van Gal: «MYu»ga uch ochko juda kerak

«Manchester Yunayted» bosh murabbiyi Lui van Gal «Vest Hem»ga qarshi 35-turning qoldirilgan uchrashuvi oldidan fikr bildirdi.

«Biz APLda eng bo‘yi past jamoalardan birimiz, shuning uchun «ikkinchi qavat»dagi muammolar biz uchun yangilik emas. Ha, men Endi Kerolldan juda xavfsirayapman — u havoda juda yaxshi o‘ynaydi.

«Vest Hem»ni juda hurmat qilaman, u tarixi boy katta klub. Biz ularning bayramini buzgimiz kelmayapti — ular «Apton Park — Boleyn Graund» stadionida so‘nggi o‘yinini o‘tkazmoqdalar — ammo «MYu»ga uch ochko juda kerak» — deydi Van Gal.