Агуэро «Юнайтед»да!?
08.05.2017
Жозе Моуриньо «Манчестер Сити» ҳужумчиси Серхио Агуэрони ўз жамоасида кўришни истамоқда. Бу ҳақда The Times хабар ёзди.
«Қизил иблислар» жамоаси устози 28 ёшли аргентиналикни тиззасидаги жароҳат туфайли узоқ муддатга сафдан чиққан Златан Ибраҳимовичга ўринбосар сифатида кўрмоқда.
«Ман Сити» бош мураббийи Хосеп Гвардиола Агуэрони олиб қолиш ҳақида ўйламаяпти, у жамоада асосий ҳужумчи Габриэл Жезус бўлишини режалаштирган. Аммо «шаҳарликлар» раҳбарияти Серхионинг асосий рақиб сафига ўтишига ҳам йўл қўймаслиги мумкин.
Қайд этилишича, Моуриньо «Атлетико»дан Антуан Гризманнни ҳам Манчестерга олиб келиб у ва Агуэро тандемини ўйнатмоқчи.
Жорий мавсумда Агуэро АПЛда 28 учрашувда майдонга тушган, 18 гол урган ва 1 голга узатма берган.
Лукаку «Юнайтед»га ўтадми!?
08.05.2017
«Эвертон» ҳужумчиси Ромелу Лукаку «Манчестер Юнайтед» аъзосига айланиши мумкин. Бу ҳақда маҳаллий нашрлар хабар тарқатмоқда.
The Sun маълумотига кўра, бельгиялик футболчи «Челси»га қайтмоқчи эмас. У ўз ўйини билан Антонио Контенинг эътиборини жалб этаётганига ишончи комил эмас. «Челси» эса айни вақтда Диего Костанинг кетиши ҳақидаги хабарлар фонида янги ҳужумчига эҳтиёж сезмоқда. Аммо Лукакуга Конте ҳужумчидан кўп нарса талаб қилиши, ҳужумчидан ҳимояда ҳам ёрдам беришини талаб этиши ёқмаяпти.
Хабарда айтилишича, Лукакуни Жозе Моуриньо ўз жамоасида кўрмоқчи. Лекин айни вақтда «Манчестер Юнайтед» Антуан Гризманн ва Серхио Агуэро каби топ ҳужумчиларга қизиқиш сақлаб турибди.
Жорий мавсумда 23 ёшли Ромелу Лукаку «Эвертон» учун 25 ўйинда майдонга тушган ва 7та голга ҳаммуаллиф бўлган.
Гиггз: Футбол менга ҳеч қачон ёқмаган
08.05.2017
Райан Гиггз фаолияти давомида руҳий муаммолардан азоб чекканини айтди.
«Тан олишим керак, футбол менга ҳеч қачон ёқмаган.
«МЮ»да босим жуда кучли эди. Агар ўйин якунланишига 10 дақиқа қолганида 3:0 ҳисобида олдинда бормасак, ҳеч нарса ҳал бўлмаганини англаб турардик. Хотиржамликни унутиб ўйнашга мажбур эдик.
Асосий таркибга кирмай қолсам ёки ёмон ўйнасам, тушкунликка тушганман. Ўзимни ҳеч кимга керак эмасдек ҳис қилганман.
Баъзан сендан 30та дастхат ёки 30та селфи сўраб қолишади, бошқа куни эса ҳеч ким олдинга келмайди. Баъзида сени мақташади, баъзида ҳақорат қилишади. Ноаниқлик мени тушкунликка солган» - деди Гиггз The Telegraph хабарида.
Гвардиола: «МЮ» Европа лигасини ютишига ишонаман
08.05.2017
«Манчестер Сити» бош мураббийи Хосеп Гвардиола Манчестер дербиси ва «Манчестер Юнайтед»нинг ҳозирги ўйини ҳақида гапириб ўтди.
«Биз дербида рақибимизга деярли тўп бермадик. Улар яратган 3 та вазиятлари учун ҳам ҳурсанд бўлишсиг. Айни дамда икки ҳамшаҳар клубларнинг умумий муаммоси бор.Бу вазиятлардан фойдаланиш.
«Манчестер Юнайтед» ҳозир барқарор жамоа бўлди. Чунки ҳар бир чизиқда жамоа жуда яхши ўйин намойиш қилмоқда. Бунинг калити, албатта Жозе Моуриньо.
Мен бир нарсадан ҳурсандман. Англия клублари сўнгги йилларда халқаро турнирларда муваффақаиятсиз ўйнамоқда. «Манчестер Юнайтед» эса сўнгги йилларда Европа миқёсидаги турнирларда ишончли ўйнаётган ягона жамоа. Уларнинг Европа лигасида ғалаба қозонишига ишонаман», дейди мураббий.
Гризманн яна бир шарт қўйди!?
08.05.2017
«Атлетико» ҳужумчиси Антуан Гризманн унга қизиқиш билдираётган «Манчестер Юнайтед», раҳбариятига яна бир шарт қўйди. Бу ҳақда Daily Mail нашри хабар тарқатди.
Манба берган маълумотларга кўра, 26 ёшли Гризманн «МЮ»дан беш йиллик шартнома ва ҳафтасига 350 минг евро маош талаб қилмоқда. Агар манкунианлар унинг шартига кўнадиган бўлса, француз футболчиси АПЛнинг энг кўп маош оладиган футболчисига айланади ва «Атлетико»ни тарк этишга рози бўлади.
Бундан ташқари «МЮ» Гризманн учун мадридликларга 90 млн евро (тахминан 76,5 млн фунт) тўлаши керак бўлади. Агар унга тўланадиган маош ва бонуслар билан қўшиб ҳисобласак Гризманн «МЮ»га 155 млн. еврога тушиши мумкин.
Антуан Гризманнинг «Атлетико» билан амалдаги шартномаси 2021 йилнинг ёзига қадар мўлжалланган.
Райола: Кейинроқ билиб оласиз
07.05.2017
«Манчестер Юнайтед» ҳужумчиси Златан Ибраҳимовичнинг манфаатларини ҳимоя қилувчи футбол агенти Мино Райола футболчининг ҳолати ҳақида хабар берди. 35 ёшли швециялик ҳужумчи шу куни тиззасидаги жароҳатини муваффақиятли операция қилдирди.
«Златан Ибраҳимович муваффақиятли жарроҳлик амалиётидан ўтказилди. У АҚШда тикланиш жараёнини ўтайди. Бу жароҳат Ибраҳимовичнинг фаолиятига таъсир кўрсатмайди ва у фаолиятини якунлаймайди.
Ҳозирча у шифокорлар назорати остида реабилитация жараёнида бўлади. Бошқа маълумотларни кейинроқ билиб оласиз», — дея Райоланинг сўзларини келтирган Goal.
Бундан олдинроқ Златан Ибраҳимович маоши қисқарса «МЮ» билан шартномасини узайтирмаслиги ҳақида хабарлар тарқалганди. Агар у шартномасини узайтирмаса шу йил ёзида эркин агентга айланади.
Lingard jamoa bilan yangi shartnoma tuzdi
07.04.2017
Jessi Lingard rasman jamoa bilan yangi shartnoma imzoladi. Bu xaqida «Manchester Yunayted» rasmiy sayti xabar berdi. Futbolchi bilan 4+1 ko‘rinishida shartnoma imzolangan.
24 yoshi Lingard jamoa Akademiyasi tarbiyalanuvchisi hisoblanadi. U 7 yoshdan boshlab jamoa akademisi tizimida shug‘ullanib keladi. Jessi asosiy jamoa tarkibida 2014/2015 mavsumda «Suonsi» ga qarshi bahsda debyut qilgan. Shu kunga qadar jamoa tarkibida 70 uchrashuvda maydonga tushib 11 gol urgan, shu goldan uchtasini «Uembli» stadionida kiritgan va bu gollar «Yunayted» ga 3 musobaqada g‘olib bo‘lishiga yordam bergan.
Yangi shartnoma borasida Jessi quyidagilarni aytib o‘tdi: «Manchester Yunayted» doim mening hayotimning katta bir bo‘lagi bo‘lib kelgan. Men jamoa bilan 7 yoshimdan buyon birgaman va har safar jamoa libosini kiyganimda faxrlanaman. Men va oila a’zolarim ikki kubok finalida gol urganimdan faxrlanib kelamiz».
Mxitaryan: Maqsad Evropa ligasida g‘olib chiqish
07.04.2017
Genrix Mxitaryan jamoasining Yevropa ligasi chorak finalidagi raqibi «Anderlext» haqida to‘xtaldi.
«Evropa ligasida g‘olib chiqish - ushbu mavsumdagi maqsadlarimdan biri. Albatta, bu oson bo‘lmasligini tushunib turibman. Ammo musobaqaning ushbu bosqichida oson jamoaning o‘zi yo‘q. Biz «Anderlext»ga qarshi muhim o‘yin o‘tkazishimizni his etib turibmiz».
«Bu jamoa bilan ikkita keskin bahsni o‘tkazamiz. Ayrimlar biz «Anderlext»ni osonlik bilan engamiz, deb o‘ylayotganligini bilaman. Ammo unday emas. Men ushbu jamoaning Yevropa maydonlaridagi o‘yinlarini ko‘rib chiqdim. Bu jamoada juda yaxshi futbolchilar to‘plangan», - deydi Mxitaryan.
Mourino: Reshford ko‘p ishlayapti
06.04.2017
«Manchester Yunayted» bosh murabbiyi Joze Mourino jamoa hujumchisi Markus Rashfordni himoya qildi.
Futbolchi o‘tgan yilning sentyabr oyidan beri gol urgani yo‘q, ammo portugaliyalik mutaxassis bunda tanqid uchun sabab ko‘rmayapti.
«Markus qo‘llab-quvvatlashga munosib. U ko‘p ishlayapti, chapda, markazda o‘ynamoqda, o‘zini ko‘rsatishga harakat qilyapti».
«Meni hayron qoldiradigan narsa yo‘q. U o‘zining debyut mavsumida yaxshi o‘ynadi, ammo uning yoshida ikkichi yil pasayish - odatiy holat. Rashford bilan hech qanday muammo yo‘q» - deydi Mourino.
O‘tgan mavsumda Rashford APLning 11 ta uchrashuvida 5 ta gol urdi va 2 ta golli pas berdi. Joriy mavsum 19 yoshli hujumchi 24 ta uchrashuvda 3 ta gol urib, 1 ta golli uzatma bergan.
Ibragimovich: G‘alaba qozonish uchun kelganman
06.04.2017
«Manchester Yunayted» ning shvetsiyalik hujumchisi Zlatan Ibragimovich agar «qizil iblislar» joriy mavsum Yevropa chempionlar ligasiga yo‘l olsa yana bir yil Angliyada qolishga tayyorligini bildirdi.
Eslatib o‘tamiz, Ibragimovich shartnomasining amal qilish muddati 2017 yilning yozida yakuniga yetadi. Ayn shu sabab uni MLS klubi - «Los-Andjeles Gelaksi»ga o‘tishi haqida xabarlar tarqalgan edi.
«Manchesterga kelgan vaqtim jamoa YECHL yoki Premerliga favoritligini o‘ylashni unutub qo‘ygandi. Lekin «MYu»ga yordam berish va jamoani kuchaytirish uchun o‘tdim».
«O‘z kelajagim borasida savollarga qanday javob qaytarishni bilmayman. Muzokaralarni davom ettiryapmiz. Ko‘ramiz, nima bo‘ladi. Endi oldida ko‘p yillik faoliyat kutib turgan 20 yoshli emas, 35 yoshdaman».
«Balki, faoliyatimni yakunlashimga juda oz vaqt qolgandir. Hammasi mening va klubning maqsadiga bog‘liq. Boshidanoq bu yerga vaqt o‘tkazish uchun emas, g‘alaba qozonish uchun kelganman», - deydi Ibragimovich.