«МЮ» рақиби «Барселона»
15.03.2019
Ҳозиргина Швейцариянинг Ньон шаҳрида УЕФА Чемпионлар Лигаси 2018/19 мавсумининг чорак финалига қуръа ташлаш маросими ўтказилди. Унга кўра қуйидаги жуфтликлар ярим финал учун кураш олиб боришади.
«Аякс» – «Ювентус»
«Ливерпуль» – «Порту»
«Тоттенҳэм» – «Манчестер Сити»
«МЮ» – «Барселона»
Чорак финал ўйинлари 9-10 ҳамда 16-17 апрель кунлари ўтказилади.
Биссака «Юнайтед» қизиқиш доирасида
14.03.2019
«Кристал Пелаc» ҳимоячиси Аарон Уан-Биссака «Манчестер Юнайтед»нинг қизиқиш доирасида.
«Даилй Маил» хабарига кўра, 21 ёшли футболчи Лондон клуби томонидан 45 миллион еврога баҳоланмоқда.
Уан Биссака лигадаги энг иқтидорли ҳимоячилар қаторига киради ва кўплаб ТОП клубларни ўзига қаратган. «МЮ» Антонио Валенсияга ўрбосар қидирмоқда, у ёзда жамоани тарк этиши мумкун.
Уан-Биссака Премер-лигада иккинчи мавсумини ўтказмоқда. Ҳозирда у 27 та ўйинда майдога тушиб, иккита голли узатмани амалга оширди.
УЕФА Неймарга қарши!?
14.03.2019
УЕФА «ПСЖ» клуби ҳужумчиси Неймарга нисбатан тартиб-интизом ишини очди. Бунга сабаб бразилиялик футболчининг Европа чемпионлар лигаси 1/8 финал «Манчестер Юнайтед» жамоасига қарши ўйинда айтган гаплари бўлди.
Франция жамоаси меҳмонларнинг сўнгги дақиқаларда пенальтидан киритилган гол эвазига чемпионлар лигасидан чиқиб кетди. Дамир Скомина VAR тизими ёрдамида тўп Кимпембенинг қўлига текканлигини аниқлаб 11 метрлик жарима тўпини белгилади.
Неймар ушбу ўйинни жароҳати туфайли ўтказиб юборди. Ўйин якунланганидан кейин инстаграмдаги саҳифасига бош ҳакамни португал тилида кескин танқид қилиб мурожаат йўллаган.
Регламентга кўра, футболчини «ҳақорат қилиш ёки асосий қоидаларни бузишга олиб келадиган ҳаракатни амалга ошириш» учун 1 та ўйиндан 3 та ўйингача бўлган муддатда дисквалификация қилиши мумкин.
Санчес «Барселона»га таклиф қилинди
14.03.2019
«Юнайтед» ҳужумчиси Алексис Санчес хизмати «Барселона»га таклиф қилинди.
Аввалроқ, инглиз матбуоти чилилик футболчининг «қизил иблислар» таркибидан кетишни истаётгани ҳақида ёзган эди.
Mundo Deportivo хабарига кўра, «Барселона» Санчесни орқага қайтариш ҳақидаги таклифни қабул қилмаган.
Эслатиб ўтамиз, Санчес 2011-2014 йилларда «Барселона» шарафини ҳимоя қилган ва 141та ўйинда майдонга тушиб, 47та гол урган. Футболчи каталонияликлар таркибида Испания чемпионати, Кубоги ва Суперкубогида, шунингдек клублар ўртасидаги жаҳон чемпионатида ғалаба қозонган. Унинг «Манчестер Юнайтед» билан имзолаган шартномаси 2022 йилгача мўлжалланган.
ЕЧЛ: Қуръа ҳақида нималарни биламиз?
14.03.2019
13 март оқшомида Европа Чемпионлар Лигасининг бу йилги мусобақаларидаги сўнгги икки чорак финалчи ҳам аниқланди. Табиийки, барча мухлисларни кейинги масала, чорак финал қуръаси қизиқтиради.
Чорак финал қуръаси эртага, 15 март куни УЕФАнинг Ньондаги штаб-квартирасида бўлиб ўтади. Тадбир Тошкент вақти билан соат 17:00да бошланади.
Маълумки, чорак финалда Англиянинг тўрт жамоаси – «Манчестер Сити», «Ливерпуль», «Тоттенҳэм» ва «Манчестер Юнайтед», шунингдек, Италиянинг «Ювентус», Испаниянинг «Барселона», Португалиянинг «Порту» ҳамда Нидерландиянинг «Аякс» жамоалари иштирок этади.
Чорак финалдан ҳеч қандай чекловлар йўқ, яъни, бир мамлакат клублари ҳам, гуруҳ босқичида бирга бўлган жамоалар ҳам энди рақиб бўлишлари мумкин. Демак, чорак финалда «Ювентус» – «Манчестер Юнайтед» ёки худди ўтган йилдаги каби, «Манчестер Сити» – «Ливерпуль» жуфтликларини ҳам учратишимиз эҳтимоли бор.
Яна бир жиҳатни эътироф этиш керакки, бу йилдан ярим финал учун алоҳида қуръа ташланмайди. Чорак финал жуфтликлари аниқлангач, ярим финал сеткаси ҳам маълум бўлади, яъни, чорак финалдаги қайси жуфтлик ғолибига қайси жуфтлик ғолиби дуч келиши олдиндан маълум бўлади. Ҳатто, финал ўйинида қайси жуфтликлардан чиққан жамоа расмий мезбон, ким меҳмон бўлиши ҳам эртага аниқ бўлади.
Эслатиб ўтамиз, финал ўйини 1 июнь куни Мадридда, «Атлетико» уй ўйинларини ўтказадиган «Ваньда Метрополитано» стадионида ўтказилади.
Чорак финалда эса, 9-10 апрель кунлари дастлабки учрашувлар, 16-17 апрель кунлари жавоб учрашувлари белгиланган. Ярим финал 30 апрель-1 май ва 7-8 май кунларига мўлжалланган.
Яна шуни қўшимча қилиш мумкинки, Европа Лигаси чорак ва ярим финал жуфтликлари ҳам худди ЕЧЛдаги каби шаклда аниқланади ва бу турнир қуръаси ҳам эртага, 15 март куни бўлиб ўтади.
Эртага ўтказиладиган қуръани Eurosport1, Матч ТВ, Матч Футбол1 ҳамда Футбол ТВ каналларида жонли кузатиш мумкин.
Хуан Мата: Тез орада қайтаман
13.03.2019
Хуан Мата ўтган ҳафтанинг натижаларини сарҳисоб қилди ва у тез орада ўз жамоасига ёрдам бериши мумкинлигини маълум қилди.
«Яна бир ҳафта ўйнаш имкониятим йўқ. - Лекин оптимизм учун сабаблар бор: жума куни мен майдонда яна машқ қилдим ва тикланишим режа асосида кетмоқда. Умид қиламанки, яқинда жамоага қўшиламан» деб ёзди Хуан ўзининг ҳафталик блогида.
Мен ҳам уйда «Эмиратес»даги ўйинни томоша қилдим. Ачинарли мағлубият, лекин бунга эътибор берманг. Ўйлайманки, биз ушбу ўйинда кўпроғига лойиқ эдик. Ҳа, улар ўйинни биздан кўра жадалроқ бошладилар ва ўйин бошида устунлик қилдилар, аммо ҳақиқат шундаки, биз голли имкониятларни амалга ошира олмадик. Иккинчи бўлимда биз ҳисобни тенглаштириш имкониятини топишга ҳаракат қилдик, аммо пеналти бизнинг вазифамизни жиддий мураккаблаштирди».
«Биз яхши жамоага қарши ўйнаганимизни унутмаслигимиз керак, аммо мен 2:0 ҳисобида мағлубиятдан кўра кўпроғига лойиқ деб ўйлайман».
«Ўтган ҳафтанинг муҳокамасини якунлаш учун Париждаги ўйинни эсламасдан илож йўқ. Нима бўлганини сўзлар билан ифодалаш жуда қийин. Бу биз учун тарихий кеча эди. Бу сеҳрли кеча яна бир бор «Манчестер Юнайтед»нинг буюклигини намойиш этди ва у шубҳасиз эсда қолади. Чорак финалда ўйнашни орзиқиб кутамиз.
Луи Ван Гаал фаолиятини якунлади
12.03.2019
Машҳур голландиялик мутахассис Луи Ван Гаал мураббийликка қайтмаслигини айтди.
«Мураббийликни тўхтатаман. Хотиним 22 йил бурун менга бутун дунё бўйлаб ҳамроҳлик қилиш мақсадида ишдан қолган эди. Мен унга 55 ёшда нафақага чиқишимни айтдим. Ҳозир 65 ёшга кирдим. Бошқа ишлай олмайман.
Хотиним ҳам мен билан бирга яшаш ҳуқуқига эга. Ҳозир у жуда бахтиёр», – деб Ван Гаал сўзларини келтирмоқда AS.
Мутахассис фаолияти давомида «Аякс», «Барселона», Голландия терма жамоаси, «АЗ Алкмаар», «Бавария» ва «Манчестер Юнайтед»ни бошқарган. У 2016 йил ёзидан бери ишсиз юрибди.
«Юнайтед» Санчесни ижарага беришга тайёр
12.03.2019
Ҳужумчи Алексис Санчес Сулшернинг режаларидан ташқарида ва «Манчестер Юнайтед»ни келгуси ёзда тарк этиши мумкин.
Агар Сулшернинг доимий шартномаси ҳақида шубҳа бўлмаса, у ҳолда Санчеснинг келажаги сўроқ остида. Алексиснинг «Юнайтед»даги фаолияти бутунлай муваффақиятсизликка учрайди.
30 ёшли чилилик «Олд Траффорд» учун катта юк бўлмоқда, чунки Алексиснинг ҳафталик иш ҳақи бонусларни ҳисобга олган ҳолда 500 минг фунтга етиши мумкин. Бу янги келганлар ва мавжуд бўлган футболчилар билан шартнома тузиш учун тўсиқинлик қилоқда.
«The Sun» эксклюзив материалида хабар берганидек, Сулшер ўз жамоасида Санчесни сақламоқчи эмас. «Юнайтед» астрономик иш ҳақи оладиган футболчи учун харидор топа олмасликларини яхши билишади, шунинг учун улар Алексисни ижарага бериш вариантини кўриб чиқоқда.
«Қизил иблислар» «Барселона» нинг собиқ футболчисини ижараси бошқа клубларни қизиқтиришга умид қилмоқда.
Агар Санчес Манчестердан ташқарида ўз фаолиятини қайта тиклашга муваффақ бўлса, Алексисдан қутулиш анча осон бўлади.
«МЮ» Сульшер билан шартнома имзолайди
12.03.2019
«Манчестер Юнайтед» раҳбарияти бош мураббий Уле-Гуннер Сульшер билан халқаро ўйинлар танаффусида янги шартнома имзолашни режалаштирмоқда.
Mirror хабарига кўра, раҳбарият норвегиялик мутахассис ишидан мамнун ва янги меҳнат битимини имзолаш учун мавсум якунланишини кутиб ўтирмоқчи эмас.
Аввалроқ, Сульшернинг маоши йилига 8,7 миллион еврони ташкил қилиши ва бу Моуриньо маошидан икки баробар паст экани ҳақида хабарлар тарқалган эди.
Айни пайтда «Манчестер Юнайтед» АПЛ жадвалида 58 очко билан 5-ўринни эгаллаб турибди.
«Арсенал» Смоллингдан узр сўради
11.03.2019
«Арсенал» клуби Англия чемпионати 30-тури доирасида «Манчестер Юнайтед»га қарши ўйинда (2:0) юзага келган воқеа юзасидан Крис Смоллингдан узр сўради.
Лондонликларнинг иккинчи голидан сўнг мухлис майдонга югуриб чиққан ва гол нишонлаётган футболчилар томонга кетаётган пайтда «МЮ» футболчисини туртиб юборган.
Ишқибоз полиция томонидан хибсга олинган. Катта эҳтимол билан уни бутун умрга стадионга кириш ҳуқуқидан махрум қилишади.
«Мухлиснинг бу ҳаракатини қаттиққўлик билан жазолаймиз. Биз Крис ва «МЮ»дан узр сўраган бўлардик. Бу одам хибсга олинганидан хурсандмиз.
Биз полиция билан яқиндан ҳамкорлик қиламиз. Бу ишқибозга «Арсенал»нинг уй ва сафар ўйинларига кириш таъқиқланади», –дейилади «Арсенал» расмий баёнотида.