«Manchester Yunayted» hujumchi Radamel Falkao bilan shaxsiy shartnoma borasida bir qarorga keldi.
Manchesterliklar Falkaoni «Monako»dan 6 million funt evaziga ijaraga oldi va keyingi yili yozda uning transfer huquqini 43,5 million funtga sotib olishi mumkin.
Shuningdek, «Yunayted» rahbariyati kolumbiyalik futbolchi bilan shaxsiy shartnoma borasida to‘liq kelishuvga erishdi. Masalan, uning haftalik maoshi 250 ming yevroni tashkil qiladi. Futbolchi bilan bonus va qiyofa huquqi borasida ham kelishuvga erishildi.
«Manchester Yunayted» barcha masalani hozirdanoq hal qilib, kelasi yili futbolchining agentlariga savdolashish imkoniyatini qoldirmadi.
Eslatib o‘tamiz, 2009 yilda «MYu» hujumchi Karlos Tevesning ijara muddati yakuniga yetganidan so‘ng shartnoma borasida kelisha olmagani bois uni qo‘ldan chiqargandi.
Сиз авторизациядан ўтмагансиз. Шарҳ қўшиш учун сайтга киринг.