24 соатлик муҳлат
14.06.2017
«Манчестер Юнайтед» «Реал»га Альваро Моратанинг трансфери бўйича таклиф жўнатди. Бу ҳақда футболчининг агенти Хуанма Лопес маълум қилган.
«Манчестер Юнайтед» – жозибадор клуб. Бу биз учун жуда қизиқарли вариант. «Реал»га жуда муҳим таклиф келиб тушди, энди бир қарорга келиш керак. Мен бундан ортиқ гап айта олмайман.
Айтишим мумкинки, бу вақтгача «Реал» Мората бўйича «Милан» билан музокра олиб борган, аммо уларнинг таклифи қониқарли бўлмаганди», – дея агентнинг сўзларини келтирган Sky Sports.
Cadena SER манбаси берган маълумотга кўра эса, «Манчестер Юнайтед» Мората учун 80 миллион евро таклиф этмоқда ва 24 соат ичида жавоб берилишини кутмоқда. Манчестерликлар 24 соат ичида ушбу трансферни ҳал қилишни истамоқда.
Бундан аввалги хабарларда, «Манчестер Юнайтед» жамоаси бош мураббийи Жозе Моуриньо Альваро Мората билан телефон орқали гаплашгани ва уни ўз жамоасига келишга кўндиргани ҳақида айтилганди.
Якунланган мавсумда 24 ёшли Мората Испания чемпионатининг 26 учрашувида иштирок этиб, 15 гол урган.
Папастатопулос «Юнайтед» га келадими?
13.06.2017
«Манчестер Юнайтед» клуби Дортмунднинг «Боруссия» клуби ҳимоячиси Сократис Папастатопулос хизматлариги қизиқиш билдиришмоқда.
Bild нашрининг хабарига кўра, «қизил иблислар» грециялик футболчини янги мавсумда ўз таркибларида кўриш истагини билдиришган.
Лекин «МЮ» ҳозирча «Боруссия»га расмий таклиф юбормади. Маълум бўлишича, футболчининг нархи 28 миллион еврога тенглаштирилмоқда.
Маълумот учун, Папастатопулос ортда қолган мавсум Бундеслигада 26 учрашувда майдонга тушиб, 2 та тўп киритган.
Руни жамоада қоладими?
13.06.2017
Бир йилдан сўнг эркин агентга айланиши мумкин бўлган «Манчестер Юнайтед» клуби ҳужумчиси Уэйн Руни мунтазам ўйин амалиётига йўқлигига қарамай, «Олд Траффорд»да имкониятини кўриб чиқмоқда.
Хабар қилинишича, 31 ёшли футболчида бошқа клублардан таклифлар кўп эмас.
Руни Хитойда ўйнашни хоҳламайди, унинг собиқ жамоаси «Эвертон» ҳафтасига 250 минг фунт маош тўлашга қодир эмас.
Айни дамда Руни «МЮ»да қолишни ниятида бўлиб турибди. Клуб саккиз ойга сафдан чиққан ҳужумчи Златан Иброҳимович билан шартномани узайтирмагани унга қўл келиши мумкин.
Ўтган мавсумда Руни Англия чемпионатининг 25та баҳсида 5та гол ҳамда шунча голли узатмага муаллифлик қилган.
Marca: Янузай Испанияда!?
12.06.2017
Аднан Янузай фаолиятини Испанияда давом эттириши мумкин. Marca берган маълумотга кўра, «Реал Сосьедад» 22 ёшли футболчига қизиқиш билдирмоқда.
Манкунианликлар футболчининг трансфери учун 8-12 млн фунт сўрамоқда. «Реал Сосьедад» эса бельгиялик футболчи учун 5 млн евро бермоқчи.
Янузай ўтган мавсумни ижара асосида «Сандерленд»да ўтказиб, 25та ўйинда 3та голли узатмага муаллифлик қилди.
Футболчининг «МЮ» билан амалдаги шартномаси 2018 йилнинг ёзига қадар белгиланган.
Моуриньо: Муҳим футболчига айланасан
12.06.2017
Жозе Моуриньо «Реал» ҳужумчиси Альваро Мората билан телефон орқали гаплашган ва уни ўз жамоасига чақирган. Бу ҳақда Marca нашри хабар ёзди.
«Менга кел, сен бу ерда муҳим футболчига айланасан», — деган Моуриньо Моратага телефон орқали.
Мураббий футболчига ундан қандай фойдаланмоқчилиги ҳақида гапирган. Моуриньо жамоасида Моратага марказий ҳужум чизиғини ишониб топширмоқчи. У Мората бу жамоада футболчи сифатида янада ўсишини айтган.
Шу билан бирга португалиялик мутахассис «Манчестер Юнайтед» энди кучайиши ва рақиблар учун жиддий хавф туғдира бошлашини ваъда қилган. Моуриньо олдиндаги мавсумда жамоа Премьер-лига чемпиони бўлишни мақсад қилгани, Чемпионлар лигасида узоқроққа бормоқчилиги ҳақида маълум қилган.
Бундан аввалроқ 12 июнь куни 24 ёшли футболчи Англияга йўл олиши ва «МЮ» билан 5 йиллик шартнома имзолаши ҳақида хабарлар берилганди. Манчестерликлар ушбу испан учун Мадрид жамоасига 73 млн евро тўлашга рози бўлган. Шунингдек, Моратанинг ўзи ушбу клубни танлагани айтилган. У бу жамоада доимий ўйин амалиётига эга бўлиш орқали Испания терма жамоасига чақирув олиб, 2018 йилги жаҳон чемпионатида иштирок этишни мақсад қилган.
Линделеф «Юнайтед» да
12.06.2017
«Манчестер Юнайтед» расман «Бенфика» билан ҳимоячи Виктор Линделеф трансфери борасида келишувга эришганини тасдиқлади.
«Футболчи тиббий кўрикдан ўтиб, ишлаш учун расмий рухсатнома олиши ва ўзаро шартнома бандларини келишиб олиши зарур»,- де яхабар бермоқда «Манчестер Юнайтед» расмий сайти.
Жамоа ушбу трансфер юзасидан кейинчалик батафсил хабар беришини айтиб ўтган.
Мората «Юнайтед»да!?
09.06.2017
«Реал» ҳужумчиси Альваро Мората «Манчестер Юнайтед»га ўтишга розилик берган.
The Telegraph тарқатган хабарга кўра, 24 ёшли футболчи инглизлар жамоаси билан узоқ муддатли шартнома тузиш борасида келишиб олган. Бу ҳужумчи Антуан Гризманнинг трансфери барбод бўлгач, «Манчестер Юнайтед»нинг асосий мақсадига айланганди. У марказий ҳужумда Златан Ибраҳимовичнинг ўрнини эгаллаши кўзда тутилган.
«Манчестер Юнайтед» ҳозирча «Реал» билан трансфер борасида келишмаган. Мадридликлар аввалроқ манчестерликларнинг 52,3 миллион фунтлик таклифни рад этган ва унинг баҳоси 90 миллион эканини маълум қилганди. Энди «Манчестер Юнайтед» 60 миллион фунт таклиф қилмоқчи.
Бундан аввалроқ Альваро Мората «агар «Реал»дан кетса, жиннидан фарқи қолмаслиги» ҳақида гапирганди.
«Мен футбол ўйнамоқчиман, ўйин амалиётига эга бўлишим керак. Чунки кейинги йилда жаҳон чемпионати ўтказилади. Асосий таркибдаги ўрним учун курашишим лозим.
«Реал»ни тарк этмайман, агар бу ишни қилсам, жиннидан фарқим қолмайди.
Италияга қайтиш? Буни тасаввур қила олмайман. Тўғри у ерда орттирган тажрибам мен учун жуда қимматли бўлди. Аммо, Италияда мен учун ягона клуб - «Ювентус»дир» - дея ўзининг «МЮ» ёки «Милан»га ўтиши мумкинлиги ҳақидаги хабарларга муносабат билдирганди Мората.
Наингголан «Юнайтед»га ўтадими?
08.06.2017
«Рома» клуби Муҳаммад Салоҳни «Ливерпуль»га сота олмаса, у ҳолда Ража Наингголанни «Манчестер Юнайтед»га трансфер қилади, дея хабар қилмоқда Football Italia нашри.
Айтилишича, молиявий фэйр-плей қоидаларига мувофиқ римликлар 30 июнгача 30 млн евро даромад қилишлари керак.
«Ливерпуль» Салоҳ учун 32 млн евро ва қўшимча бонус пулларини таклиф қилмоқда, бироқ «Рома» футболчи учун 40 млн сўрамоқда. Агар ушбу келишув амалга ошмайдиган бўлса, римликлар Наингголанни 40 млн евро эвазига «МЮ»га сотишлари мумкин.
Белгиялик футболчининг ўзи «Рома» билан янги келишув имзолашни ва йиллик маоши 1 млндан 4,8 млн еврога оширилишини кутмоқда.
Мората учун 69 млн. евро
08.06.2017
«Манчестер Юнайтед» клуби ҳали ҳамон «Реал» жамоаси ҳужумчиси Альваро Моратани қўлга киритиш ғоясидан қайтмаяпти.
Хабарларга қараганда, «қизил иблислар» 24 ёшли иқтидорли ҳужумчи учун 69 миллион евро беришга рози бўлишган.
Сал аввал «Реал» раҳбарияти 60 млн евролик «МЮ»дан келган биринчи таклифга рад жавобини беришганди. Ўшанда «Қироллик клуб» футболчиси учун 90 млн евро талаб қилганди.
Англияликлар «Реал» нинг Мората учун сўраётган пулларни камайтиришига ишонишмоқда.
Моуриньо: «Реал» га қарши ўйнаш шараф
07.06.2017
«Манчестер Юнайтед» бош мураббийи Жозе Моуриньо «Реал» га қарши бўлиб ўтадиган Европа Суперкубоги учрашувидан мамнун.
Манкунианлар Европа лигаси ғолиби ҳисобланишади, испан гранди эса Чемпионлар лигаси.
««Реал» га қарши ўйнаш «Манчестер Юнайтед» учун шараф. Европанинг энг яхши жамоасига қарши тўп тепиш ҳар қандай клуб учун қувонарли ҳол. Чемпионлар лигасида иштирок этиш кўпчилик футболчиларимиз учун яхши тажриба бўлади. «Манчестер Юнайтед» нинг мавсумолди йиғини қизиқарли бўлади, биз «Барселона» ва «Манчестер Сити» билан ўйнаймиз», - дейди Моуриньо.