Kagava: Qiyinchiliklarni bartaraf etishim lozim

«Manchester Yunayted» jamoasi va Yaponiya terma jamoasi yarim himoyachisi Shinzi Kagava mankunianliklar safida maydonga tushmayotgani terma jamoadagi o‘yiniga taʼsir o‘tkazayotganidan nolidi.
«Men terma jamoada yaxshi o‘yin namoyish qila olmayapman. Menimcha «Manchester Yunayted»da maydonga tusha olmayotganim bunga sabab bo‘lmoqda.
Yaponiya terma jamoasi safida ikkita uchrashuvda asosiy tarkibda maydonga tushib, rohatlandim. Ammo bu yerdagi ichki muhit «Manchester Yunayted»dagidan ancha farq qiladi.
Hozir mening faoliyatimda og‘ir damlar boshlangan, ammo men bu qiyinchiliklarni bartaraf etishim lozim», — deydi Kagava