Van Persining jarohati jiddiy emas

«Manchester Yunayted» jamoasi hujumchisi Robin van Persi Chempionlar ligasidan o‘rin olgan «Olimpiakos»ga qarshi o‘yinning so‘nggi daqiqalarida jarohat olgandi.

Uchrashuvning 90-daqiqasida Gretsiya jamoasining a’zosi Kostas Manolas o‘zaro to‘qnashuvda gollandiyalik hujumchining beliga qattiq zarba bergandi. Dastlabki tibbiy tekshiruvlar natijalariga ko‘ra uning jarohati jiddiy emasligi aytib o‘tildi.Van Persi kelayotgan dam olish kunlari bo‘lib o‘tadigan o‘yinlarda qatnashishi mumkin.