«Manchester Yunayted» muhlislar talab va istaklarini hisobga olgan holda mahsus mobil ilovni ishga tushirish natijasida Angliyadan tashqarida ham jamoa rasmiy kanali hisoblangan MUTV translyatsiyasini to‘liq kun davomida ko‘rish imkoniyatini yaratish niyatida. Ushbu ilovani oylik to‘lovi 1,49 dan 4,49 funtgacha belgilangan.
Bu xaqida «Yunayted» vitse-prezident Ed Vudvord investorlar bilan bo‘lgan uchrashuvda aytib o‘tdi: «MUTV ilovasini xududlarda huquqiy normalarga amal qilgan holda ishga tushirish niyatidamiz. Bu xizmatning oylik xaqqi 1,49 dan 4,49 funtgacha beliganadi».
«Ushbu ilova orqali jamoa telekanali kun-tun davomida to‘liq translyatsiya qilinadi, shuningdek turli dasturlar, xujjatli filmlar, ko‘ngilochar shou, o‘tgan uchrashuvlar tahlili va jamoaning klassik uchrashuvlari bazasi ham o‘rin oladi».
«Ushbu ilova Buyuk Britaniyada Premer Liga bilan kelishuvga asosan ishlamaydi. Shuningdek bizning hamkorlarimiz bilan shartnomamizga asossan ayrim qo‘shni mamlakatlarda ham amal qilmaydi. Ilova Jahon bo‘ylab 160 davlatda ishlatilishi ko‘zda tutilmoqda. Biz ishonamizki ushbu turdagi mobil kontent albatta yaqin yillarda o‘sishga erishadi».
Eslatib o‘tamiz, MUTV kanali asosiy jamoaning o‘yinlarini jonli efirda namoyish qilmaydi. MUTV teletranslyatsiyasidan jamoaning 23 va 18 yoshlilar o‘yini, hamda asosiy jamoaning mavsumoldi o‘rtoqlik uchrashuvlari o‘rin olgan.
Сиз авторизациядан ўтмагансиз. Шарҳ қўшиш учун сайтга киринг.