Моуриньо ёшларга имкон берди
22.05.2017
«Кристал Пэлас»га қарши АПЛнинг 38-турида «Манчестер Юнайтед» бошланғич таркиби Англия чемпионати тарихида клубнинг энг ёши эди.
Жамоа бош мураббийи Жозе Моуриньо қарорига кўра, асосий таркибнинг кўплаб футболчилари «Аякс»га қарши Европа лигаси финал учрашуви олдидан дам олишди.
Илк дақиқалардан майдонга тушган МЮ футболчиларининг ўртача ёши 22 ёш 284 кунни ташкил этди. Таркибнинг энг ёш футболчилари Тимоти Фосу-Менса (19 ёш 4 ой), Аксель Туанзебе (19 ёш 6 ой) ва Деметри Митчелл (20 ёш 4 ой) бўлди.
Давид Де Хеа «Реал»га ўтадими!?
21.05.2017
Давид Де Хеа ёзги трансферлар вақтида «Реал»га ўтиши мумкин. Бу ҳақда Sport Witness нашри Correio da Manhã интернет-нашрининг пулли версиясидаги ахборотга таяниб хабар тарқатган.
Манбага кўра, «МЮ» бош мураббийи Жозе Моуриньо испаниялик дарвозабонни «Реал»га 85 миллион евро эвазига сотишга розилик билдирган.
Агар Де Хеанинг трансфери амалга ошса, Моуриньо жамоага «Бенфика» посбони Эдерсонни таклиф қилишни режалаштирмоқда.
Португалияликлар 23 ёшли дарвозабоннинг 50 фоиз ҳуқуқи учун 30 миллион евро талаб қилишмоқда. Эдерсоннинг яна 50 фоиз ҳуқуқи «Риу Аве» клубига тегишли саналади. Клуб Эдерсоннинг қолган ҳуқуқиин «Бенфика»га 5 миллион еврога сотишни истамаганди.
Маълумот учун, Correio da Manhã – Моуриньонинг «Манчестер Юнайтед»ни бошқаришини истаётгани ҳақида биринчилардан бўлиб хабар берган манба саналади.
21.05.2017
Жозе Моуриньо жамоа ҳужумчиси Уэйн Руни билан боғлиқ ҳодисага биринчи марта дуч келаётгани йўқ.
«Бу осонмас — фаолиятим давомида бундай вазиятларга кўп дуч келганман. Буюк фаолиятига га буюк ўйинчилар ўз фаолиятлари сўнгида менга дуч келишган. «Интер» да ҳам, «Реал»да ҳам, «Челси»да ҳам бунга гувоҳ бўлганман.
Бундай ўйинчилар баъзида ўз ҳолатларини туўғри тушунадилар. Баъзилари эса ўзларини 25–26 ёшли футболчи деб ўйлайдилар, шунда муаммо туғилади. Руни жамоавий ўйинчи бўлгани учун ҳам яхши. Агар унга нимадир ёқмаса, буни яширади, у ўзини энг яхши профессионал каби тутуади. Унинг жароҳати бўлмаса доим ўйнашга шай. Ҳозир муаммоаларимз кўп вақтда у менга керак», — дейди Моуриньо.
Руни ушбу мавсумда 37 ўйинда иштирок этиб 9 та гол урди ва 10 та голга тўп оширди.
Моуриньо: де Хеани бу мавсумда бошқа ўйнамайди
19.05.2017
Жозе Моуриньо 28-турдан қолдирилган учрашувлар доирасида «Саутҳемптон»га қарши кечган ва ҳисоб очилмасдан қолган учрашувдан кейин ўйинда дарвозани Давид де Хеа қўриқламагани сабаби ҳақидаги саволга жавоб берди.
«Давидни қачон яна кўрасизми? Бу мавсумда эмас. Менимча, «Лос-Анжелес Гэлакси»га қарши мавсумлар оралиғида ўтказиладиган ўйинда. Мен «Кристал Пэлас» билан ўйинга Жоэл Перейрани, Европа Лигаси финалида эса Серхио Ромерони туширмоқчима.
«Давид — дунёдаги энг яхшилардан бири, биз уни таркибда сақлаб қолишни истаймиз», — дея Моуриньонинг сўзларини келтирган BBC.
Бундан аввалроқ испан нашрларида де Хеа манкунианликлар раҳбариятидан ўзининг трансфери масаласини «Қироллик клуби» билан муҳокама қилишни сўрагани ҳақида ёзганди.
«Манчестер Юнайтед»нинг АҚШ бўйлаб ўтказадиган мавсумолди йиғинларида «Лос-Анжелес Гэлакси» (15 июль), «Манчестер Сити», «Реал», «Барселона» ва бошқа жамоалар билан учрашувлар белгиланган.
Ибраҳимович 30 млн фунтдан қуруқ қоладими!?
18.05.2017
Златан Ибраҳимович тиззасидаги жароҳати туфайли 30 миллион фунт йўқотган бўлиши мумкин.
Daily Mirror хабарига кўра, ушбу мавсумда 28 гол урган бу швециялик ҳужумчи келишуга кўра, мавсумда урган голлари сони 36та бўлганида қўшимча 2 миллион фунтга яқин бонус олган бўларди. Бундан ташқари, унинг шартномасида агар у Англиядаги биринчи мавсумда (у билан бир йиллик шартнома тузилганди) 31та ўйинда майдонга тушса ёки жамоа мавсумни учликда якунласа, шартномани автоматик равишда яна бир йилга узайтириш банди белгиланганди. У жароҳат олиб сафдан чиққунга қадар 27та ўйин ўтказганди. Манчестерликлар жамоаси айни вақтда бешинчи ўринда бормоқда.
35 ёшли футболчининг ҳафталик маоши миқдори 367,6 минг фунт (йилига 19,11 миллион фунт).
Агар футболчи кейинги мавсумда ҳам жамоада қолгудек бўлса, унга ЕЧЛдаги иштирок учун ҳам бонуслар белгиланганди: чорак финал учун 500 минг фунт, ярим финал учун 1,25 млн фунт, финал учун 2,75 млн фунт, финалдаги ғалаба учун 5,25 млн фунт.
Шу тариқа у жароҳати туфайли 30 миллион фунтга яқин маблағ йўқотган бўлиши мумкин.
Ибраҳимович Европа Лигасининг чорак финалида «Андерлехт»га қарши (2:1) ўйин вақтида жароҳатланган ва мавсум охирига қадар сафдан чиққанди.
«МЮ» 150 мллион фунт стерлинг ишлаб топди!?
17.05.2017
Жорий мавсум ниҳоясига етгач, «Манчестер Юнайтед» Англия премьер-лигасидаги иштироки ортидан тахминан 100-150 миллион фунт стерлинг ишлаб топади.
Daily Mail нашрининг Spreadex молиявий тадқиқот маркази берган маълумотларга таяниб хабар беришича, клуб 1992/1993 йиладан буён ташкил қилинган премьер-лиганинг барча даврларида даромад қилиш бўйича етакчи бўлиб турибди.
«МЮ» шу кунга қадар АПЛда 870,3 миллион фунт миқдорида фойда қилган. Бунинг натижасида 2016/17 йилги мавсум якунлангач, «Юнайтед» Англияда миллиард фунтдан кўпроқ даромад қилган илк клубга айланади.
Умумий рейтингда «Арсенал» иккинчи ўринда (шу пайтга қадар 842,8 миллион фунт) бормоқда, кучли учликдан «Ливерпуль» ҳам (815,4) жой олган.
Кучли ўнта энг даромадли жамоалар рейтингидан шунингдек «Челси» (815,36), «Тоттенҳэм» (750,28), «Манчестер Сити» (723,49), «Эвертон» (700, 26), «Ньюкасл» (649,35), «Астон Вилла» (649,23) ва «Вест Ҳэм» (585,2) жам жамоалари ҳам ўрин олган.
АПЛда ўтган 25 йил давомида 49та турли жамоалар қатнашган ва умумий ҳисобда уларнинг даромади 14,788 миллиард фунтни ташкил қилган.
2015/16 йилги мавсумда жамоалар жами бўлиб, 1,64 миллиард фунт стерлинг миқдорида мукофот пули олишган. Бу мавсумда бу сумма янада ошиши кўзда тутилган.
Хамес «МЮ»нинг асосий мақсади эмас!?
17.05.2017
«Реал» футболчиси Хамес Родригес «Манчестер Юнайтед» ёзги трансферлар вақтида кўзлаган асосий футболчи эмас.
ESPN нашри ўз манбасига асосланиб хабар беришича клуб раҳбариятидагилар Хамесни сотиб олиш таклифини билдирган, аммо «МЮ» бош мураббийи Жозе Моуриньо «Атлетико»дан Антуан Гризманни олишни муҳимроқ деб билмоқда.
«Манчестер Юнайтед» трансферларга Европа Лигаси финали натижасига кўра киришмоқчи. Агар жамоа финалда ғолиб бўлиб, Чемпионлар лигасига йўлланма олса, Гризманни қўлга киритиш имкониятлари ошади.
Қайд этилишича, инглизлар клуби Гризманн билан келишиб бўлмасагина Хамесга юзланади. Колумбиялик бу футболчи Жозе Моуриньонинг қисқа рўйхатида йўқ экани айтилган.
Бундан аввалроқ, 25 ёшли хавбек «МЮ» билан дастлабки келишувга эришилгани, яқин кунлар ичида бу ҳақда расман эълон қилиниши айтилганди. «Реал» Хамес учун 75 миллион евро олишни истамоқда.
L’Equipe: Обамеянг «Юнайтед» нишонида!?
17.05.2017
Дортмунднинг «Боруссия» клуби ҳужумчиси Пьер-Эмерик Обамеянгга «Манчестер Юнайтед» томонидан жиддий қизиқиш мавжуд. Бу ҳақда L’Equipe хабар тарқатди.
Хабарда таъкидланишича, манчестерликларнинг ёзги трансферлардаги асосий мақсади «Атлетико» ҳужумчиси Антуан Гризманн бўлиб қолаверади. Агар француз футболчиси билан келишувга эришилмаса, рўйхатдаги иккинчи ном бўлмиш Обамеянгга эътибор қаратилади.
«МЮ»га бу футболчи учун Хитойнинг «Тяньцзинь Цюаньцзянь» клуби бўлиб турибди. Бу жамоа 27 ёшли габонлик футболчига 50 млн евро миқдорида йиллик маош таклиф этган. Футболчининг оиласи у хитойликлар таклифини қабул этишини истамоқда.
Бундан аввалроқ футболчи йилига 14 млн евро миқдоридаги маош таклиф этган «ПСЖ» билан келишувга эришгани ҳақида хабарлар берилганди.
Мата: «Сити» мухлисига дасхат бердим
17.05.2017
«Манчестер Юнайтед» ярим ҳимоячиси Хуан Мата Манчестер кўчасидан бирида дўконга кириб, чиққанидан кейин ундан «Манчестер Сити»нинг мухлиси дастхат сўраганини айтди.
«Мендан асосан «Манчестер Юнайтед»нинг футболкасини кийиб олган ёш мухлислар дастхат сўрарди. Аммо уч-тўрт кунча олдин дўкондан чиқиб автомобилимга ўтирмоқчи бўлиб турганимда ҳаворанг кийим кийиб олган «Манчестер Сити» мухлиси менга ручка ва расмимни бериб, дастхат беришимни илтимос қилди ва шундай деди: «Бизнинг кўчада фақатгина мен «Манчестер Сити»нинг мухлисиман. Кўчамиздаги йигитлар менга ҳазиллашиб «Хуан Мата» деб чақиришади. Шунинг учун ҳам сизнинг ўйининингзни кузатиб бораман ва шундай лақаб билан чақиришларини яхши кўраман», деди.
«Мен унинг тутқазган вароғига шундай деб ёздим: «Хуан Матадан «Хуан Мата»га, менинг ва «Манчестер Сити»нинг мухлиси учун» деб ёзиб бердим», дейди испаниялик Хуан Мата.
Мата: Давид жамоада қолади
16.05.2017
«Манчестер Юнайтед» ярим ҳимоячиси Хуан Матанинг фикрича, дарвозабон Давид де Хеанинг клубдан кетиши учун сабаб кўрмаяпти.
Футболчини мавсум давомида «Реал» билан боғлашди.
«У шу ерда бахтли. Давид Англияга кўникиб қолган. У мен учун буюк футболчи. Агар у жаҳоннинг энг яхши дарвозабони бўлмаса, камида кучли учликка киради».
«Де Хеа туфайли мавсум давомида кўплаб очколарга эга бўлдик. Унинг кетиши сабаб кўрмаяпман», - дейди Мата.