Moyes: «MYu» ChL da g‘alaba qozonishga qodir

«MYu» jamoasi bosh murabbiyi Devid Moyes jamoaning Chempionlar ligasidagi 1/8 finalidan o‘rin olgan Gretsiyaning «Olimpiakos» jamoasiga qarshi uchrashuvdan oldin o‘z fikrlarini bildirib o‘tdi.«Chempionlar ligasining finaliga hamisha ham kuchli jamoalar yetib kelavermaydi. 2005 yildagi «Liverpul» ning natijasi bizga umid bermoqda. Har bir musobaqada deyarli barcha jamoada g‘alaba qozonish uchun imkoniyat bo‘ladi».«Chempionlar ligasi boshlanishidan oldin bu musobaqa qiyin bo‘lishini sezgandim. «Bavariya», «Barselona», «Real», «PSJ» – barchasi top-klublar. Ammo «MYu» ham Chempionlar ligasida g‘alaba qozonishga qodir».«Ba’zan futbolda jamoa bittagina imkoniyatdan foydalanib ham g‘alaba qozonishi mumkin», — deydi Moyes.«Shuningdek xozirda bizda bir necha jarohat olgan futbolchilar bor, umid qilamizki ularning ba’zilari «Olimpiakos» bilan bo‘ladigan uchrashuvga maydonga qaytishi mumkin».«Biz Evans, Jons va Rafael holatlarini va ularning kayfitlarini o‘rganib chiqib Afinaga boradigan tarkibni oydinlashtirib olamiz».«Seshanba kuni bizni murakkab o‘yin kutib turibdi. «Kristal Pelas» jamoasi ustida qozonilgan g‘alabadan so‘ng jamoa o‘zini yaxshi his qilmoqda. Bu katta o‘yin bo‘ladi. Tarkibmizda yo‘qotishlar borligiga qaramay futbolchilar seshanba kungi uchrashuvga to‘liq tayyorlar».Eslatib o‘tamiz, Chempionlar ligasining 1/8 finalidan o‘rin olgan uchrashuvda «MYu» Gretsiyaning «Olimpiakos» jamoasiga qarshi maydonga tushadi. Uchrashuv Toshkent vaqti bilan 00-45 da boshlanadi.