Yanuzay terma jamoadagi debyutini o‘tkazdi

Belgiya terma jamoasi tarkibida Lyuksemburg terma jamoasiga qarshi bo‘lib o‘tgan o‘rtoqlik uchrashuvida «Manchester Yunayted» jamoasining yosh yarim himoyachisi Adnan Yanuzay o‘zining terma jamoadagi debyutini o‘tkazdi. Uchrashuv 5-1 hisobida Belgiya terma jamoasining g‘alabasi bilan yakunlandi. Terma jamoa bosh murabbiyi Mark Vilmots Yanuzayni ikkinchi bo‘limda zahiradan maydonga chiqardi. Uchrashuvdan so‘ng Mark Vilmots quydagilarni aytib o‘tdi: «Adnan terma jamoani kuchaytirishda katta yordam beradi degan umiddaman. Hozirda uning maydondagi pozitsiyasida raqobat juda kuchli, u asosiy tarkibda maydonga tushishi uchun yanada kuchli o‘yin namoyish etishi kerak».Shuningdek, ushbu uchrashuvda Belgiya terma jamoasi tarkibida Maruan Fellayni to‘liq 90 daqiqa harakat qilib, raqib darvozasini ishg‘ol qilishga erishdi.