24.07.2020

Англиянинг «Лестер» клуби дарвозабони Каспер Шмейхель сўнгги пайтларда жиддий танқид остида қолган «Манчестер Юнайтед» дарвозабони Давид Де Хеани ҳимоя қилди.

— Давидга ҳозир жуда қийин. Журналистларни ҳақорат қилиш ниятида эмасман, лекин сизлар бир марта ҳам дарвозага туриб кўрмагансизлар.

Сиз баъзи нарсаларни хато деб белгилайсиз ва баъзи хатоларнигина кўрасиз, холос, лекин биз доим техник вазиятларни муҳокама қилишларингни эшитамиз. Инсон ТВ орқали танқид қилиши осон.

Лекин бу танқидлар баъзида жуда хавфли вазиятларни келтириб чиқариши мумкин, мисол учун Де Хеанинг ҳозирги ҳолатидек муаммоли вазиятларни келтириб чиқаради.

Мен унга ҳамдардман, у анча йиллардан бери ажойиб ўйин намойиш этмоқда. Бундай ҳолатлар деярли барча дарвозабонларда бўлади. Бундан ташқари, Де Хеа жуда катта босим остида, чунки, «Манчестер Юнайтед»нинг асосий таркибида яхши ўйнамоқда.

Бу бизга ёқадими ёки йўқми билмадим, лекин дарвозабоннинг англиялик бўлиши катта аҳамият касб этади. Умид қиламанки «Шеффилд» таркибида ижара асосидан ажойиб мавсумни ўтказган Дин Хендерсон яхши ўйнашда давом этади.

Агар у яна икки-уч мавсумни мана руҳда давом эттирадиган бўлса, "МЮ" учун тайёр кадр бўлиб етишади. Айни пайтда Де Хеа дунёнинг энг яхши дарвозабонлардан бири, — Шмейхелнинг сўзларидан иқтибос келтирмоқда Goal.com портали.

Муҳокама

23.07.2020

Оле-Гуннар Сульшер АПЛнинг 37-туридан ўрин олган «Вест Ҳэм»га қарши (1:1) баҳсдан сўнг ўз фикрларини билдириб ўтди.

«Пенальти? Тўп соатига 100 миль тезликда келаётганида бу табиий реакция. У вазият ҳал қилувчи рол ўйнагани йўқ.

Рестартдан сўнг бор кучимизни беришимиз керак эди: киритилган ва ўтказиб юборилган голлар ўртасидаги фарқни ошириш, кўпроқ очко жамғариш. Ҳаракатларимиз ва натижаларимиз ажойиб бўлди.

Албатта, «Саутҳэмптон»ни мағлуб этишни, сўнгги сонияларда тўп ўтказмасликни хоҳлагандик. Бугун биринчи бўлимнинг сўнгги сонияларида имкониятни бой бердик. Аммо шунга қарамай,  якшанба кунги «Лестер» билан ўйин олдидан ажойиб имкониятни яратдик», – деб Сульшернинг сўзларини келтиради Manchester Evening News.

Маълумот учун, «МЮ» сўнгги тур олдидан 63 очко билан 3-ўринда бормоқда. «Лестер»га (62 очко, 5-ўрин) қарши якуний турда манкунианликларни дуранг ҳам қаноатлантиради.

Муҳокама

23.07.2020

Ҳарри Магуайр АПЛ 37-тури доирасидаги «Вест Ҳэм»га (1:1) қарши учрашув ҳақида ўз фикрларини билдирди.

«Олд Траффорд»да ғалабадан бошқа натижа бизни қониқтирмасди, аммо бугун яна очко йўқотдик. Ўйинни яхши бошладик, ҳужум қилдик, баҳс тизгини қўлимизда эди. Бироқ биз гол уришимиз керак бўлганда, рақиб битта вазиятидан пенальти ишлаб, гол уриб кетди. Гол ўтказиб юборилгач, ўз вазифамизни қийинлаштирдик. Учрашувда жуда кўп тўхталишлар бўлаётгани сабаб икки жамоа ҳам ўз ўйинини топиши қийин бўлди. 

Ўйинларимиз жадвали ғалати ва кулгули. Биз 9 кунда 4та ўйин ўтказдик. Бироқ бу гапим йўқотилган очколарга баҳона бўла олмайди. Биз чарчадик демаган бўлардим. Бу фикрга қўшилмайман. Якшанба куни бизни «Лестер»га қарши жуда муҳим ўйин кутиб турибди. Бу баҳсни интиқлик билан кутамиз», - дейди Магуайр.

Маълумот учун, «МЮ» Англия Премьер-лигаси 37-туридан кейин 63 очко билан 3-ўринга чиқиб олди. Сўнгги турда «Лестер»га қарши сафардаги ўйинда дуранг натижа ҳам Сульшер жамоасига ЕЧЛ йўлланмасини тақдим этади.

Муҳокама

22.07.2020

Неманья Матич жамоанинг ривожланиши ҳақида ўз фикрлари билан ўртоқлашди.

«Ўйлайманки, биз кундан кунга, ўйиндан ўйинга яхшиланяпмиз. Мавсум бошидаги ва ҳозирги «Манчестер Юнайтед» ўртасида катта фарқ бор. Албатта, ҳаммаси яхши томонга ўзгарди. 

Агар кучимизга яна 30 фоиз қўша олсак, Премьер-лига чемпионлиги учун курашишга тайёр бўламиз. Яқин орада ҳар қандай жамоа билан рақобатлаша оламиз, деб ўйлайман», – деб Матичнинг сўзларини келтиради Sky Sports.

«Манчестер Юнайтед» АПЛ турнир жадвалида 36та турдан сўнг 62 очко тўплаб, 5-ўринда бормоқда.

Муҳокама

21.07.2020

Англия Премьер-лигаси 37-тури доирасидаги «МЮ» - «Вест Ҳэм» ўйини олдидан меҳмонлар бош мураббийи Дэвид Мойес Манчестердаги фаолияти ва Сульшернинг ишига баҳо берди.

«Манчестер Юнайтед» — ажойиб клуб ва фаолият юритиш учун зўр жой. Шахсан мен учун бу – жаҳоннинг энг катта клуби. «Олд Траффорд» аввалги уйим, бу стадионга қайтишни интизорлик билан кутаяпман.

Сульшернинг Манчестердаги фаолиятида ҳам қийин дамлар кузатилганди. Жамоанинг натижалари яхши бўлмагани сабабли танқид қилингани ёдимда. У билан орамиздаги ягона фарқ шундаки, унга вақт ва имконият беришди, менга эса беришмаганди. Сульшернинг ютуғи у клуб истаганидек академия футболчиларига қўрқмай ишонч билдиради. «МЮ» академиясида ажойиб иқтидорлар етарлича», - дея Мойеснинг сўзларини келтирмоқда Goal.

Дэвид 2013-2014 йиллар давомида «Манчестер Юнайтед» бош мураббийи сифатида фаолият олиб борган эди.

Маълумот учун, «Манчестер Юнайтед» — «Вест Ҳэм» учрашуви 22 июль куни «Олд Траффорд» стадионида ўтказилади.

Муҳокама

19.07.2020

 Оле-Гуннар Сульшер Жозе Моуриньонинг «МЮ»нинг омади келаётгани, Лэмпарднинг эса VAR тизимининг «Юнайтед»га ён босаётганлиги ҳақидаги фикрларига жавоб қайтарди.

«Афтидан, баъзилар ўйинларимиздаги ҳакамларнинг қарорларига таъсир ўтказишга уринмоқчи. Қолганларга қараганда айнан бизга омад кўпроқ кулиб боқаётгани ҳақидаги гап-сўзларни ҳам эшитдим. Аммо келинг, ҳаммасини исбот ва фактлар асосида гапирайлик. Футболчи ўйиндан ташқари ҳолатда қолса, табиийки бу офсайд бўлади. Ҳаммаси ойдек равшан.

«Тоттенҳэм» билан ўйиннинг сўнгги дақиқаларида биздан пенальтини тортиб олишди. Шу куни биз икки очкони йўқотдик, акс ҳолда ҳозир 3-ўринда бўлардик. «Саутҳэмптон» билан ўйинда эса Ориола Ромеу Мейсун Гринвуднинг оёғини синдиришига оз қолганди. Четлатиш керак бўлган вазият эди, бироқ ҳатто кўриб чиқилмади. Акс ҳолда «Саутҳэмптон» билан эҳтимол очко йўқотмасдик. «Вест Ҳэм»га мағлуб бўлган ўйинимизда Марк Ноубл қизил карточкага лойиқ ўйнаганди, эътибор берилмади. Аслида VAR масаласида нолиш мумкин бўлса, рақибларимиз эмас, биз гапиришимиз керак» - дея Сульшернинг сўзларини келтирмоқда Sky Sports.

Маълумот учун, «МЮ» 19 июль куни ўз майдонида Англия кубоги яримфинали доирасида «Челси»га қарши майдонга тушади.

Муҳокама

18.07.2020

Фрэнк Лэмпард Англия кубоги яримфинали доирасидаги «Манчестер Юнайтед»га қарши ўйин олдидан VAR тизими ҳақида гапириб ўтди.

«Бу тизим мухлисларнинг таъсири ёки босимлари остида топ-клубларга ён босишларга чек қўяди, деб айтилганди. Шу боис VAR тизими аввалги ҳолатни ўзгартириш учун жорий қилинган эди. Бу алоҳида клубларга ён босилишини олдини олиб, энг аввало тўғри қарорлар қабул қилишга ёрдам бериши керак.

Бироқ VARда ҳам инсоний факторни чеклаб бўлмаяпти. Сабаби қарорларни барибир ўша ердаги одамлар қабул қилишади. Мисол учун, пайшанба кунги ўйин («Кристал Пэлас» - «МЮ» 0:2). Ўша баҳсда яққол вазият юз бериб, ҳакамлар томонидан нотўғри қарор қабул қилинди. Энг қизиғи буни VAR орқали ҳаттоки қайтадан кўриб чиқишмади. 

Энг ёмони шунга ўхшаш беэътибор қолдирилган вазиятлар кам учраётгани йўқ. Бу ғалати. VAR билан барчамиз тенг ҳолатда бўламиз, деб ўйлагандим. Тўғри, нимадир сенга қарши бориши мумкин, қайсидир вазиятда эса рақибга қарши. Бироқ ҳозирги вазиятдан кўринаяптики, «Манчестер Юнайтед»га озроқ ён босилаётгандек. Бу сафарги ўйинимизда VAR кўпроқ бизга ёрдам берса зўр бўларди», – дея Лэмпарднинг сўзларини келтирмоқда Goal.

Маълумот учун, «Челси» ва «МЮ» ўртасидаги Англия кубоги яримфинал учрашуви 19 июль, якшанба куни ўтказилади.

Муҳокама

17.07.2020

Давид Де Хеа АПЛ 36-тури доирасидаги «Кристал Пэлас»га (2:0) қарши ғалабали ўйинда дарвозаси дахлсизлигини сақлаб қолди.

Ушбу ўйин испаниялик дарвозабон учун «МЮ» сафидаги Англия Премьер-лигасида 112-нолга ўйналган баҳсга айланди. «Қуруқ» ўйинлар сони бўйича Де Хеа «МЮ»нинг афсонавий собиқ посбони Петер Шмейхель натижасини такрорлади.

Даниялик посбон ушбу натижага эришиш учун «Юнайтед» сафида 252та ўйин ўтказган бўлса, испаниялик голкипер учун 311та учрашув керак бўлди.

Дарвоза дахлсизлиги сақлаб қолинган ўйинлар сони бўйича 3-ўриндан Эдвин ван дер Сар жой олган бўлиб, нидерландиялик собиқ посбон 186 ўйиндан 90тасида дарвозасидан тўп ўтказиб юбормаган.

Маълумот учун, Давид Де Хеа жорий мавсумда АПЛ доирасидаги барча 36 ўйинда майдонга тушиб, жами 35та гол ўтказиб юборган. Бу борада «МЮ»дан фақатгина «Ливерпуль» яхшироқ кўрсаткич қайд этган – 29та гол.

Муҳокама

17.07.2020

Оле-Гуннар Сульшер «Челси»га қарши Англия кубоги яримфинали олдидан тузилган тақвимдан норозилигини билдирди.

«Албатта, кубок яримфинали олдидан «Челси»нинг бизга нисбатан 48 соат кўпроқ дам олиш имкониятига эга бўлиши мени хавотирга солади. Бу адолатдан эмас. 

Бироқ ҳозирда пайшанба кунги «Кристал Пэлас»га қарши ўйинимиз ҳақида кўпроқ ўйлашим керак. Келаётган икки ҳафта биз учун жуда муҳим. Бизни оғир учрашувлар кутиб турибди. Бироқ жамоамизнинг яхши спорт формасида эканлиги мени хурсанд қилади. Ишонаманки, жамоа билан мақсадларимизга етамиз.

Ўтган йил якуни билан таққослаганда вазиятимиз анча яхши. Аввалги мавсумда жароҳатлар кўп эди, қолаверса биз жисмоний жиҳатдан яхши ҳолатда эмасдик. Бироқ мавсум якунида, ўйинлар тақвими зич жойлашганда рақибинг сендан 24 ёки 48 соат кўпроқ дам олиши хавотирга сабаб бўлади», - дейди «МЮ» устози.

Маълумот учун, «МЮ» ва «Челси» ўртасидаги Англия кубоги яримфинал баҳси 19 июль куни ўтказилади. Унгача Сульшер жамоаси 16 июль куни «Кристал Пэлас»га қарши ўйинда майдонга тушади. «Челси» эса 14 июль куни «Норвич» (1:0) билан ўйинни ўтказиб, «МЮ» билан баҳс олдидан икки кун кўпроқ дам олади.

Муҳокама

17.07.2020

Бруну Фернандеш Португалия миллий жамоасидаги жамоадоши Криштиану Роналду ҳақида фикр билдирди.

«Криштиану фаолиятининг дастлабки йилларида техник жиҳатдан жаҳоннинг энг кучли футболчиларидан бири эди. Ҳозирга келиб Роналду ўйин услубини бироз ўзгартирган. Шунга қарамай исталган жамоага Роналдуга қарши ўйинда ҳимояланиш жуда қийин кечади.

Роналду - мен кўрган футболчилар орасида техникаси энг юқори футболчидир. У жаҳонда ҳам тенгсиз бўлса керак», – дейди Фернандеш.

Маълумот учун, Бруно Фернандеш сингари Роналду ҳам «Манчестер Юнайтед» сафига «Спортинг» жамоасидан келиб қўшилган.

Муҳокама

Аввалги саҳифа   |   Кейинги саҳифа