Ромеро жамоани тарк этиш ҳаракатида
20.08.2020
Серхио Ромеро Англия премьер-лигасида майдонга тушишга даъвогарлик қилмаса-да, бор умидини кубок ўйинларига қаратган эди.
Лекин бош мураббий «Челси» га қарши ўтказилган Англия кубоги ярим финалида ва Европа Лигасида «Севилья» га қарши охирги баҳсда дарвозани Давид де Хеага топширгани аргентиналик голкипернинг ғазабини қўзитди.
Бундан норози бўлган дарвозабон шу ёзнинг ўзида жамоани тарк этиш ҳаракатига тушди. Ҳозирги пайтда 33 ёшли киперга «Челси», «Эвертон» ва «Лидс» жиддий қизиқиш билдирмоқда.
Йорк: Марсьяль менга ўхшайди
19.08.2020
«Манчестер Юнайтед»нинг собиқ ҳужумчиси Дуайт Йорк жамоа форварди Антони Марсьяль ҳақида фикр билдирди.
«Тўққизлик» – ўзига хос позиция. Эҳтимол, майдондаги энг қийин позициядир. Ҳимоячилар назорати остида бўласиз. Агар ҳар ҳафта бу нуқтада ўйнасангиз, яхшиланиб борасиз.
Антони Марсьяль Тьерри Анри, Уэйн Руни, Криштиану Роналду ва менга ўхшайди. Ҳамма қанотда ўйнашни бошлаб, ўз маҳоратини оширмоқда ва сўнг «тўққизлик» позициясига ўтмоқда. Ҳозир Марсьяль ҳам шундай қилмоқда.
Менимча, Антони кучли бўлиб боради, аммо у бу позицияда кўпроқ ўйнаши керак. Марьсяль бу йил нечта гол урганига эътибор беринг. У фақат ўсиб бориши керак», – деб Йоркнинг сўзларини келтиради Talk Sport.
«Юнайтед» Сауль Ньигесга қизиқмоқда
18.08.2020
«Манчестер Юнайтед» ёзги трансферлар вақтида «Атлетико» ярим ҳимоячиси Сауль Ньигесни олиб келишни истамоқда.
Маълумотларга қараганда, 25 ёшли футболчининг ўзи ҳам Англия премьер-лигасига кўчиб ўтишга қарши эмас.
«Атлетико» бу футболчиси учун 70 миллион фунт талаб қилмоқда ва манчестерликлар бу харажатган рози экани айтилмоқда. Қолаверса, Сульшер жамоаси Саулга беш йиллик шартнома таклиф қилиб, уни энг кўп маош оладиган футболчилар қаторига қўшмоқчи.
Якунланган мавсумда Сауль «Атлетико» таркибида 47 та ўйинда майданга тушиб, рақиблар дарвозасини 7 маротаба ишғол қилди.
Макларен: Санчо «МЮ»га керак эмас
18.08.2020
Стив Макларен «Боруссия» плеймейкери Жейдон Санчо трансферидан воз кечиш кераклигини айтмоқда.
— Марсьяль — фантастик ўйинчи. Лекин у ўта муҳим учрашувларда ўзининг тўпурарлик маҳоратини кўрсатолмайди. Бу позицияга юқори классли футболчи керак. Лукаку МЮ ўйин схемасига тўғри келар эди, деёлмайман. Сульшерга тезкор ҳужумчи керак.
Агар клуб раҳбарияти Эрлинг Холанддай ҳужумчини олиб бермаса, мураббий ҳеч нарса қила олмайди. Эрлинг «Манчестер Юнайтед» ўйин услубига идеал тарзда мос тушади. Клуб тўғри танланган футболчиларга пул сарфлаши керак.
Жейдон Санчонинг ҳам ўйинини кўрдим. У ҳам яхши футболчи, лекин кўпроқ Марсьялга ўхшаб ўйнайди. У «МЮ»га керак эмас. Идеал вариант бу Холанд, — деди Макларен.
Фернандеш: Яхшироқ ўйнашимиз шарт
17.08.2020
Бруну Фернандеш Европа Лигаси ярим финалида «Севилья"дан қабул қилиб олинган мағлубиятга изоҳ берди.
— Ўтказилган голларда барчамизнинг айбимиз бор. Биринчи бўлимда аутдан тўп узатилганда гол ўтказиб юбориш мумкин эмас. Кўп хатога йўл қўйдик. Бутун жамоа айбдор. Биз шу куни яхши ўйнай олмадик. Биз «Манчестер Юнайтед»да совринларни ютиш учун тўп сурамиз. Шундай экан, яхшироқ ўйнашимиз шарт, — деди Бруну Фернандеш.
«Манчестер Юнайтед» 2017 йилдан буён бирорта совринни қўлга киритгани йўқ. Сульшер совринларга даъвогарлик қилиш учун таркибни жиддий тарзда кучайтириш лозимлигини уқтирмоқда.
Скоулз Линделёфдан қаттиқ норози
17.08.2020
Пол Скоулз жамоа марказий ҳимоячиси Виктор Линделёфдан қаттиқ норози. Айниқса, фулбекнинг Европа Лигаси ярим финали доирасида «Севилья»га қарши кечган баҳсдаги ҳаракатлари МЮ собиқ футболчисига ёқмаган.
Скоулз унинг ўрнига бошқа юқори даражадаги футболчи олиб келинишини сўрамоқда. Ўзи шундоқ ҳам Магуайр клуб даражасида ўйнай олмаётганлиги, жамоа анчадан бери совринлар учун кураш олиб бормаётганлиги англияликка хуш келмаяпти.
Ўз навбатида, Линделёф 2017 йилдан буён манкунияликлар сафида ҳаракат қилиб келади. Унинг клуб билан амалдаги шартномаси 2024 йилга қадар мўлжалланган.
Сульшер: Барқарорлик керак
17.08.2020
Оле-Гуннар Сульшер Европа Лигаси яримфиналидан ўрин олган «Севилья»га (1:2) қарши ўйиндан сўнг фикрларини билдириб ўтди.
«Агар имкониятларингиздан фойдалнмасангиз, вазият қийинлашади. Бизда ёш жамоа бор ва бу ўйинчиларга барқарорлик кераклигини кўрдик.
«Севилья» дарвозабони ажойиб ўйин кўрсатди. Албатта, тўп кирита олмаганимиздан жаҳлимиз чиқди. Бизда гол ура оладиган ўйинчилар бор, аммо бу – футбол. Иккинчи голдан сўнг тушкунликка тушдик.
Февраль ойидан бери ажойиб ўйин кўрсатяпмиз, аммо турнирлардан чиқиб кетаётганимиз хафа қилади. Узоқ йўлни босиб ўтдик. Мавсум охирида йигитларнинг қанчалик чарчаганини кўришингиз мумкин: ҳам жисмонан, ҳам руҳан.
Мураббийлик фаолиятим давомида ҳеч қачон бир мавсумда 3та яримфиналга чиқмаганман. Бизда жароҳатлар бор эди, баъзи ўйинчилар жуда кўп ўйнашди. Биз доим таркибни яхшилашга интиламиз», – дея Сульшернинг сўзларини келтиради УЕФА расмий сайти.
Магуайр: Финалда ўйнашга муносиб эдик
17.08.2020
Ҳарри Магуайр Европа лигаси яримфинали доирасида «Севилья»дан учралган мағлубият (1:2) ҳақида фикр билдирди.
«Ҳозир жамоамизга осон эмас, йигитлар жуда ҳорғин кайфиятда. Ўйин давомида жуда кўп имкониятларга эга бўлгандик. Аммо майдондаги энг яхши жамоа мағлубиятга учради. Кўкка совурилган вазиятларимиз учун жазоландик. Очиғини айтсам, «Севилья»да учта вазият бўлиб, иккитасидан фойдаланиб кетди.
Бор куч ва имкониятимизни ишга солгандик. Ўйлашимча, ғалаба ва финалга чиқишга ҳақли эдик. Бир йилнинг ўзидаёқ кетма-кет учинчи яримфиналда ҳам мағлуб бўлиш оғир.
Ҳар қандай ҳолатда ҳам ушбу мавсумда сезиларли даражада ўсишга эриша олдик деб ҳисоблайман. Рақибимиз яхши ўйин намойиш этиб финалга чиққан бўлса-да, бошқа кун «Севилья»ни мағлуб эта олган бўлардик. Бугун эса уларнинг куни бўлди. Шунга қарамай, яқин орада соврин юта олишимизга ишонаман», - дейди Магуайр BBC Sport эфирида.
Маълумот учун, «Манчестер Юнайтед» 2017 йилдан буён соврин ютгани йўқ. Клуб сўнгги марта Жозе Моуриньо қўл остида Европа лигаси финалида «Аякс»ни мағлуб этиб (2:0) совринга эга чиққанди.
Магуайр: Ярим финал натижа дегани эмас
16.08.2020
Харри Магуайр Европа лигаси ярим финали доирасида «Севилья»га қарши ўйиндан олдинги фикрлари билан ўртоқлашди.
«Ярим финал натижа дегани эмас. АПЛни учинчи ўрин билан якунладик. Демак, бу клуб учун етарли дегани эмас.
Келажакда бундан-да яхшироқ бўлишни истаймиз. Совринлар ютишни, АПЛда чемпионликни, кубокларни ютишимиз керак.
Ярим финалга етиб келиш яхши. Узоқ йўлни босиб ўтдик, энди финалга ҳам чиқиш керак.
«Севилья»нинг ўйинларини кўриб чиқдим. Жуда кучли жамоа. Улар ЛаЛигада зўр ўйнашди, январдан кейин жамоани тўхтатиш қийин бўлди. Футболчилар яхши ҳолатга кириб олган.
Бироқ биз ўзимизга эътибор беришимиз керак. Ҳар доимги ўйинимизни кўрсата олсак, финалга чиқамиз», - деди МЮ сардори.
«Ювентус» Погбани қайтаради!?
16.08.2020
Турин клуби раҳбарияти Поль Погбани жамоага қайтариш учун астойдил бел боғлаган.
«Tuttosport»нинг тасдиқлашича, францияликни Туринга қайтариш учун «Юве» МЮга Пауло Дибалани таклиф қилган.
Никоро Скиранинг ёзишига кўра, аргентиналик футболчи «Ювентус»да қолишни истамоқда. Қайд этиш керак, ҳозирда Дибала ва Погба ўз жамоалари билан шартномасини узайтиришга яқин турибди. Дибала йилига 15 млн евро маош сўрамоқда, «Юве» эса унга 10 млн евро маош тўлашга тайёр турибди. Айнан маош фактори Дибаланинг «Ювентус»дан кетишига сабаб бўлиши мумкин.
Дибала 2015 йилдан буён «Ювентус» таркибида ҳаракат қилмоқда. Погба эса 2012-2016 йиллар давомида «кекса синьора» шарафини ҳимоя қилди ва 105 млн евро эвазига «Манчестер Юнайтед»га қайтди.