Матич: Мен Оле қолиши тарафдориман
19.03.2019
Неманя Матич жамоасининг мағлубиятига изоҳ бериб ўтди.
«Биз қайси жабҳада хатога йўл қўйганизимини текширамиз. Мураббий вазиятни ўзгартириб юборишига ишонаман.
Мен Оле қолиши тарафдориман. У ажойиб мураббий ва доим хушчақчақ. Кўрамиз, танаффусдан сўнг нималар бўлар экан. «МЮ»да яқин ҳамма терма жамоага чақирилган.
Топ-4 – бизнинг асосий мақсадимиз, биз максимум тарзда ҳаракат қилишимиз лозим ва бундай имкониятни қўлдан чиқармаслигимиз керак.АПЛда бор йўғи 8 та ўйин қолди ва биз топ-4 да қолиш учун курашмоқчимиз. Шунингдек, чемпионлар лигасида ҳам муносиб ўйнашимиз керак.
«Челси», «Арсенал» ва «Тоттенхэм» жойида қотиб қолмайди улар ҳам ҳар бир очко учун қон ютишади.Буни ҳамма тушуниб турибди. Икки ой олдин «Челси»дан 11 очко ортда бориб турган эдик. Ҳозир бўлса бизнинг позиямиз анча яхшиланди. Бизни саккизта финал кутиб турибди», - дейди Матич.
Гарет Бейл кетадиган вақти бўлмадими?
16.03.2019
Гарет Бейл сўнгги йилларда ўз имкониятларининг ярмини ҳам кўрсата олмаяпти. Унга жароҳатлар ва ўзи учун бегона бўлган позицияда ўйнагани тўсқинлик қилишда давом этмоқда.
Футболчининг «Реал Мадрид»даги келажаги яна савол остида қолмоқда?! Зизу ўз услубида ишлашни давом этса, Бейл катта эҳтимол билан яна заҳирадан ўйинга қўшулувчи футболчига айланади. Футболчининг келажаги учун янги лойиҳаларни кўриб чиқиш зарар қилмаган бўлар эди.
Гарет ҳали футбол оламида ўз сўзини тўлиқ айтганича йўқ. Ўз вақтида «Манчестер Юнайтед» таклифини рад этиб Испанияга йўл олган футболчи ортга қайтиш ҳақида ҳозирда жиддий ўйламоқда.
Унинг АПЛга қайтиши чемпионатнинг янада завқлироқ кўриниш олишини таъминлаган бўлар эди. Гарет ҳаракат қиладиган ҳужумкор ўнг қанот ҳозирда «қизил иблис»ларнинг энг ожиз нуқталаридан бири бўлиб турибди. Унинг келиши кучайиб бораётган «Манчестер Юнайтед»нинг яна грандлар сафига қайтишини таъминлаган бўлар эди.
Умуман олганда «Реал Мадрид» унинг учун талаб қилган суммани Инглиз клуби катта қийинчиликсиз етказиши аниқ. Ташқаридан қараганда «Манчестер Юнайтед» ҳамма учун қулай вариантдек кўринмоқда!
Сульшер: «Барса»га муаммо ярата оламиз
16.03.2019
Оле-Гуннар Сульшер ЕЧЛ чорак финалидаги рақиби - «Барселона»га қарши ўйинлар ҳақида фикр билдирди.
«Биз йирик клублар, кучли жамолар билан ўйнашни истаймиз. Биз «Барселона» билан 2009 ва 2011 йилларда ЕЧЛ финалларида ўйнаганмиз. Шунингдек, 2008 йилги яримфиналда, Скоулз гол урган ўйинда ҳам ўйнаганмиз. Мухлисларимиз айнан шундай ўйинларни истайдилар. «Барселона»га қарши ўйинларни сабрсизлик билан кутамиз.
99 фоиз мураббийлар жавоб ўйинини сафарда ўтказишни истаса керак. Уйда керакли натижага эриша олсак, сафарда исталган рақибга мауммо ярата оламиз. Худди Парижда бўлгани каби», - дейди Сульшер.
«МЮ» 10 апрель куни «Барселона» билан «Олд Траффорд»да ўйнайди. Жавоб ўйини 16 апрель куни «Камп Ноу»да бўлиб ўтади.
«Арсенал» Валенсияга асосий даъвогар
16.03.2019
«Манчестер Юнайтед» ҳимоячиси Антонио Валенсия ёзда эркин агент сифатида жамоани тарк этади. Daily Star хабарига кўра, «Арсенал» 33 ёшли эквадорлик учун асосий даъвогар бўлиб турибди.
Қайд этилишича, «тўпчилар»дан ташқари Валенсиянинг хизматларига «Вест Ҳэм» ва «Интер» клублари ҳам қизиқиш билдирмоқда.
Эслатиб ўтамиз, Антонио 2009 йилдан буён манкунианликлар шарафини ҳимоя қилиб келади. У клуб сафида икки марта Англия чемпиони бўлиб, Европа Лигасида ғолиб чиққан. Ҳимоячи жорий мавсумда клубнинг 8 учрашувида майдонга тушди.
«МЮ» Сульшер шартномаcини кечиктирди
15.03.2019
«Манчестер Юнайтед» клуби Уле-Гуннар Сульшерни доимий равишда бош мураббий қилиб тайинлашни кечиктирди.
Daily Mail хабарига кўра, «МЮ» раҳбарияти мавсум якунлангунга қадар бу масалага қайтмайди.
Аввалроқ, «қизил иблислар» Сульшерга халқаро ўйинлар танаффусида янги шартнома таклиф қилмоқчи экани ҳақида хабарлар тарқалган эди.
Эслатиб ўтамиз, Сульшер декабрь ойида «Манчестер Юнайтед»га вақтинчалик бош мураббий қилиб тайинланган эди. Унинг шартномаси мавсум охирига қадар амал қилади.
ЕЧЛ: Чорак ва ярим финал ҳақида
15.03.2019
Европа чемпионлар лигасида чорак финалга чиққан 8 жамоанинг номи аниқ бўлди. Аввалги йиллардан фарқли равишда УЕФА бу сафар чорак финал ва ярим финал босқичига қуръани бирданига ташлашга қарор қилди. Қуръа жараёни ҳақидаги фойдали маълумотларни эътиборингизга ҳавола қиламиз.
Чорак финалчилар:
«Аякс»;
«Манчестер Юнайтед»;
«Порту»;
«Тоттенхэм»;
«Ювентус»;
«Манчестер Сити»;
«Барселона»;
«Ливерпуль»;
Қачон ва қаерда?
Чорак финал ва ярим финалга қуръа ташлаш маросими 15 март, жума куни УЕФА қароргоҳи жойлашган Швейцариянинг Ньон шаҳрида бўлиб ўтади. Маросим Тошкент вақти билан 16:00да бошланади.
Қуръа механизми:
— Қуръадан аввал жамоалар саватчаларга ажратилмайди.
— Бир мамлакат вакиллари ўзаро тўқнаш келиши мумкин.
— Чорак финал қуръасидан кейин ярим финалга ҳам дарҳол қуръа ташланади.
— Финалда номинал мезбон номини аниқлаш учун ҳам қуръа ташланади.
Қаерда томоша қилиш мумкин?
Қуръа маросимини Futbol TV, Матч ТВ ва Матч Футбол-1 каналларини орқали томоша қилиш мумкин.
Қолган ўйинлар тақвими:
9/10 апрель: чорак финал, дастлабки ўйинлар
16/17 апрель: чорак финал, жавоб ўйинлари
30 апрель/1 май: ярим финал, дастлабки ўйинлар
7/8 май: ярим финал, жавоб ўйинлари
1 июнь: Финал - «Метрополитано» стадиони, Мадрид
Погба бошқа клубга ўтиш истагида эмас
15.03.2019
Поль Погба бошқа клубга ўтиш истагида эмас. Бу ҳақида франциялик футболчи «қизил иблислар» нинг вақтинчалик бош мураббийи Оле-Гуннар Сульшерга айтган.
Погба жамоанинг собиқ бош мураббийи Жозе Моуриньо билан муносабатлари ёмон бўлганида у «Манчестер Юнайтед» клубини тарк этмоқчи эди. Португалиялик мутахассис бўшатилганидан кейин футболчи ўз фикрини ўзгартирди.
Польнинг «Манчестер Юнайтед» клуби билан амалдаги шартномаси 2021 йилнинг 30 июнь санасигача амал қилади ва яна бир йилга узайтириш имконияти ҳам мавжуд.
Аввалги маълумотларга кўра, Погбанинг трансфери билан туриннинг «Ювентус» клуби қизиқаётган эди.
Адриен Рабио «Юнайтед»да!?
15.03.2019
«ПСЖ» яримҳимоячиси Адриен Рабио ёзда эркин агентга айланади ва у фаолиятини «Манчестер Юнайтед»да давом эттириши мумкин.
The Sun хабарига кўра, Англия клуби франциялик футболчига ҳафтасига 235 минг фунт маош беришга тайёр. Рабьо «ПСЖ» раҳбариятидан айнан шу миқдорда маош сўраган, аммо рад жавобини олган.
Аввалроқ бу футболчига «Ливерпуль», «Тоттенҳэм», «Арсенал», «Манчестер Сити», «Челси» ва «Барселона» клублари қизиқаётгани хабар қилинган эди.
Илк ўйин «Сити» сабаб Англияга кўчирилди
15.03.2019
ЕЧЛ ¼ финали қуръасига ўзгариш киритилди. «Манчестер Юнайтед» ва «Барселона» ўртасидаги дастлабки ўйин мезбони ўзгарди.
Қуръага кўра «Барселона» биринчи ўйинни ўз уйида ўтказиши керак эди, жавоб баҳси эса Манчестерда ўтиши лозим эди.
Бироқ «Манчестер Сити»нинг тақвими «МЮ»ники билан бир хил бўлиб қолгани сабаб, «қизил иблислар»нинг мезбонлиги алмаштирилди. «Манчестер Сити» ўтган мавсум миллий чемпионат турнир жадвалида ҳамшаҳаридан олдинги ўринни эгаллагани учун унинг қуръаси ўзгаришсиз қолдирилди.
Шу тариқа, «Манчестер Юнайтед» – «Барселона» жуфтлигидаги илк ўйин Англияда бўлади, жавоб баҳси эса «Камп Ноу»да.
Шмейхел: «Камп Ноу» чакки жой эмас
15.03.2019
УЕФА Чемпионлар Лигаси чорак финалига қуръа ташланди. Кўпчилик «Барселона» - «Манчестер Юнайтед» жуфтлигини чорак финалнинг марказий қарама-қаршилиги деб эътироф этмоқда. Бу ҳақда футболчилар қандай фикрда?
«МЮ»нинг собиқ футболчиси, клуб билан 1999 йилги Чемпионлар Лигаси ғолиби бўлган дарвозабон Петер Шмейхель ижтимоий тармоқдаги саҳифасида бу ҳақда пост қолдирди:
«Барселона «МЮ» учун чакки жой эмас»,- деб ёзди даниялик посбон ўзининг твиттердаги саҳифасида. Шмейхель бу билан 1999 йилги Чемпионлар Лигаси финалига ишора қилди. Ўшанда «МЮ» қўшимча дақиқаларда супер камбэк қилган ва «Бавария»ни 2:1 ҳисобида мағлуб этганди. 1999 йилги афсонавий финал ўйини эса айнан Барселонадаги «Камп Ноу» стадионида ўтказилган.