Сульшер: Матич қолганидан хурсандман
10.07.2020
Норвегиялик мутахассис тажрибали ярим ҳимоячини ўз сафида сақлаб қолганидан хурсанд.
Оле-Гуннар Сульшер ярим ҳимоячи Неманья Матич билан шартномани узайтириш ҳақида фикр билдириб ўтди.
"Неманья клубда қолишни истаётганидан хурсандман. Йиллар давомида Матич ўзининг тажрибасини ҳисобга олган ҳолда, у биз учун қанчалик муҳимлигини кўрсатди. Шундай экан, мен бунга эришганимиздан жуда хурсандман", - деди Сульшер Юнайтеднинг расмий сайтида.
Эслатиб ўтамиз, серб футболчиси 2023-йилгача "қизил иблислар" сафида тўп суради.
Петер Шмейхелни ортда қолдирган Де Хеа
10.07.2020
Давид Де Хеа ўйинлари сони бўйича хорижлик футболчилар орасида клуб рекордчисига айланди.
АПЛ 34-тури доирасидаги «Астон Вилла» билан баҳс голкипер учун «Юнайтед» сафидаги 399-ўйинга айланди. Бу борада Давид жамоанинг афсонавий дарвозабони Петер Шмейхелни ортда қолдирди.
Де Хеа «Манчестер Юнайтед»га 2011 йилнинг ёзида ўтган эди. Ўшанда манчестерликлар 20 ёшли дарвозабон учун «Атлетико»га 25 миллион евро трансфер пули тўлаган.
Маълумот учун, Де Хеа жорий мавсумда АПЛ доирасида «МЮ» сафида 33 ўйинда майдонга тушиб, ўз дарвозасидан 33та гол ўтказиб юборган. Футболчининг амалдаги шартномаси 2023 йилгача амал қилади.
Погба яна «Реал» нишонида
08.07.2020
Мадриднинг «Реал» клуби асосий эътиборини яна «Манчестер Юнайтед» яримҳимоячиси Поль Погбага қаратган, дея хабар бермоқда Daily Mail.
Олдинроқ, «Реал» Франциянинг «Ренн» клуби 17 ёшли яримҳимоячиси Эдуардо Камавингани ўз сафига қўшиб олиш ҳаракатини бошлагани ҳақида хабар тарқалганди. Бироқ «қироллик клуби» бу футболчи учун катта маблағ сарфламоқчи эмаслиги туфайли музокаралар тўхтаган. Манбанинг маълум қилишича, Зинеддин Зидан ёзги трансфер ойнасидаги асосий мақсади сифатида Поль Погбани Мадридга таклиф этишни кўрмоқда. Клуб мавсум якунида Погба борасида «МЮ»га таклиф билан чиқишни режалаштирган.
Погбанинг Манчестер клуби билан амалдаги шартномаси 2021 йилгача имзоланган. Бироқ клуб франциялик яримҳимоячини ўз сафида қолдириш йўлларини изламоқда.
08.07.2020
Люк Шоу жамоадаги футболчиларнинг кайфияти ва клубдаги ички муҳит ҳақида гапирди.
«Сўнгги йилларда ўйинимиз ва натижаларимиз яхши бўлмади. Аввалги йилларда ўйинимиз ҳозиргидек чиқмаганди. Бугунга келиб жуда кўп нарса ижобий томонга ўзгарди. Ўзимизга бўлган ишонч ҳеч қачон ҳозиргидек юқори бўлмаган. Машғулотда ҳам, ўйинда ҳам ҳамма футболчилар катта ишонч билан ҳаракат қилишмоқда. 2014 йил клубга келган бўлсам бугунгидек бахтиёр, ўзимизга бўлган ишонч ҳозиргидек юқори бўлмаганди.
Бурилиш нуқтаси? Менимча, сафарда «Борнмут»га учраган мағлубиятимиз (1:0) бўлди. Ўшанда керакли ўйин ва натижага эриша олмагандик. Бош мураббий катта ҳажмдаги ишларни бажарди. Бруно Фернандеш сафга қўшилгач, қолаверса жароҳат олганлар таркибга қайтгач, жамоа ўзига ишона бошлади.
Машғулотларимиз қувноқ, яхши кайфиятда ўтмоқда. Ҳар бир ўйин ва машғулотларда жамоа завқланиб ҳаракат қилаётгани сезилаяпти. Фикримча, муваффақиятли жамоага айланиш учун бу муҳим эди. Барчамиз мақсадимиз сари бирга ҳаракат қилаяпмиз, ўйлайманки мавсум охирида ниятимизга етамиз», - дея Люк Шоунинг сўзларини келтирмоқда MEN.
Маълумот учун, «МЮ» сўнгги учрашувда «Борнмут» устидан 5:2 ҳисобида зафар қучиб, мағлубиятсиз ўйинлари сериясини 16та ўйинга етказди.
«Юнайтед» Погбанинг маошини оширишга тайёр
07.07.2020
«Юнайтед» раҳбарияти жамоа яримҳимоячиси Поль Погба билан хайрлашмоқчи эмас. Клуб франциялик футболчи билан шартнома узайтирмоқчи, дея ёзмоқда Manchester Evening News.
Погбанинг амалдаги шартномаси 2021 йилнинг 30 июнь кунигача имзоланган бўлиб, келишувда шартномани яна бир йилги узайтириш банди ҳам киритилган.
Шунга қарамай, «Юнайтед» раҳбарияти Погба келажагини ҳам Манчестерда кўриши учун унга янги шартнома таклиф қилиб, ҳафталик 300 минг фунт миқдорида маош беришга тайёр. Ҳозирда клубда фақатгина Давид Де Хеа шунча маош олади.
Олдинроқ, Погбанинг «МЮ»ни тарк этиб «Реал» ёки «Ювентус»га ўтишни истаётганлиги ва бу клублар ҳам таклиф билан чиқишга тайёрлиги ҳақида хабарлар тарқалганди.
Маълумот учун, Сульшер мураббийлигидаги «МЮ» охирги 11 ўйиндан 9тасида ғалабага эришди. Жамоа АПЛда 55 очко билан 5-ўринда бормоқда.
«Боруссия» ультиматум қўйди!?
07.07.2020
Дортмунднинг «Боруссия» клуби яримҳимоячиси Жейдон Санчо трансфер ойнасида жамоасини тарк этиши мумкин.
Bild нашрининг ёзишича, 20 ёшли англиялик футболчи учун энг асосий даъвогар клуб сифатида «Манчестер Юнайтед» қолмоқда.
«Боруссия» инглиз жамоаси олдига ультиматум қўйди: «Юнайтед» Санчони таклиф этишни истаса, клуб 10 август кунига қадар бу трансферни амалга ошириши лозим. Акс ҳолда футболчининг трансфери масаласи ёпилади», дейилади манбада.
Олдинроқ, немис клуби Жейдон Санчони 120 миллион евро трансфер пули эвазига қўйиб юбориши мумкинлиги ҳақида хабарлар тарқалганди.
Немис нашрининг қайд этишича, «МЮ» Санчо трансфери бўйича иш бошламаганлигининг сабаби, клуб мавсум якунига қадар ўз футболчиси Мейсон Гринвуднинг ҳаракатларини кузатмоқчи. У юқори савияда ўйнашда давом этса, Санчо трансфери масаласи ўз актуаллигини йўқотади.
Матич янги шартнома имзолади!
06.07.2020
Неманья Матич билан янги шартнома тузилганлигини эълон қилди.
Сербиялик 31 ёшли яримҳимоячи Манчестер клуби билан 2023 йилнинг июнь ойига қадар мўлжалланган шартнома имзолаган.
«Буюк клубдаги фаолиятимни давом эттиришдан бахтиёрман. Футболчи сифатида бу жамоага ҳали кўп нарса бера олишимга, шу билан бирга бу клуб билан кўп нарсага эриша олишимга ишонаман. «Манчестер Юнайтед» сафида тўп суриш катта фахр. Бизда ёшлик ва тажриба уйғунлаша олган яхши жамоа йиғилган. Мавсумни юқори суръатда якунлаш ва мухлисларимиз ўз жамоалари билан фахрланишлари учун курашишда давом этамиз», - дейди Матич.
Маълумот учун, Неманья «Манчестер Юнайтед» сафига 2017 йилда «Челси»дан келиб қўшилганди. Сербиялик футболчи бугунги кунгача клубда 114 ўйинда майдонга тушган.
Хуан Мата «Фенербахче»га ўтадими!?
06.07.2020
Хуан Мата мавсум якунлангач, «Фенербахче» клубига ўтиши кутилмоқда, дея ёзади Туркиянинг Sansursuz Futbol нашри.
Манбанинг ёзишича, «Фенербахче» испаниялик тажрибали яримҳимоячи билан музокара ўтказмоқда. Туркия клуби асосан захирада қолаётган яримҳимоячини «МЮ» ўз сафида олиб қолмаслигига ишонмоқда.
Хуаннинг Манчестер клуби билан амалдаги шартномаси 2021 йилгача белгиланган. Шу боис «Фенербахче» клуби Мата учун трансфер пули тўлашига тўғри келади.
Маълумот учун, 32 ёшли яримҳимоячи жорий мавсумда жами 34 ўйинда майдонга тушиб, 3та гол ва 5та голли узатмага муаллифлик қилган.
Скоулз: Тезкор марказий ҳимоячи зарур
05.07.2020
Пол Скоулз жамоанинг Премьер-лига чемпионлиги учун курашишида нима етишмаслигини айтиб ўтди.
«Ҳозирча «Манчестер Юнайтед» «Ливерпуль» билан чемпионлик учун курашиш даражасидан пастроқда. «Манчестер Сити» эса ҳозирги ҳолатида ҳам кейинги мавсум курашга қўшила олиши мумкин.
Янги мавсум олдидан «Ливерпуль» ва «Юнайтед» ўртасидаги фарқ жуда катта бўлмайди. Олдинроқ, биз клуб аввалги ҳолатини қайтариши учун 4-5 нафар топ-футболчиларни чақириши лозимлиги ҳақида гапиргандик. Ҳозирга келиб эса вазият яхшиланган, аммо жамоага яна 2-3 нафар кучли футболчилар керак. Айниқса, голеадор ҳужумчи ва Магуайрнинг ёнига тезкор марказий ҳимоячи зарур.
Магуайр ўйинни назорат қила олади, аммо у олдинроқ тўп сурганида қарши ҳужумларда қайта олишига тезлиги панд бериши мумкин. Линделёф эса рақиблар ҳайиқадиган ҳимоячи эмас. Магуайрнинг ёнида етакчилик қобилияти бор бўлган, Рио Фердинанд ёки Яп Стам сингари ҳужумчиларни қўрқита оладиган ҳимоячи бўлса «Юнайтед» жиддий мақсадлар учун кураша олади», - дея Скоулзнинг сўзларини келтирмоқда Goal.com.
«МЮ» триоси голлар сони бўйича олдинда
04.07.2020
Англия Премьер-лигаси 33-тури доирасидаги «МЮ» «Борнмут» (5:2) учрашувида манчестерликлар ҳужум чизиғи - Маркус Рэшфорд, Антони Марсьяль ва Мэйсон Гринвуд учлиги 4та голга муаллифлик қилишди.
Ушбу голлар билан «МЮ» ҳужум учлигининг жорий мавсумдаги жами голлари сони 55тага етди ва бу натижа билан улар 51та гол киритган «Ливерпуль» триоси Садьо Мане, Муҳаммад Салоҳ ва Роберто Фирминодан ўзиб кетишди.
Англия Премьер-лигасидаги голлар сони бўйича эса «Ливерпуль» триосининг голлари сони 40тани ташкил этаётган бўлса, «МЮ»да бу кўрсаткич 38та голни ташкил этади.