Turne-2014: Pauell jamoa safiga qo‘shiladi

The Guardian nashrining xabar berishicha jamoa yarim himoyachisi Nik Pauell jamoa bilan turneda ishtirok etish uchun AQShga yo‘l oladi. 20 yoshli futbolchi o‘tgan mavsumni asosiy qismini ijara asosida «Uigan Atletik» jamoasida o‘tkazgan edi, 14 bora raqib darvozalarini ishg‘ol qilgan. Shuningdek Yevropa Ligasi musobaqalarida ham 3 bor to‘p kiritgan. Futbolchi jarohat sababli AQSh ga yo‘l olgan dastlabki tarkibga kiritilmagan edi. Hozirda futbolchining holati ancha yaxshi.Shuni hisobga olgan jamoa murabbiylar shtabi futbolchini AQShdagi yig‘inga chaqirishdi. Futbolchi turnening dastlabki o‘yinini o‘tkazib yuboradi va uning Deneverda bo‘lib o‘tadigan Rimning «Roma» jamoasiga qarshi uchrashuvda maydonga tushishi kutilmoqda.