де Хеа: Ҳали узоқ вақт ўйнаш ниятим бор
16.07.2020
Давид де Хеа жамоа сафида ҳали узоқ вақт ўйнаш нияти борлигини маълум қилди. Эслатиб ўтамиз, испаниялик посбон 13 июль куни «МЮ» сафида 400-учрашувни ўтказди.
«Клуб сафида 400та ўйинда майдонга тушганим билан фахрланаман. «Манчестер Юнайтед»ниг бир бўлаги бўлиш — бу ақлбовар қилмас ҳолат. Мен учун бу юксак натижа. Умид қиламан, жамоа сафида яна 400та ўйин ўтказаман ва бу клуб сафидаги ҳар бир кундан завқ оламан
Ҳар бир ўйинда «Манчестер Юнайтед» футболкасини кийиш ҳамиша менга завқ беради. Бу ерда эканимдан хурсандман. Бу жамоа шарафини ҳали узоқ йиллар ҳимоя қилмоқчиман», — деди де Хеа «қизил иблислар» расмий сайтига берган интервьюсида.
Сульшер: «МЮ» ўз услубида мағлуб бўлди
15.07.2020
Сульшер АПЛ 35-тури доирасидаги «Саутҳемптон»га (2:2) қарши ўйиндан кейин ўз таассуротлари билан ўртоқлашди.
«Гол ўтказиб юбориш учун энг ёмон вақтда тўп дарвозамиздан ўрин олди. Биз охирги стандарт вазиятга қадар яхши ҳимояланган эдик. Бу гол кайфиятимизни туширган бўлса-да, нима ҳам дердик, бу футбол. Биз шундай вазиятларда сўнгги дақиқаларда кўп голларни урганмиз, бу ҳолат бизга таниш. Шундай экан, ўз услубимизда мағлуб бўлдик. Бу ҳам жамоага дарс бўлади. Эҳтимол, футболчилар ғалаба чўнтагимизда деб ўйлашгандир, бироқ биз ғалабага ҳақли эмасдик. «Саутҳемптон» — катта ҳажмдаги ишни бажара оладиган меҳнаткаш жамоа.
Биз чарчадик деб айта олмайман. Бу кун имкониятлардан фойдаланилмаган кун сифатида ёдда қолади. Де Хеа ҳам қийин вазиятда қутқарди.
Гринвуднинг оёғига зарба берилган вазиятда унинг ўрнида бўлганимда менинг оёғим бунга дош бера олмасди. VAR ҳақида гапиришни истамайман, биз бу ҳақда кўп гапирдик», — дея Сульшернинг сўзларини келтирмоқда BBC.
«Манчестер Юнайтед» 59 очко билан АПЛ турнир жадвалида 5-ўринда қолди. Ундан олдинги ўринларда «Челси» (60) ва «Лестер» (59) бормоқда.
«МЮ» 6 нафар футболчисини трансферга қўяди!?
15.07.2020
«Юнайтед» ёзги трансфер ойнасида бир қатор футболчилари билан хайрлашишни режалаштирган, дея ёзмоқда The Telegraf.
Клуб жамоанинг асосий таркибидаги ўрнини йўқотган Жесси Лингард, Фил Жонс, Диогу Далот, Маркус Рохо сингари футболчилар бўйича бошқа жамоаларнинг таклифларини кўриб чиқишга тайёр. Шунингдек, Италия клубларида ижара асосида тўп сураётган Алексис Санчес ва Кри Смоллинг ҳам трансферга қўйилади. Манчестер клуби ушбу ўйинчилар борасида улар тўп сураётган Милан ва Рим клублари билан музокарани қайтадан бошлашга тайёр.
Сульшер «МЮ» раҳбариятига бу футболчиларни трансферга қўйилишига қарши эмаслигини билдирган. Клуб ижрочи директори Эд Вудворд 6 нафар футболчининг сотуви орқали ёзги трансферларда «МЮ» молиявий имкониятини яхшиламоқчи.
Олдинроқ, «МЮ» Чемпионлар лигасига йўлланма олса «Боруссия» вингери Жейдон Санчони ўз сафига қўшиб олмоқчи эканлиги ҳақида хабар берилганди. Немис клуби Санчони 100 миллион евродан камга сотмоқчи эмас.
Рэшфорд — «ПСЖ»нинг асосий трансфер мақсади
15.07.2020
Маркус Рэшфорд Франциянинг амалдаги чемпиони «Пари Сен-Жермен»нинг асосий трансфер мақсадига айланди, дея ёзмоқда The Independent.
Манбанинг хабар беришича, 22 ёшли ҳужумчини «ПСЖ» бош мураббийи Томас Тухель ўз жамоаси сафида кўришни истамоқда. Клуб раҳбарияти ҳам ушбу трансферга қизиқиш билдирган. Париж клуби Килиан Мбаппе Мадриднинг «Реал» клубига ўтишни истаган тақдирда, франциялик голеадор ўрнига айнан англиялик тўпурарни таклиф этишни кўзламоқда. «ПСЖ» «МЮ» Рэшфордни камида 100 миллион фунтга баҳолашига қарамай, Маркусни ўз сафига қўшиб олишга тайёр.
Рэшфорднинг «МЮ» билан амалдаги шартномаси 2023 йилгача имзоланган бўлиб, келишувда шартномани яна бир йилга узайтириш банди ҳам қўшилган.
Маълумот учун, англиялик 22 ёшли ҳужумчи АПЛ жорий мавсумида 28 ўйинда майдонга тушиб, 16та гол ва 7та голли узатмага муаллифлик қилган.
Сульшер: Фернандеш жамоавий ўйинчи
14.07.2020
Оле-Гуннар Сульшер манкунианликлар ярим ҳимоячиси Бруну Фернандеш ҳақида фикр билдириб ўтди.
- Бруну АПЛда июнь ойида «Ой ўйинчиси» ва «Ой голи» совринларини қўлга киритди. У ҳақида олдин айтилмаган, нима дейишингиз мумкин?
- Кўп нарса айтилган. У клубга келиши билан бирданига «МЮ»га таъсирини ўтказди, бироқ у жамоавий ўйинчи. Бруну жамоага ўйнайди, шерикларига имконият яратади, 100% куч билан майдонда курашади ва «МЮ» футболчиси қилиши керак бўлган ишни бажаради. Бошида у жамоа ҳақида ўйлайди, кейин эса ўз ўйинини. Мен унинг ушбу шахсий совринларини кейинги мавсум ЕЧЛга чиқиш йўлида жамоавий совринларга айлантиради.
- Нима деб ўйлайсиз, унинг маҳорати жамоавий ишда йўқолиб қолмоқдами? Менимча, барча бир-бири учун тинимсиз меҳнат қилмоқда.
- Бу бизнинг топшириқлари билан боғлиқ. Бизнинг жамоа машғулотларда ажойиб ишларни амалга оширмоқда. Футболчилар машғулотлардан, ўйиндан лаззат олишмоқда. Погба ўтган ҳафта нафақат эркин футбол, балки оғир меҳнат ҳам бизнинг яхши ўйинимиз сабаби эканлигини айтган эди. Марсьяль 9 рақам жойида ўйнамоқда, лекин у Рэшфорд ва Гринвуд билан тенгма-тенг тўп учун курашмоқда.
Тинимсиз меҳнат қилиш керак, самимий бўлиб қолиб ҳар қандай якка совринлардан кўра, жамоани устун қўйиш лозим. Ҳеч ким бир ўзи ғалаба қозонмайди, агар сен Марадона бўлмасанг албатта, - дейди Сульшер.
Нани: Қандай вақтлар эди!
14.07.2020
Нани «МЮ»да бирга тўп сурган пайтида Криштиану Роналдунинг унга бўлган таъсири ҳақида фикр билдириб ўтди.
«Менинг агентим Жорже Мендеш менга ўтишим мумкин бўлган клублар рўйхатини ёзиб берди ва «Менимча, бу сен танлашинг мумкин бўлган энг зўр жамоа» деди. Кейин менга «Манчестер Юнайтед»ни кўрсатди.
Бошида мен меҳмонхонага жойлашишим керак эди, бироқ Жорже : «Криштиануникида қоладиган бўлсанг, қарши эмасмисан?» деб сўради. Жорже унинг ҳам агенти ва Криштиану бир ўзи яшар эди. Шу билан «МЮ»га яқинда ўтган Андерсон билан унинг уйига жойлашдик.
Қандай вақтлар эди! Биз она тилида гаплашиб, жуда ҳам қувноқ яшар эдик. Криштиануда бассейн, пинг-понг учун стол, теннис корти бор эди ва биз ҳар куни мусобақалашар эдик.
Бир куни биз сэр Алекснинг ёрдамчиси билан викторина ўтказдик. Мен жавоб бердим, Криштиану ҳам жавоб берди, бироқ меники тўғри эди. Биласизми, мураббий нима қилди? У Криштианунинг тўғри жавоб бериши учун жавобни ўзгартирди (кулиб).
Криштиану билан ҳар доим шундай бўлган. У ҳеч қачон мағлубиятни қабул қила олмаган. Ҳеч қачон! Кейинчалик буни бизга ҳам ўргатди, ундан кўп нарса ўрганганмиз. Андерсон билан унинг уйини тарк этганимизда, бизнинг ҳам мағлубиятларга аллергиямиз пайдо бўлди!», - дейди Нани.
Нани ва Роналду 2007 йилдан 2009 йилгача биргаликда ўйнаган.
Сульшер: Бирорта совринни қўлга киритмадик
13.07.2020
Уле-Гуннар Сульшер жамоасининг сўнгги ютуқлари борасида ўз фикрини билдирди.
«Жамоани мақташяпти, аммо биз ҳали бирорта совринни қўлга киритмадик. Ривожланишда давом этиб, ҳеч бўлмаса битта мусобақада ғолиб чиқишга ҳаракат қилишмиз керак. Барчасини тўғри бажаришда давом этсак, биз ҳақиқатан ҳам муваффақиятли жамоага айланамиз», - деди Сульшер.
«МЮ» бугун «Саутгемптон»га қарши майдонга чиқади. Манкунианликлар ғалаба қозонишса, жадвалда 3-ўринга кўтарилиб олишади.
Санчо «Юнайтед»га ўтадими!?
11.07.2020
Дортмунднинг «Боруссия» клуби ҳужумкор яримҳимоячиси Жейдон Санчо «Манчестер Юнайтед» клубига ўтишга яқин, дея ёзмоқда Express.de.
Манбанинг хабар беришича, немис клуби ҳозирги молиявий ҳолатини яхшилаш учун «Манчестер Юнайтед» билан бир тўхтамга келишга тайёр. Дортмунд клуби раҳбарияти коронавирус пандемияси сабабли 45 миллион евро зарар кўрганлиги сабабли янги мавсум олдидан маблағга эҳтиёжлик сезади.
Санчонинг «Боруссия» билан амалдаги шартномаси 2022 йилгача белгиланган. Англиялик футболчининг ўзи ҳам Премьер-лигада тўп суриш учун Бундеслига клубини тарк этмоқчи.
Маълумот учун, Санчо жорий мавсумда жами 44 ўйинда 20та гол ва 20та голли узатмага муаллифлик қилган.
Европа лигаси 19/20 чоракфиналига қуръа ташланди
10.07.2020
Швейцариядаги УЕФА штаб-квартирасида Европа лигаси чорак финал ҳамда яримфинал баҳслари учун қуръа ташланди.
Унга кўра, жамоалар чорак финал ва яримфиналдаги бўлажак рақибларини билиб олишди. Барча жуфтликлар билан танишинг:
Чоракфинал жуфтликлари: 10-11 август
1. «Вольфсбург» / «Шахтёр» – «Айнтрахт» / «Базель»
2. ЛАСК / «Манчестер Юнайтед» – «Истамбул» / «Копенгаген»
3. «Интер» / «Хетафе» – «Байер» / «Рейнжерс»
4. «Вулверҳэмптон» / «Олимпиакос» – «Севилья» / «Рома»
Ярим финал жуфтликлари: 16-17 август
1. 4-чорак финал ғолиби – 2-чорак финал ғолибига қарши
2. 3-чорак финал ғолиби – 1-чорак финал ғолибига қарши
Финал. 21 август. Кельн, Германия.
Фернандеш ойнинг энг яхши футболчиси
10.07.2020
Бруну Фернандеш Англия Премьер-лигасининг июнь ойидаги энг яхши футболчиси деб топилди.
Португалиялик футболчи Англияга келиб, кетма-кет иккинчи марта ой лауреатига айланди. Бруно ўтган ойда Премьер-лига баҳсларида 3та голга муаллифлик қилган.
Соврин учун Фернандешдан ташқари:
- Антони Марсьяль («Манчестер Юнайтед»),
- Конор Коуди («Вулверҳэмптон»),
- Рауль Хименес («Вулверҳэмптон»),
- Аллан Сен-Максимен («Ньюкасл») ва Дэнни Ингз («Саутҳемптон») даъвогарлик қилганди.
25 ёшли португалиялик футболчи карантинга қадар февраль ойида ҳам ой лауреатига айланганди. Бунгача фақатгина 6 футболчи – Муҳаммад Салоҳ, Жейми Варди, Ҳарри Кейн, Криштиану Роналду, Деннис Бергкамп ва Робби Фаулер ушбу совринни кетма-кет икки марта қўлга киритган.