Sneyder qishda «MYU» futbolchisiga aylanishi mumkin

Italiyaning «Inter» klubi yarimhimoyachisi Uesli Sneyder yanvarda jamoasini tark etishga yaqin turibdi. Italiya matbuotida xabar qilinishicha, Angliyaning «Manchester YUnayted» rahbariyati Gollandiya termasi futbolchisi uchun 20 million yevro taklif qilgan. «Nerazzurri»lar bu taklifni qabul qilishgan.
Eslatib o‘tamiz, Sneyder jarohati bois 26 sentyabrdan beri maydonga tushmayapti. Bugungi kelib futbolchi maydonga tushishga shay ekanini ma’lum qilgan. Lekin Andrea Stramachchoni hali futbolchini to‘liq tiklanib ulgurmagan deb maydonga tushirmayapti.