Falkao: APL eng kuchli chempionat

«Manchester Yunayted» hujumchisi Radamel Falkao yangi mavsumdan nimalar kutayotganini aytib berdi.
«Mening yangi mavsumdagi maqsadim – sovrin qo‘lga kiritish. Men o‘z jamoam va Kolumbiya terma jamoasiga yordam bermoqchiman».
«Futbolchi sifatida o‘sishga intilmoqdaman, men uchun gollar urish va sovrinlar qo‘lga kiritish muhim».
«Angliya premer-ligasi – sayyoramizning eng kuchli birinchiligi. Bu yerda eng kuchli futbolchilar to‘p surishadi, ularga qarshi har hafta maydonga tushishimga to‘g‘ri keladi».
«Jahon Chempionati Lui van Galni – eng kuchli mutaxassislardan biri ekanini ko‘rsatib berdi. U o‘z futbolchilarini tushunadi va ularning bor imkoniyatlarini to‘g‘ri taqsimlay biladi», – deydi Falkao.