Runi: Bu fantastika!

«Bavariya» qarshi uchrashuvdan oldin «Yunayted» xujumchisi Ueyn Runi ushbu bahs haqida o‘z fikrini bildirib o‘tdi.«Biz g‘alaba qozonib keyingi bosqichga chiqmoqchimiz, — deydi Runi UeFA ning rasmiy saytiga bergan intervyusida. –Buni uddalashimiz uchun bizda yuqori saviyadagi futbolchilar yetarlicha topiladi. To‘g‘ri bu qiyin bo‘lishi aniq. «Bavariya» ham xuddi «Barselona» kabi ushbu turnirning eng yaxshi jamoasi».«Bizdan eng yuqori saviyadagi o‘yinni namoyish qilish talab qilinadi va shunga biz tayyormiz. Bu biz uchun ham, muhlislar uchun ham juda qiziqarli o‘yin bo‘lishi aniq. Albatta bunday o‘yinda ishtirok etish – bu fantastika!».