Angliya terma jamoasi va «Manchester Yunayted»ning sobiq yarim himoyachisi Devid Bekhem hozirda «qizil iblislar» safida to‘p surayotgan shvesiyalik hujumchi Zlatan Ibrahimovichning o‘yinlariga baho berdi.
«Uning harakatlari, hissiyoti, o‘yinga muhabbati – yillar davomida o‘zgarmay kelmoqda. U hamon dunyoning eng yaxshi futbolchilaridan biri.
U endi «Manchester Yunayted» uchun, mening klubim uchun o‘ynayotganidan xursandman. Buning uchun, rahmat Zlatan.
Zlatan hamisha yuqori saviyadagi o‘yinni namoyish etadi, u g‘alaba qozonishni istaydi. Biz «PSJ»da birga o‘ynaganimizda bunga amin bo‘lganman. U chempionat o‘yinimi yoki mashg‘ulotmi farqi yo‘q – har doim g‘alaba qozonishni istaydi.
U bunga erisha olmasa, xuddi mening bolalarimdan biriga o‘xshab juda xafa bo‘ladi va g‘azabga tushadi. Zlatan men uchun – g‘olib», deya Bekhemning so‘zlarini keltirgan TV4Sport.
Сиз авторизациядан ўтмагансиз. Шарҳ қўшиш учун сайтга киринг.