Антуан Гризманн ушбу трансфер мавсумида «Барселона» клубини тарк этишни истамайди.
Гризманнинг «Атлетико» клубига қайтиши ва Англияга кўчиб ўтиши ҳақидаги гапларга қарамай, 29 ёшли франциялик футболчи Барселонада қолишни истайди.
Diario Sport нашрининг маълум қилишича, ўйинчи бутун эътиборини «Барселона» клубига қаратади. Бунга ҳаттоки АПЛ топ-клубларининг қизиқарли таклифлари ҳам тўсқинлик қилмайди.
Гризманн каталонияликларнинг янги бош мураббийи Роналд Куман уни юқори бахолашини ва марказий ҳужумчи ролида кўриш истаги борлигини билади. Луис Суарес кетганидан кейин франциялик футболчида кўпроқ эркинлик бўлади. У Лионель Месси билан муносабатларини йўлга қўйиш ниятида.
Аввалроқ, «Ливерпуль», «Манчестер Юнайтед» ва «Арсенал» клублари Гризманни кузатишаётгани айтилган эди.
Сиз авторизациядан ўтмагансиз. Шарҳ қўшиш учун сайтга киринг.