De Xea: Biz JCh-2014da g‘olib chiqamiz

«Manchester Yunayted» darvozaboni David De Xea Ispaniya terma jamoasi Jahon chempionligi nomini saqlab qolmoqchi ekanini aytib o‘tdi.
«Men Valdes bilan gaplashmadim, biroq JCh oldidan u bunday jiddiy jarohat olgani achinarli holat. Unga tezroq tuzalib ketishini tilab telefoniga xabar yubordim.
Ispaniya terma jamoasi – Jahondagi eng zo‘ri, umid qilamanki, biz JCh-2014da g‘olib chiqamiz.
Tarkibga kirganimdan juda mamnunman. Yoshlar tarkibida maydonga tushganimni eslayman. Juda ko‘p futbolchilarda og‘ir mavsum bo‘ldi, biroq ular eng yaxshi futbolchilar sanalishadi. Yana Jahon chempionatini yutishga harakat qilamiz», – deydi De Xea.