Runi 2019 yil yoziga qadar shartnoma tuzdi

«Manchester Yunayted» hujumchisi Ueyn Runi o‘z jamoasi bilan shartnomani 2019 yilning yoziga qadar uzaytirdi.Bundan tashqari, Angliya terma jamoasi futbolchisi futbolchilik faoliyatini yakunlagandan keyin «MYu»ning elchisi bo‘lib qoladi. «Jamoa bilan shartnoma uzaytirganimdan xursandman. «MYu»ning butun dunyodagi barcha muxlislariga minnatdorchilik bildiraman», – deydi Runi shartnomaga imzo chekkanidan keyin.Yangi shartnomaga muvofiq, Ueyn Runi «Manchester Yunayted»dan haftasiga 300 ming funt sterling maosh oladi.