Фелан: «МЮ» Роналдуни жамоавий ўйинчига айлантирган
30.04.2020
Ўз вақтида «МЮ»да сэр Алекс Фергюсонга, ҳозир эса Оле-Гуннар Сульшерга ёрдамчилик қилаётган мураббий Майк Фелан «Ювентус» ҳужумчиси Криштиану Роналдунинг манкунианликлар сафидаги ўйинлари ҳақида эслади.
«Роналду ажралиб турарди. У «МЮ» мураббийларидан кўп маслаҳат сўрарди, кўпроқ нарса талаб қиларди.
Биз Криштиануни жамоавий ўйинчига айлантиришимиз керак эди. Натижада, ҳаммаси яхши бўлди. Биз у истамаган айрим машқларни ҳам бажаришга мажбур қилдик.
«Юнайтед»даги муваффақият, сўнг «Реал»га ўтиш… Унинг «Реал»даги ўйинларини томоша қилганимда, у «МЮ»да ўрганган баъзи нарсаларни кўрдим. У ўрганганларини такомиллаштиришда давом этди. Буни кўриш жуда яхши.
Мен Роналдуни яратдик, деб даъво қилмайман. Унга кўп одамлар таъсир кўрсатган. Аммо асосий гап унинг ўзида. У ғайратли эди», – деб Феланнинг сўзларини келтиради Goal.
Гиггз: «МЮ»ни тарк этишга яқин эдим
30.04.2020
Райан Гиггз фаолияти давомида манкунианликлар сафини тарк этишга яқин келган пайтларини эслади.
«Футболчи доим янги чақирувларни излайди. Ҳар мавсум бошида янги мақсадлар борлигини билардим: АПЛ ғолиблигини қўлга киритиш, чемпионликни ҳимоя қилиш, Чемпионлар Лигасига йўлланмага эга бўлиш.
Дэвид Бекҳэм 2003 йил ёзида жамоани тарк этганида, менинг «Интер»га кетишим ҳақида хабарлар тарқалди.
Аввалги мавсумни яхши бошламагандим, аммо якунда ҳаммаси жойида эди. 2002/2003 йилги мавсумдан сўнг орамиздан бир футболчи жамоани тарк этиши ҳақида гаплар пайдо бўлди. Натижада Дэвид «Реал»га йўл олди. Аслида ўшанда клубни тарк этишга ҳар қачонгидан ҳам яқинроқ эдим.
Аммо ҳеч қачон кетишни истамаганман. Ҳар йили менда мотивация бор эди, мен ўзим ўйнашни ёқтирган жамоанинг бир қисми эдим», – деб Гиггзнинг сўзларини келтиради Sky Sports.
«Юнайтед» Поль Погбани сотиб юборишга мажбур!?
08.07.2019
«Манчестер Юнайтед» Поль Погбани сотиб юборишга мажбур бўлмоқда, деб ёзади Marca.
Нашрнинг хабар топишича, франциялик хавбек бош мураббий Оле-Гуннар Сульшер ва клуб раҳбариятига жамоадан кетмоқчилигини айтган.
Аввалига трансферга қаршилик қилиб, юқори нарх белгилаган «Юнайтед» эндиликда Погбадан унга ўринбосар топиш учун вақт беришни ва клубнинг Австралиядаги йиғинида қатнашишини сўраган.
«МЮ»дагилар Поль ўрнига «Лацио» яримҳимоячиси Сергей Милинкович-Савич номзодини кўриб чиқишяпти. Рим клуби 24 ёшли сербиялик учун 120 млн евро талаб қилаётгани ҳақида хабарлар бор. Бу нарх эса манкунианликларга тўғри келмайди.
Эслатиб ўтамиз, аввалроқ Погбага асосий даъвогарлардан бири «Реал» харидни пайсалга солишни истамаётгани ва уни тез орада сотиб олишни режа қилгани ҳақида хабар берилган эди.
Андер Эррера жамоадан кетиши аниқ
14.05.2019
2014 йилдан буён «МЮ»да ўйнаб келаётган Андер Эррера мавсум якунида жамоадан кетиши аниқ бўлди. Бу ҳақда клуб расман эълон қилди. 29 ёшли Эррера 2014 йилда Бильбаонинг «Атлетик» клубидан 36 миллион фунт эвазига «МЮ»га ўтганди. Бу вақт давомида 4 та соврин ютган Эррера «МЮ» 3 та совринни қўлга киритган 2016/17 йилги мавсумда жамоасининг энг яхши футболчиси деб топилган.
«Бу ерда ўйнай бошлаган вақтимдаёқ юрагимда қизил ранг порлаганини сезганман. Қизил либосни кийганимда бу жамоанинг футболчилари майдонда борини беришини англадим. Мухлислар менинг исмимни айтишганда такрорланмас туйғуни танамда ҳис қилдим.
Мухлислар мени бу ажойиб тарихнинг бир қисми сифатида қабул қилишганидан бошим осмонга етди. Бу жамоа сафида майдонга тушган ҳар бир ўйинимда, майдон четида турган ўйинларимда ҳам «Манчестер Юнайтед» номи кўп нарсани англатишини ҳис қилдим. Ажойиб 5 йил учун раҳмат»,- деди Эррера клуб билан хайрлашув нутқида.
Даррен Флетчер клуб техник директори!?
14.05.2019
Даррен Флетчер клуб техник директори лавозимини эгаллаши мумкин.
Sky Sports хабарига кўра, шотланлиялик мутахассис билан музокаралар ўтказилган ва у ҳозирда мазкур лавозим учун энг асосий номзод сифатида кўрилмоқда.
Маълумот учун, 35 ёшли Флетчер 2003-2015 йилларда «МЮ» таркибида ўйнаб, 350га яқин учрашувларда майдонга тушган.
Аввалроқ манкунианликлар техник директор постига Рио Фердинанд ва Пол Митчелл («РБ Лейпциг») номзодларини ҳам ўрганиб чиқишаётгани маълум қилинган эди.
Погба фаолиятини «Реал»да давом эттиради!?
04.05.2019
Поль Погба фаолиятини «Реал»да давом эттиришга яқин.
AS`нинг ёзишича, 26 ёшли хавбек «қаймоқранглилар» билан имзоланажак битим шартларини келишиб олган. Унга кўра, Поль Мадридда йилига 12 млн евро маош олади. Бу – унинг Манчестердаги маошидан 2 млн еврога кўпроқ.
Бундан аввал Погбанинг айнан молиявий талаблари унинг трансферига тўсиқ бўлаётгани хабар қилинган эди.
Маълумот учун, «қизил иблислар» ҳужумчи Алексис Санчесга айнан шунча – йилига 12 млн евро тўлашади, «Реал» эса энг кўп маош олувчи футболчиси Гарет Бэйлга 15 млн евро иш ҳақи белгилаган. «Қироллик клуби» сардори Серхио Рамос эса йилига 11,8 млн евро маош олади.
Эслатиб ўтамиз, аввалроқ инглиз нашрларида Погбанинг агенти Мино Райола «Манчестер Юнайтед» вакиллари билан белгиланган учрашувни бекор қилгани ёзилган эди. Мазкур учрашувда футболчи билан шартномани узайтириш масаласи муҳокама қилиниши керак эди.
Таъкидланишича, Манчестерга келганидан буён клубнинг муваффақият қозона олмаётгани Погбанинг хафсаласини пир бўлган. У фаолиятини «Реал»да давом эттиришни истаётганини раҳбариятга маълум қилиб улгурган.
Кеча эса франциялик юлдуз манкунианликлар билан ёзги мавсумолди саёҳатига бориш учун талаб қилинадиган Хитой визасини расмийлаштиришни истамагани маълум бўлганди.
«МЮ» 120 млн еврога дарвозабон олмоқчи
04.05.2019
«Манчестер Юнайтед» ёзда «Атлетико»дан дарвозабон Ян Облакни 120 млн еврога сотиб олмоқчи, деб хабар тарқатди ESPN.
Хабарда айтилишича, «қизил иблислар» раҳбарияти охирги ўйинларда тез-тез хатога йўл қўяётган Давид де Хеага нисбатан ишончни йўқотган ва Облак учун таклиф миқдорини 20 млн еврога ошириб, 120 миллионга етказган. Бу билан манкунианликлар мадридликларга Облак учун жиддий даъвогар эканликларини маълум қилишган.
Агар трансфер ушбу суммада амалга ошса, у ҳолда 26 ёшли словениялик посбон футбол тарихидаги энг қимматбаҳо дарвозабонга айланади. Ҳозирда ушбу мақом «Челси» кипери Кепа Арризабалагага тегишли, у ўтган йили ёзда «Атлетик»дан 80 млн еврога сотиб олинганди.
Ян «матрасчилар» билан апрель ойи ўртасида янги шартнома имзолаб, ҳамкорлик муддатини 2023 йил ёзигача узайтирган эди. Де Хеа эса «МЮ» билан янги битим тузиш масаласида келиша олмаяпти.
Маълумот учун, бу мавсум Де Хеа 45та ўйинда 60та гол ўтказди, Облак эса 44 учрашувда 34 марта дарвозасидан тўп олиб чиқди.
04.05.2019
Оле-Гуннар Сульшер жамоа дарвозабони Давид де Хеа ҳақида илиқ фикрлар билдирди.
«Давид – зўр дарвозабон. У руҳан бардошли ўйинчи. Охирги бир неча ҳафта мобайнида газеталарда у ҳақида кўп ёзишди, шундай бўлиши ҳам табиий.
Давид менинг олдимда, клубимиз мухлислари қаршисида ўзини кўрсатишга қатъий жазм этган. Биз уни қўллаб-қувватлаймиз.
Де Хеа – жаҳондаги энг яхши дарвозабонлардан бири, мен учун эса – энг яхшиси», – деган Сульшернинг сўзларини келтирмоқда Sky Sports
Маълумот учун, 28 ёшли посбоннинг манкунианликлар билан амалдаги битими кейинги мавсум охиригача мўлжалланган. Аввалроқ «ПСЖ» унинг учун ёзда 60 млн евро тўламоқчи экани, Давидга эса йилига 24 млн евро маош беришга тайёрлиги хабар қилинганди.
Поль Погба ёзда бошқа клубга ўтмоқчи!?
28.04.2019
«Манчестер Юнайтед» яримҳимоячиси Поль Погба ёзда бошқа клубга ўтмоқчи.
L’Équipe тарқатган хабарга кўра, 26 ёшли француз «МЮ»даги жамоадошларига клубдан кетишни истаётгани ҳақида айтган.
Погба «қизил иблислар» билан шартномаси муддати тугашига икки йил вақт бор. Клуб ҳозирча у билан келишувни узайтириш учун ҳаракат бошламаган.
Матбуотда Полга «Реал» жиддий қизиқаётгани ҳақида хабар бериб келинади. Сўнгги хабарларда унинг «Реал»га ўтишига жиддий тўсиқлар борлиги айтилганди.
As хабарига кўра, мадридликлар клубида бу трансфердан воз кечиш учун уч жиҳат бор – «МЮ»нинг футболчини таркибда олиб қолиш хоҳиши, француз футболчисининг маоши ва унинг агенти Мино Райола талаб қиладиган йирик миқдордаги комиссия пули.
Қайд этилишича, Погбанинг йиллик маеоши миқдори солиқлар чиқариб ташланган ҳолатда 17 миллион еврони ташкил этади. Агар мадридликлар клуби ҳам унга шунча миқдорда маош тўлайдиган бўлса, у «Реал»нинг энг кўп маош олувчи футболчисига айланади.
Бу ҳолда эса клубнинг фахрий футболчилари, жумладан айни вақтда клубнинг энг кўп миқдорда маош олувчи футболчиси ва сардори Серхио Рамоснинг норозилигига сабаб бўлиши мумкин. Қолаверса, кўп вақтдан буён «Реал» ва Райола ўртасида таранг вазият сақланиб келмоқда.
«МЮ» Лукакунинг трансфер нархини белгилади
28.04.2019
«Манчестер Юнайтед» ҳужумчи Ромелу Лукаку бўйича таклифларни кўриб чиқишга тайёр, деб хабар бермоқда Daily Mirror.
Нашр манбасига кўра, клубдагилар 25 ёшли бельгиялик учун 75 млн фунт нарх белгилашган. Унга асосий талабгорлар сифатида «Ювентус» ва «Интер» клублари тилга олинмоқда.
Хусусан, «нерадзурри» уни Мауро Икардига ўринбосар сифатида кўряпти. Миланликлар ёзда Антонио Контени бош мураббий этиб тайинлашмоқчи, ушбу мураббий Лукакунинг салоҳиятига юқори баҳо бериши айтилмоқда.
Қайд этилишича, «Интер» учун Ромелуга у сўраётган миқдорда – йилига 10 млн евро маош тўлаш масаласи муаммо туғдирмоқда.
Маълумот учун, 9-рақам эгаси «МЮ» таркибида бу мавсум 42та ўйинда майдонга тушди ва 15+4 маҳсулдорлик натижасини қайд этди. Унинг амалдаги шартномаси 2022 йил ёзигача мўлжалланган.