Kastis: Ochko yig‘a olasizmi?

«Manchester Yunayted» bosh murabbiyi Lui van Gal «Nyukasl»ga qarshi kechgan o‘yindan so‘ng Runining ortiqcha vazni haqida savol bergan jurnalist Nil Kastisning o‘zini semizlikda ayblagan edi. O‘z navbatida jurnalist unga qarshi javob qaytardi.

«Lui, men birinchi navbatda ortiqcha vazn borasidagi muammoimni ko‘rsatib berganingiz uchun sizdan minnatdorman. Men buni sezmagan ekanman.

Ammo endi men o‘z oldimga maqsad qo‘ydim — men ozishga harakat qilaman. Ammo sizning jamoangiz men tashlagan vazncha ochko yig‘a olarmikan? Men ikki stoun (tahminan 12,7 kilogramm) ozmoqchiman. Bu esa 28 funt bo‘ladi. Biroq siz may oxiriga qadar shuncha ochko yig‘a olasizmi?» — deydi Katis.