«МЮ» Алекс Теллес билан келишувга эришди

«Порту»нинг чап қанот ҳимоячиси Алекс Теллес «Манчестер Юнайтед»га ўтиши мумкин. 

«МЮ» 27 ёшли бразилиялик билан 5 йиллик шартнома тузиш борасида келишувга эришди, деб ёзади RMC Sport.

Энди манкунианликлар «Порту» билан трансфер нархини келишишлари керак. Аввалроқ португалияликлар ҳимоячи учун 20 млн евро сўрашгани хабар қилинганди. 

Шунингдек, Теллесга «ПСЖ» ҳам қизиқмоқда. 

Алекс «Порту»да 2016 йилдан бери ўйнайди. У ўтган мавсумда Португалия чемпионатида 31та ўйинда майдонга тушиб, 11та тўп киритган.