионатдаги ўйинлари савияси кескин тушиб кетган.
«МЮ» нинг жорий мавсумдаги спорт формасини қандай тушунтириб беришни билмайман. Улар «Лейпциг» устидан тасодифий ғалабани қўлга киритишди, уларни омади келиб қолди. Бироқ, Премьер-лигада «Манчестер Юнайтед» ўзини жуда ёмон кўрсатмоқда. Савияси кескин тушиб кетди.
Ярим ҳимоядаги бунака схемани кўриш ғалати. Сульшер Погбадан майдон марказида фойдаланишни хоҳлади, бу эса муаммо туғдирди, шунинг учун у Погбани деярли чап қанотга ўтказиб қўйди. У Погба билан нима қилиш кераклигини билмаяпти. Сульшер Погбани позициясини қайта кўриб чиқиши керак. Эҳтимол, Погба учун айни пайтда энг яхши жой — заҳирадир , — деди Лебеф Goal портали билан суҳбатда.
Райан Гиггз ҳибсга олинди
03.11.2020
«Манчестер Юнайтед»нинг собиқ яримҳимоячиси, ҳозирда Уэльс миллий жамоасини бошқараётган Райан Гиггз севгилисига ҳужум қилганликда айбланиб ҳибсга олинди, деб хабар бермоқда Тhe Telegraph.
Нашрнинг ёзишича, ҳужум бўйича Гиггзнинг маъшуқаси Кейт Гревиллнинг ўзи полицияга қўнғироқ қилган. Бу Гиггз бошидан кечирган биринчи шахсий можаро эмас. У 2018 йилда рафиқасига хиёнат қилиб, акасининг хотини ва бошқа аёллар билан юргани маълум бўлганди.
Маълумот учун, уэльслик собиқ футболчи 1990 йилдан 2014 йилгача ўйнаган «МЮ»да ва клуб билан 13 бор АПЛ чемпионлигини, 2 марта ЕЧЛ ғолиблигини қўлга киритган.
Алекс Теллес қайтди
03.11.2020
Ҳимоячи Алекс Теллес «Манчестер Юнайтед» машғулотларига қайтди. Манкунианликлар устози Оле-Гуннар Сульшер ўтган ҳафта Теллесда коронавирус аниқланганини айтганди.
27 ёшли бразилиялик «Юнайтед»нинг «Челси», «Лейпциг» ва «Арсенал»га қарши сўнгги учта ўйинини ўтказиб юборди. Ҳимоячи ЕЧЛ 3-тури доирасида «Истанбул» билан баҳсда майдонга тушиши эҳтимолдан йироқ, чунки у жамоа билан деярли икки ҳафтадан бери машғулот ўтказмади, деб ёзади Manchester Evening News.
Теллес 7 ноябрь куни АПЛ доирасида «Эвертон»га қарши ўйинда майдонга тушиши мумкин. Бундан ташқари у Бразилия миллий жамоасига ЖЧ-2022 саралаши доирасидаги Венесуэла ва Уругвай билан ўйинлар учун чақирилган.
Рой Кин яримҳимояни танқид қилди
02.11.2020
Рой Кин манкунианликларнинг яримҳимоясини танқид қилди.
«Одамлар Фред ва Мактоминей ҳақида кўп гапиришади. Уларга етарлича имконият берилди. Ўйлашимча, улар ёмон ўйинчи эмас. Аммо улар «МЮ»ни Премер-лигадаги ғалабаларга етаклай олишмайди. Марказий яримҳимояда ажойиб ўйинчиларни кўрмаяпман.
Клубда яхши футболчилар бор, лекин улар ўзларини кўпроқ намоён қилишлари керак. Ван де Бек яқинда келди, унга вақт керак. Аммо Фред, Матич ва Мактоминей жамоани аввалги даражага қайтаради деб ўйласангиз, демак, сиз хаёлий дунёда яшаяпсиз.
Улар бунга қодир эмаслар. Улар – яхши ўйинчилар, аммо кейинги даражага чиқиш учун бу етарли эмас», – дея Киннинг сўзларини келтиради Sky Sports.
Сульшер: Ишлашда давом этаман
02.11.2020
Оле-Гуннар Сульшер АПЛнинг 7-туридан ўрин олган «Арсенал»га (0:1) қарши баҳсдан кейин ўз фикрларини билдирди.
«Кучли жамоага қарши катта ўйин бўлди ва ҳар жабҳада аниқ ўйнаш керак эди.
Агар курашларда бироз кечиксангиз, рақиб ўтиб кетади ва қўполлик қилишга мажбур бўласиз. Жуда бепарво эдик, кўплаб узатмаларда хатога йўл қўйдик. Футболчилар керакли даражада ҳаракат қилишмади. Умид қилганимизга эришмадик.
Пенальти? Погба оёқда туриши керак эди. Пол ҳам бу жуда осон совға қилинган пенальти эканлигини билади.
Шунчаки ишлашда давом этаман. «МЮ» – ғалаба қозонишни, олдинга интилишни ва астойдил ишлашни истайдиган яхши жамоа. Бугун йигитлар уйларига умидсиз ҳолатда кетишади. Улар, албатта, ғалабаларга қайтишади», – дея Сульшернинг сўзларини келтиради BBC Sport.
02.11.2020
Бруно Фернандеш жамоадоши Поль Погба билан муносабати ҳақида гапирди.
«Поль билан муносабатларимиз аъло даражада. Иккимиз ҳам итальян тилини яхши билганимиз учун ўзаро асосан шу тилда гаплашамиз. Майдонда бўлгани каби майдон ташқарисида ҳам яхши муносабатдамиз.
Поль – қувноқ йигит, доим ҳазиллашишни ёқтиради. У билан Италияда танишган эдик. Манчестерга келиб менда жаҳон чемпиони билан ёнма-ён ўйнаш имконияти туғилди.
Погба сингари футболчилар билан бир жамоада тўп суриш ҳар доим ёқимли. Чунки мен ундан, у эса мендан ниманидир ўрганиши мумкин. Биз биргаликда буюк ғалабаларни қўлга киритишимиз мумкин», - дейди португалиялик футболчи.
Маълумот учун, «Манчестер Юнайтед» АПЛ 7-тури доирасида бугун, якшанба куни «Арсенал»га қарши майдонга тушади. «Олд Траффорд»даги баҳс соат 21:30да бошланади.
Погба: Хатога йўл қўйдим
02.11.2020
Поль Погба АПЛнинг 7-туридан ўрин олган «Арсенал»га (0:1) қарши ўйиндан кейин ўз фикрларини билдирди.
Франциялик футболчи беллашувда ўз жамоаси зарарига пенальти ишлади. Ундан «тўпчилар» ҳужумчиси Пер-Эмерик Обамеянг унумли фойдаланди.
«Ёмон ўйнаганимизни биламиз. Бундай қилмаслигим керак эди. Тўпга ўйнайман, деб ўйладим, лекин адашдим. Ушбу ҳаракатим голга олиб келди.
Мен ва жамоам бундан яхшироқ ўйнашимиз керак. Эҳтимол, бироз чарчаган эдим ва шунинг учун бундай аҳмоқона хатога йўл қўйдим. Кучлироқ бўламан. Жарима майдончаси ичида энг яхши ҳимоячи эмасман. Шу жиҳат бўйича ишлашим зарур.
Шунингдек, тўп билан яхшироқ ишлашимиз ва кўпроқ вазиятлар яратишимиз керак», – дея Побанинг сўзларини келтиради ВВС.
Артета: Мағлуб этишга уринамиз
30.10.2020
Микель Артета Англия Премьер-лигаси 7-тури доирасидаги «Манчестер Юнайтед»га қарши учрашув олдидан ўз фикрларини билдирди.
«Лестер»га қарши Премьер-лигадаги сўнгги ўйинимизда мағлубиятга (0:1) учраш жуда аламли бўлди. Футболчилар Европа лигасидаги йирик ғалаба эвазига ўз уйимиздаги ўша мағлубиятга реакция билдиришди. Энди «Олд Траффорд»га яхши кайфиятда йўл олиб, «МЮ»ни бу сафар ҳам мағлуб этишга уринамиз», - дейди Артета.
Эслатиб ўтамиз, «МЮ» АПЛ доирасидаги ўзаро сўнгги учрашувда январь ойида Лондонга сафар қилиб, «Арсенал»га 0:2 ҳисобида мағлуб бўлганди.
Маълумот учун, АПЛ 7-тури доирасидаги «Манчестер Юнайтед» – «Арсенал» учрашуви 1 ноябрь, якшанба куни ўтказилади.