«Manchester Yunayted» darvozaboni David De Xea jamoadan ketish haqida o‘ylamayotganini va «qizil iblislar» afsonasiga aylanmoqchi ekanini ta’kidlab o‘tdi.
«Men «Yunayted»da baxtliman va jamoaga ishonaman. Piter Shmeyxel va Edvin van der Sar Premer-liganing buyuk darvozabonlari, ushbu jamoa afsonalari bo‘lishgan. Men ham shunday darajaga erishmoqchiman.
Jahonning eng yaxshi darvozaboni bo‘lish uchun men o‘z ustimda tinimsiz ishlamoqdaman. Hozirgi kundan dunyoning eng yaxshi posboni kim ekanini bilmayman, ammo men bunga erishmoqchiman.
Menga oson bo‘lmadi. Shunday vaziyatlar bo‘ldiki, Ispaniyaga qaytish haqida o‘yladim. Lekin trenajyor zali va bevosita maydonda sidqidildan mehnat qildim. Bu mehnat o‘z mevasini berdi», — deydi De Xea.
Сиз авторизациядан ўтмагансиз. Шарҳ қўшиш учун сайтга киринг.