Irvin: Depay shubhasiz juda iqtidorli

«MYu» ning sobiq himoyachisi Denis Irvin jamoaning yangi yarim himoyachi Memfis Depay borasida o‘z fikri bildirib o‘tdi.

«O‘ylashimcha, Depay Bekxemning o‘rnini bosishi mumkin. Uning avvalgi mavsumda «PSV» jamoasida namoyish etgan o‘yinlarini ko‘rganman. U «MYu» uchun jiddiy kuchayish bo‘ladi, deb o‘ylayman.

«Hozirdan xulosa chiqarishga erta, ammo Depay shubhasiz juda iqtidorli. Bunday futbolchilar sanoqli. Uning ko‘rsatgan statistikasiga qarasangiz, yosh bo‘lishiga qaramay ko‘p gol urganini ko‘rasiz. U o‘tgan mavsum 28 ta gol kiritishga erishgan edi», — deydi Irvin.