27.05.2014

The Mirror nashrining xabar berishicha «Manchester Yunayted» jamoasining yangi bosh murabbiyi Lui van Gal jamoaga Gollandiyaning ikki yosh futbolchisini taklif qilmoqchi.

Bular «Feyenoord» jamoasining 22 yoshli futbolchilari yarim himoyachisi Yordi Klasi va uning jamoadoshi markaziy himoyachi Bruno Martins Indi.

Nashrning xabariga ko‘ra jamoa futbolchilarni terma jamoda ko‘rsatadigan o‘yinlariga qarab ular bilan muzokara o‘tkazadi.

Hozirgi kunga kelib Klasi va Martines Indiga terma jamoaning kelajagi deya qarashmoqda.

Муҳокама

22.05.2014

«Manchester Yunayted» jamoasining sobiq darvozaboni Edvin van der Sar jamoaga Lui van Gall bosh murabbiy bo‘lganidan so‘ng, bu haqida o‘z fikrini bildirib o‘tdi.«Ishonamanki, van Gal mablag‘ni kerakli futbolchilarga sarf qila oladi, u jamoani to‘g‘ri yo‘ldan boshlashga qodir, - deydi Edvin van der Sar Sky Sports nashriga bergan intevyusida.«U futbolchilarni tanlashda yetakchi sanaladi. Jamoa o‘yinini kuchaytirishga qodir futbolchilarni biladi».«U xaqiqiy ishini sevadigan inson, jamoada bunday futbolchilar ham yetarlicha. Shuni alohida aytish kerakki u futbolda o‘z uslubiga ega».

Муҳокама

22.05.2014

«Manchester Yunayted» sobiq yarim himoyachisi Devid Bekxem Lui van Galning «MYu» ustozi bo‘lgani borasida gapirdi.«Unda yosh futbolchilar bilan ishlash tajribasi juda ko‘p, u «Ayaks» akademiyasidagi futbolchilarni Jahon yulduzlari darajasigacha ko‘targan. «Manchester Yunayted» uchun bu juda muhim».
«Van Gal – faoliyatidagi yutuqlari bilan maqtana oluvchi inson, u Jahonning eng kuchli futbolchilari bilan ishlagan», – deydi Bekxem.

Муҳокама

22.05.2014

Sky Sports nashrining xabar berishicha «Manchester Yunayted» himoyachisi Fil Djons jarohatdan forig‘ bo‘lishga xarakat qilmoqda. Xozirda u Angliya terma jamoasi yig‘inida yakka tartibdagi mashg‘ulotlarda ishtirok etmoqda. U xaqida terma jamoa bosh murabbiyi Roy Xodjson quyidagi fikirda.
«Filni mashg‘ulotlarda ishtirokini ko‘rish juda yoqimli. U mashg‘ulotlarda yaxshi ishtirok etmoqda, hafta so‘ngiga qadar to‘p bilan mashqlar olib boradi».
Shuningdek Xodjson Ueyna Runi xaqiada ham o‘z fikrini bildirib o‘tdi.«Ueyn hammasini yaxshi tushunib turibdi, u qanchalik formada bo‘lsa jamoaga shunchalik foydasi tegadi. Ishonch bilan aytamanki, u buni uddalay oladi va Braziliyada o‘zining yuqori darajadagi o‘yinini ko‘rastadi».

Муҳокама

22.05.2014

«Bavariya» jamoasi yarim himoyachisi Toni Kroos shu yozda Angliyaning «Manchester Yunayted» jamoasiga o‘tadi, deya xabar beradi The Daily Mail nashri.

Nashrning maʼlumotiga ko‘ra, ingliz jamoasi jamoani Devid Moyes boshqarayotgan paytda «Bavariya» bilan xavbekning 20 million funtga transferi borasida kelishuvga erishgan. «Manchester Yunayted» yangi bosh murabbiyi Lui van Gal mazkur kelishuvni amalga oshirishga rozilik berdi.

Kroosning o‘zi van Gal bilan ishlash istaginini bildirdi. Mazkur mutaxassis qo‘li ostida Toni «Bavariya»dagi dastlabki muvaffaqiyatlariga erishgan.

Eslatib o‘tamiz, Kroosning «Bavariya» bilan shartnomasi muddati 2015 yilning yozida tugaydi.

Муҳокама

22.05.2014

«Manchester Yunayted» jamoa afsonaviy yarim himoyachisi Pol Skoulz joriy mavsum oxirida bosh murabbiy vazifasini bajaruvchi Rayan Giggzga yordam bergan edi. Ammo Skoulz kelasi mavsum jamoadan ketishini aytib o‘tdi.
«Men jamoa ijrochi direktori Edvard Vudvord bilan gaplashmadim. Men Rayan Giggzga yordam berish uchungina qaytgan edim. Endi esa jamoadan yana qo‘ng‘iroq bo‘lishini kutmayapman. Kelasi yili ham «MYu»da ishlashni rejalashtirganim yo‘q».
«Devid Moyesni ko‘p tanqid qilishdi, ammo ishonchim komilki, u kuchli murabbiy. Uning uchun 10 oy yetarli muddat ekaniga shubha qilaman. Vudvord ijrochi direktor sifatida ishlashga munosib ekanini isbotlashi uchun ko‘p harakat qilishiga to‘g‘ri keladi. U yangi murabbiy talab qiladigan futbolchilarni jamoaga olib kelishi lozim. O‘tgan mavum u bu ishni uddalay olmadi. Agarda yana shu holat takrorlansa, jamoa yetakchilar safiga qaytmaydi», - deydi Skoulz.

Муҳокама

20.05.2014

The Daily Mail nashrining xabar berishicha jamoaning yangi bosh murabbiyi Lui van Gall jamoani kuchaytirish uchun 200 million funt mablag‘ bilan ta’minlanadi. Murabbiy vazifasini rasman Jahon chempionati yakuniga yetgandan so‘ng kirishadi. Bugungi kunga kelib jamoa safiga kelib qo‘shilishi mumkin bo‘lgan futbolchilar bo‘yicha taxminlar yuribdi.The Daily Mail nashri jurnalisti Saymon Djons fikriga ko‘ra van Gal «Old Trafford» ga himoyachilar Mats Xummels («Borussiya»), Xolger Badshtuber («Bavariya»), Sebastyan Yung («Ayntraxt») va Lyuka Shou («Sautgempton») hamda yarim himoyachilar Toni Kroos («Bavariya»), Sesk Fabregas («Barselona»), Kevin Strotman («Roma») taklif qilishni rejalashtirmoqda.Shuningdek so‘ngi ma’lumotlarga ko‘ra, «Bavariya» jamoasi safini tark etishi kutilayotgan Mario Mandjukich ham jamoa safiga kelishi kutilmoqda.

Муҳокама

20.05.2014

«MYu» afsonasi Rayan Giggz futbolchilik faoliyatini yakunlaganini e’lon qildi.«Men hamisha «MYu» tarkibida to‘p surishni orzu qilgandim. Ushbu jamoadagi futbolchilik faoliyatimni yakunlayotgan bo‘lsam ham, orzuimga erishganimdan xursandman».«Menga ser Aleks Fergyusondek murabbiy qo‘lostida to‘p surish nasib qilgan. Bundan tashqari, dunyoning eng yaxshi muxlislari uchun to‘p surganman. Men hamisha sizning qo‘llab-quvvatlashingizni his qilib turganman», - deydi Giggz.Giggz APLda ko‘p o‘yin o‘tkazish bo‘yicha rekord sohibi hisoblanadi. U jami 632ta uchrashuv o‘tkazgan. Shuningdek, yevrokuboklarda o‘tkazgan o‘yinlar soni bo‘yicha ham rekord natijaga erishgan – 157ta o‘yin.

Муҳокама

20.05.2014

«Manchester Yunayted» klubi vitse-prezidenti Ed Vudvord Lui van Galning mankunianliklar bosh murabbiyi lavozimini egallaganiga izoh berdi.
«Van Gal qiyofasida biz zamonaviy futbolning eng kuchli murabbiylaridan birini qo‘lga kiritdik. U o‘z faoliyati davomida ko‘p narsaga ega chiqqan, «Old Trafford» bo‘lsa unga «MYu» tarixidagi yangi bobni muvaffaqiyatli yozishida qo‘lidan kelgan barcha yordamni beradi», – deydi Vudvord.
Eslatib o‘tamiz, 62 yoshli gollandiyalik mutaxassis uch yillik shartnoma imzoladi.

Муҳокама

20.05.2014

Gollandiyalik mutaxassis Lui van Gal «Manchester Yunayted»ga rasman bosh murabbiy etib tayinlangandan keyin intervyusini berib o‘tdi.«Men hamisha Premer-ligada ishlashni istagandim. Dunyoning top-klublaridan birida ish olib borishimdan faxrlanaman. Men «Old Trafford»da «MYu» ishtirokidagi o‘yinlarni ko‘p ko‘rganman. Shu sababli bu stadiondagi muhit bilan yaqindan tanishman. Klubning maqsadlari ulkan. Menda ham katta maqsadlar bor. Biz birgalikda yangi tarix yozamiz», - deydi Van Gal.

Муҳокама

Аввалги саҳифа   |   Кейинги саҳифа