Оле: Яхшироқ ўйнашимизни кутмоқдаман
24.10.2021
Оле-Гуннар Сульшер Англия Премьер-лигаси 9-тури доирасидаги «Ливерпуль»га қарши беллашув олдидан ўз фикрларини билдириб ўтди.
«Менинг ўзим ҳам ўтган турдагидан яхшироқ ўйнашимизни кутмоқдаман. Эдинсон Кавани ва Криштиану Роналду жарима майдони ичидаги футбол бўйича дунёнинг энг кучлилари қаторидалар. Бу даражадаги футболчилар кучидан фойдалана олиш имконияти ўзгача ҳаяжонда қолдиради.
Ҳозир барча муаммо балансни ушлай олишимизда. Мисол учун, майдондан кенг миқёсда фойдалана олишимиз муҳим. Сабаби, бизда ажойиб вингерлар ва яхши марказий ҳужумчилар бор», - деди норвегиялик мутахассис.
Эслатиб ўтамиз, «қизил иблислар»нинг ливерпулликларга қарши баҳси 24 октябр, Тошкент вақти билан 20:30да старт олади.
Роналду: Жамоани биринчи ўринга қўяман
23.10.2021
Криштиану Роналду ёзда манкунианликларда бўлган ўзгаришлар ҳақида гапирди.
«Манчестер Юнайтед» бир неча ўзгаришларга қўл урган давр келди: клуб мени, Варан ва Санчони сотиб олди. Мослашиш учун бироз вақт керак бўлади.
Ҳатто жамоада ишлаётган тизимга кўникиш керак. Менимча, қадам-бақадам ҳаракат қилиб, ҳамма нарсага эришиш мумкинлигини тушуниб етишимиз керак.
Фақат шахсий ютуқлар ҳақида гапирмаяпман. Жамоани биринчи ўринга қўяман. Шу орқали индивидуал совринларни қўлга киритиш осонлашади», — дея Роналдунинг сўзларини келтиради Sky Sports.
Маълумот ўрнида, 36 ёшли португал «МЮ»га қайтгач, АПЛда 5та ўйинда 3та гол урди.
Оуэн: Учрашувни сабрсизлик билан кутяпман
23.10.2021
Инглиз футболи афсоналаридан бири ҳисобланадиган Майкл Оуэн АПЛ 9-туридан ўрин олган «Манчестер Юнайтед» - «Ливерпуль» беллашуви ҳақида гапириб ўтди.
«Ливерпуль» 2:1 ҳисобида ғалаба қозонади. Учрашувни сабрсизлик билан кутяпман. «МЮ» бир ҳафта аввал «Лестер»га қарши беллашувда бироз ранжитди. Яхши вазиятлар ярата олишди, лекин ҳимояда...
«Лестер» осонлик билан прессинг қилиб, рақибдан тўпни олиб қўйишга эришди. «Қизил иблислар» ҳаддан ташқари очиқ футбол ўйнади. Сульшер жамоадаги балансни ушлай билиши керак.
Гап «Ливерпуль» ҳақида кетганда Муҳаммад Салоҳни эътироф этишдан бошлаш керак. Албатта, у айни дамда дунёнинг энг кучли футболчиси. Ўтган ҳафтада жуда ажойиб гол уришга муваффақ бўлди. Ушбу мавсум Салоҳни тўхтатиб қолиш имконсиз ва бу «МЮ» ҳимоячилари учун катта чақириқ.
«Манчестер Юнайтед» ўтган ҳафтадагидан яхшироқ ўйнаши аниқ. Лекин фикримча, «Ливерпуль» ғалаба қозонса керак», - деди Оуэн.
«Манчестер Юнайтед» - «Ливерпуль» беллашуви 24 октябр Тошкент вақти билан 20:30да старт олади.
Фернандеш: Сульшерга ишонамиз
23.10.2021
Бруну Фернандеш УЕФА Чемпионлар Лигаси доирасидаги «Аталанта»га қарши бўлиб ўтган баҳсдан сўнг (3:2), бош мураббий манзилига қилинаётган танқидларга жавоб берди.
«Албатта, уни қўллаб-қувватлаймиз, у бизнинг мураббийимиз. Жамоа билан ҳар куни у учун ишлаймиз ва ривожланишга ҳаракат қиламиз. Биз унинг ғоялари ортидан эргашамиз ва шу йўлда давом этамиз.
Биз мураббийимиз ва унинг штабига тўлиқ ишонамиз. Мураббий нимани буюрса, шуни қилишимиз, унинг қарорларини ҳурмат қилишимиз керак. У Манчестерда учинчи йил ишламоқда ва биз унинг қанчалик кучли мураббий эканини биламиз. Биз ҳали ҳеч нарсани бой бермадик. Лекин жамоа сифатида катта ўсишга эришганимизни кўрсата олдик.
Биз қайси жиҳатларни кўпроқ машқ қилишимиз кераклигини Сульшер ҳам билади. У мураббийлар штабида ҳам ривожланиш бўлиши кераклигини англаб турибди. Лекин бу футболнинг бир қисми. Ҳар куни нимадир ўрганамиз. Футболни алдаб бўлмайди», - дея фикр билдирган португалиялик яримҳимоячи.
Эслатиб ўтамиз, манчестерликлар ЕЧЛ 3-туридан сўнг, ўз гуруҳида 6 очко жамғариб, 1-ўринда бормоқда.
Клопп: Таққослаш шарт эмас
23.10.2021
Юрген Клопп «Манчестер Юнайтед»га қарши якшанба кунги учрашув олдидан Муҳаммад Салоҳ ва Криштиану Роналдуни ўзаро таққослади.
«Аслида бу футболчиларни таққослаш шарт эмас. Ҳар иккиси ҳам жаҳон даражасидаги ўйинчилардир.
Муҳаммаднинг чап оёғи Роналдуникидан яхшироқ. Криштиану эса ҳаводаги курашда устун. Шунингдек, унинг ўнг оёқда йўллайдиган зарбалари Салоҳнинг зарбаларидан яхшироқ. Икки ҳужумчи ҳам жуда тезкор ва ҳар доим голларга ташна», - дейди Клопп ўйиндан олдинги матбуот анжуманида.
Маълумот учун, АПЛ 9-тури доирасидаги «Манчестер Юнайтед» – «Ливерпуль» учрашуви 24 октябрь куни, соат 20:30да бошланади. «Ливерпуль» 18 очко билан 2-ўринда бораётган бўлса, «МЮ» 14 очко билан 6-ўринда жойлашган.
Роналду жорий мавсум жами 8 ўйинда 6та гол, Салоҳ эса 11та ўйинда 12та голга муаллифлик қилган.
Роналду: Биз тирикмиз
22.10.2021
Криштиану Роналду Чемпионлар лигаси 3-тури доирасидаги «Аталанта»га қарши ўйиндан (3:2) кейин фикрлари билан ўртоқлашди.
«Юнайтед» биринчи бўлимдан кейин 0:2 ҳисобида мағлуб бўлаётган эди, иккинчи бўлимда эса ҳисоб тенглаштирилгач, ғалаба голини Криштиану Роналду киритди.
«Ҳа! «Орзулар театри» оловда! Биз тирикмиз!
Биз «Ман Юнайтед» ва ҳеч қачон таслим бўлмаймиз! Бу «Олд Траффорд»!» – дея ёзади Роналду твиттердаги саҳифасида.
Маълумот учун, «МЮ» ЕЧЛдаги кетма-кет икки ғалабасидан кейин гуруҳда очколарини 6тага етказиб, 1-ўринга кўтарилди.
Фернандеш: Роналдуни шевасини тушуниш қийин
22.10.2021
Бруну Фернандеш Криштиану Роналдунинг португалча шевасини тушуниш қийинлигини айтди.
«Инлиз тилини билсам-да, гоҳида Лингард ва Рэшфорднинг нима ҳақида гапираётганини тушуниш қийин. Португал тилида ҳам шундай. Криштиану Роналду, мен ва Диого Далот турли шевада гапирамиз.
Криштианунинг шевасини тушуниш қийин. У португал тилининг энг ёмон шевасида гапиради. Роналду Мадейрадан. Ишонинг, португалияликлар бу оролликлар нима ҳақида гапираётганликларини тушунишмайди», - дейди Фернандеш Manchester Evening News билан суҳбатда.
Маълумот учун, Бруну Португалиянинг Майа шаҳридан бўлса, Криштиану Мадейра оролида туғилган. Ҳар икки ўйинчи ҳам «Спортинг» тарбияланувчиси саналади.
Оле: Мухлислар клубнинг жуда муҳим қисми
21.10.2021
Оле-Гуннар Сульшер ЕЧЛ 3-туридан ўрин олган «Аталанта»га (3:2) қарши баҳсдан кейин ўз фикрлари билан ўртоқлашди.
«Мухлислар – бу клубнинг жуда муҳим қисми. Уларнинг қўшиқлари, ишончи футболчиларни руҳлантирди. Чемпионлар Лигасида «МЮ»ни қўллаб-қувватлаганингизда, шундай бўлади.
Ўйлашимча, биринчи бўлимда ҳам яхши ўйнадик. Аммо рақиб икки имкониятдан ҳам гол урди. Клубда ўйинни қайтариш, ўзгартириш анъанаси бор. Биз ҳеч қачон ишонишни тўхтатмадик ва ишлашни давом эттирдик.
Ўйинчиларга ҳурматсизлик қилмайлик. Уларнинг барчаси ўзларини дунёдаги энг омадли инсонлардан эканликларини билишади, чунки улар «МЮ»да. Бу – миллионлаб йигит-қизларнинг орзуси.
Криштиану рақиб дарвозаси олдида зўр. Агар кимдир уни фидойилиги ва масъулияти учун танқид қилса, бугунги ўйинни кўрсатинг. Қаранг, у майдон бўйлаб ҳаракатланди.
Танаффусда гол уриш учун ҳамма нарса қилишимиз кераклигини айтдим. Агар бошқа тўп ўтказиб юбормасак, ғалаба қозонишимизга амин эдим. Фақат имкониятлардан фойдаланиш керак эди», – дея Сульшернинг сўзларини келтиради ВТ Sport.
Гасперини: Камбэк «Юнайтед»га хосдир
21.10.2021
«Аталанта» бош мураббийи Жан-Пьеро Гасперини ЕЧЛ 3-туридан ўрин олган «Манчестер Юнайтед» (2:3) билан ўйиндан сўнг ўз фикрларини билдирди.
«Бундан ҳам кўпроқ нарса қила олардик. Албатта, ўзимизга ишонардик, лекин бундай муҳитда рақибнинг қайтиши учун кичик учқун ҳам етарли.
Ҳисобни 3:1га айлантиришга яқин келдик, аммо рақиб посбони кетма-кет иккита ажойиб сейвни амалга оширди. Ва кейин ҳисоб тенглашди. Ҳар учала гол ҳам тартибсиз вазиятлар натижаси эди.
Камбэк «Олд Траффорд»даги «МЮ»га хосдир. Уларнинг камбэклари сонини ҳисоблашда адашиб кетасиз. Бу – жамоанинг характери.
Баъзида ҳимоядан чиқиб кета олмадик. Тезроқ ҳужум қилишга уриндик, аммо қийинчиликлар бор эди.
Жавоб ўйини оғир кечади. Рақиб бўш зоналар бўлганда, жуда хавфли. Лекин биз гуруҳда ўз сўзимизга эга эканлигимизни исботладик», – дея Гасперинининг сўзларини келтиради Sky Sport Italia.
«Юнайтед» Зинеддин Зиданни таклиф қилиши мумкин
20.10.2021
«Юнайтед» раҳбарияти Оле-Гуннар Сульшерни истеъфога чиқариб, ўрнига Зинеддин Зиданни таклиф қилиши мумкин.
Испаниянинг El Chiringuito нашри хабарига кўра, «Манчестер Юнайтед» клуби жамоа ҳужумчиси Криштиану Роналду тавсиясига биноан Зинеддин Зидан билан музокарага киришган. Португалиялик юлдуз «Реал»даги собиқ устозини Манчестерда кўришни истамоқда. Франциялик мутахассис ҳам «МЮ»дан таклиф тушган тақдирда кўриб чиқишга тайёр.
Инглиз нашрлари эса клуб раҳбарияти Сульшерга ишонч билдираётгани ҳақида хабар қилмоқда.
Маълумот учун, «Манчестер Юнайтед» сўнгги 5 ўйинида бор йўғи битта ғалабага эришди. Клуб АПЛ 8-туридан кейин 14 очко билан 6-поғонадан жой олган. Клубни олдинда «Аталанта» (20 октябрь) ва «Ливерпуль»га (24 октябрь) қарши учрашувлар кутиб турибди.
Эслатиб ўтамиз, Зидан ўтган мавсум якунлангач, «Реал»ни тарк этган эди. У ҳозирда ишсиз ҳисобланади.