«Manchester Yunayted» bosh murabbiyi Joze Mourino kelayotgan mavsumda «Manchester Siti» bosh murabbiyi Xosep Gvardiola bilan kechishi kutilayotgan raqobat borasida o‘z fikrlarini bildirib o‘tdi.
«Tajribamdan kelib chiqsak, bunga befarq bo‘la olmayman. Biz Gvardiola bilan ikki yil davomida La ligada raqobatlashdik. Ispaniyada ikkimiz ham bir martadan chempion bo‘lgandik.
Lekin biz Angliyada o‘zaro raqobatlashish bilan band bo‘lsak, «MYu» va «Siti» qarama-qarshiligiga e’tibor qaratsak, chempionlikni boshqa murabbiy ilib ketadi.
APL darajasi yangi futbolchilar va murabbiylar kelgach, yanada o‘sdi. Keyingi 4 mavsumda 4ta chempionni ko‘rdik. Bu esa ligadagi raqobatbardosh jamoalar soni juda ko‘pligi isbotidir.
Bu vaqtda esa boshqa ligalarda grandlar o‘z hukmronligini o‘rnatgan», deydi Mourino.
Сиз авторизациядан ўтмагансиз. Шарҳ қўшиш учун сайтга киринг.