«Manchester Yunayted» hujumchisi Ueyn Runi Angliya premyer ligasining 22-turida urgan goli bilan Liganing mehmonda urilgan gollar bo‘yicha rekordini o‘rnatdi.
U «Stok Siti»ga qarshi 1:1 hisobida yakunlangan uchrashuvda mezbonlar darvozasini ishg‘ol qilishga muvaffaq bo‘lgan.«Stok Siti»ga urilgan gol 30 yoshli Runi uchun mehmondagi 88-si bo‘lgan.
Runi shu bilan «Nyukasl» va «Blekbern Rovers»ning sobiq hujumchisi Alan Shirer (87) natijasini o‘zgartirgan.Qayd etish joizki, Shirer 260 ta gol bilan APL tarixidagi eng yaxshi hujumchi bo‘lib qolmoqda. Runi bu ro‘yxatda 195ta gol bilan ikkinchi o‘rinda.
Bundan tashqari, Runi mehmondagi goli bilan yana bir natijani qayd etgan. U «Manchester Yunayted» uchun o‘zining 250-golini kiritgan va afsonaviy Bobbi Charltonni ortda qoldirgan va klub tarixidagi eng yaxshi hujumchiga aylangan.
Сиз авторизациядан ўтмагансиз. Шарҳ қўшиш учун сайтга киринг.