«MYu» yozda «Real Madrid» bilan o‘ynaydi

«Manchester Yunayted» jamoasi rasmiy sayti xabar berishicha jamoa yozda AQSh da o‘tadigan turne davomida Ispaniyaning «Real Madrid» jamoasi bilan o‘rtoqlik uchrashuvida maydonga tushadi.Uchrashuv 2014 yil 2 avgust kuni Michigan shtatining Enn-Arbor shahrida joylashgan «Michigan» o‘yingohida bo‘lib o‘tishi rejalashtirilmoqda. Ushbu o‘yingoh AQSh dagi eng katta o‘yingohlardan biri hisoblanadi. Stadion 100901 tomoshabin uchun mo‘ljallangan. Eslatib o‘tamiz jamoalar so‘ngi bor Chempionlar ligasi 2012/2013 mavsumida uchrashigan va ikki o‘yin natijasiga ko‘ra ispan jamoasi 3:2 hisobida g‘alabaga erishgan edi.