Рио: Лингардни таклиф этардим
12.10.2021
Рио Фердинанд «Ньюкасл» қайси ўйинчиларни сотиб олиши кераклиги ҳақида гапирди.
«Агар жиддий трансферларга қўл уриш лозим топилса, энг аввало Раҳим Стерлингга эътибор қаратган бўлардим. У клубида ўйин амалиётига кам эга бўлмоқда. Қолаверса, Деклан Райсни таклиф этишга уринардим. Улар рўйхатимда дастлабки икки ўринда бўлишарди.
Шунингдек, Жесси Лингардни таклиф этардим. У «Манчестер Юнайтед»да асосий таркибга ўрнаша олмаяпти», - дейди Фердинанд.
Аввалроқ, «Ньюкасл» клуби «МЮ»дан Жесси Лингард, Донни ван де Бек, «Милан»дан Франк Кессьени таклиф этмоқчи экани ҳақида хабар берилганди.
Ромеро фаолиятини Италияда давом эттиради
12.10.2021
«Манчестер Юнайтед»ни тарк этган аргентиналик дарвозабон Серхио Ромеро фаолиятини Италияда давом эттирадиган бўлди.
Аргентина миллий жамоаси дарвозабони А Серия дебютанти «Венеция» клуби билан шартнома имзолади. Бу ҳақда клуб расмий сайти хабар берган. Томонлар мавсум якунига қадар келишувга эришган.
Ромеро «Венеция»га эркин агент сифатида қўшилди. Бу Серхио учун А Сериядаги иккинчи жамоа саналади. 34 ёшли посбон «Сампдория» сафида ҳам 42 ўйинда майдонга тушган.
Маълумот учун, «Венеция» А Серияда 7 ўйиндан кейин 5 очко жамғарган ҳолда А Серияда 17-ўринни эгаллаб турибди.
Рэшфорд: Роналду бирга ўйнаш зўр тажриба
11.10.2021
Маркус Рэшфорд ҳужумчи Криштиану Роналдунинг «қизил иблислар» сафига қайтишига изоҳ берди.
«Криштианунинг қайтиши менда футболчи сифатида ҳам, «МЮ» мухлиси сифатида ҳам такрорланмас туйғуларни уйғотди. Афсоналар жамоага қайтганда ҳар доим ажойиб. «Олд Траффорд»да Роналду билан бирга ўйнаш - зўр тажриба. Умид қиламанки, бу кубокларни қўлга киритишимизга туртки бўлади»,- дея Рэшфорднинг сўзларини келтиради BBC нашри.
27 август куни «Манчестер Юнайтед» Роналдунинг «Ювентус»дан сотиб олганини эълон қилди. Ҳужумчи 2003 йилдан 2009 йилгача «МЮ» шарафини ҳимоя қилган. Жамоа таркибида у Премьер лигада 200 та ўйин ўтказиб, 87 та гол урди ва 34 та голли узатмани амалга оширди.
«Ньюкасл» Лингардни ўз сафида кўрмоқчи
10.10.2021
Саудия Арабистони инвесторлари бошқарувига ўтган «Ньюкасл» қишки трансферлар даврида бир неча футболчиларни харид қилиш орқали таркибни сезиларли дааражада кучайтиришни режалаштирмоқда.
Маълумотларга қараганда, улар «Манчестер Юнайтед» ярим ҳимоячиси Жесси Лингардни ўз сафида кўрмоқчи. Лингарднинг манчестерликлар билан шартномаси мавсум охирида якунланади. Томонлар янги битим бўйича келишувга эришгани йўқ.
Умуман олганда, Жесси Лингард келажаги борасида бир қарорга кела олмаяпти.
«Ньюксал» Лингарддан таўқари «Бернли”да ўйнаётган Жеймс Тарковскини ҳам трансфер қилмоқчи. Бу футболчини олиш у қадар йиқин бўлмайди. «Бернли» раҳбарияти тажрибали ўйинчисини 10 миллион евро атрофидаги маблағ эвазига қўйиб юбориши мумкин.
Оле ижарадаги Пеллистрини қайтармоқчи
10.10.2021
«Манчестер Юнайтед» ёш вингер Факундо Пеллистрини «Алавес» дан қайтариб олишни ўйламоқда.
Маълумотларга кўра, Оле-Гуннар Сульшер Испания клубининг ўйинчига бўлган муносабатидан маъмнун эмас. GOAL хабарига кўра, «Юнайтед» ҳозирда ўйин вақтининг этишмаслигидан ҳафсаласи пир бўлган Пеллистрининг ижарасини тугатиш тўғрисида банд ишлаб чиқмоқда.
Эслатиб ўтамиз, футболчи ўтган мавсумда ҳам «Алавес» клубига ижарага берилиб жамоа таркибида 7 ўйинда майдонга тушган эди.
Криштиану 46та миллий жамоа дарвозасини ишғол этди
10.10.2021
Криштиану Роналду Қатарга қарши ўртоқлик ўйинида (3:0) гол муаллифига айланди.
«Манчестер Юнайтед» клуби расмий сайти хабарига кўра, Қатар билан ўйинда киритилган гол Криштиану учун 46-мамлакат миллий жамоаси дарвозасини ишғол этилиши бўлди. Бу рекорд натижадир, ҳали ҳеч бир футболчи бундай натижа қайд этмаган.
Ушбу гол билан 36 ёшли форвард миллий жамоаси сафидаги голлари сонини 112тага етказиб, ўзига тегишли рекордни яна янгилади.
Маълумот учун, Роналду миллий жамоаси сафида 181 ўйинда 112та гол ва 41та ассистга муаллифлик қилган.
Ван Де Бек жамоада қолиши мумкин
09.10.2021
Донни Ван Де Бек жамоада қолиши мумкин. Жамоа бош мураббийи Оле-Гуннар Сульшер бутун таркибни мавсум охиригача сақлаб қолмоқчи. Шунинг учун голландиялик ярим ҳимоячи камида мавсум сўнггигача клубда қолади.
Эслатиб ўтамиз, ўтган ёзда "Эвертон" Ван де Бекни ижарага олмоқчи эди, аммо Сульшер футболчини қўйиб юбормади. 24 ёшли футболчи эса жамоадаги ҳозирги мавқеи ва ўйин вақтидан норози.
Жорий мавсумда футболчи барча мусобақаларда 3та ўйин ўтказди ва самарали ҳаракатлар амалга ошира олмади. Нидерландияликнинг "Қизил иблислар" билан шартномаси 2025 йилгача амал қилади.
Амад Диалло машғулотларга қайтди
09.10.2021
Амад Диалло тўлиқ машғулотларга қайтди. У яна асосий жамоадаги ўрни учун курашиши мумкин.
19 ёшли вингер ўтган йили «Аталанта»дан 37 миллион фунтга харид қилинган эди. У шундан буён «Олд Траффорд»да ўзини фақат яхши томондан кўрсатиб келмоқда.
Амад шу пайтгача еттита баҳсда майдонга туширилган. Улардан бештасини заҳира футболчиси сифатида бошлаган ва иккит голни ўз ҳисобига ёздириб қўйишга эришган.
Ёзда Ронладу ва Санчонинг сотиб олиниши Диаллонинг майдонга тушиш имкониятларини пастга тушириб юборди.
Роналду: Натижанинг ўзи келади
08.10.2021
Криштиану Роналду сентябрь ойи якунларига кўра, АПЛнинг энг яхши ўйинчиси деб топилгач, бу борада фикрини билдирди.
«Премьер-лигадаги жуда кўп ажойиб ўйинчилар орасида айнан мени танлаганларидан фахрланаман. «Манчестер Юнайтед»даги барча жамоадошларимдан миннатдорман, уларсиз бу натижага эриша олмасдим. Келинг, тинмай ишлашда давом этайлик, натижанинг ўзи келади», - дея ёзади Роналду инстаграмдаги саҳифасида.
Маълумот учун, Роналду фаолияти давомида 5-маротаба ушбу совринга эга чиқди. У бунгача 4 марта АПЛ ой лауреати бўлган эди.
Погба «Юнайтед»да қолади
08.10.2021
«Манчестер Юнайтед» яқин орада футболчи Поль Погба билан шартнома узайтирмоқчи, деб хабар беради todofichajes.com нашри.
Погбага «Реал» қизиқиш билдирганди, лекин мадридликлар таклифи футболчининг агенти Мино Райолани қаноатлантирмаган. Шунингдек, «ПСЖ» ҳам яримҳимоячига харидор, лекин «Юнайтед»нинг таклифи Поль ва унинг агенти фикрини ўзгартирди.
Ҳозир шартнома шартлари келишилмоқда. Катта эҳтимол билан яқин кунларда Погба ва «МЮ» ўртасидаги битим эълон қилинади. Янги битим яна 4 мавсумга, яъни 2026 йилгача амал қилади ва шартнома 3 + 1 форматида бўлади.